ပြည်တွင်း အိမ်ခြံမြေ သတင်း | Posted by နှင်းအိခင်
Money Gram ဝန်ဆောင်မှုအသုံးပြုပြီး မြန်မာနိုင်ငံသားများဘဏ် ဘဏ်ခွဲ ၄၂ ခုကနေ ကမ္ဘာတစ်ဝန်းက Money Gram ဝန်ဆောင်မှုပေးတဲ့နိုင်ငံ ပေါင်း ၂ဝဝ ကျော်က နယ်မြေဒေသတွေကို ငွေပေးပို့နိုင်တော့မှာပါ။
Money Gram (NASDAQ:MGI) နဲ့ မြန်မာနိုင်ငံသားများဘဏ် (MCB) တို့ ပူးပေါင်း ပြီး ပြည်တွင်းက မြန်မာနိုင်ငံသားများဘဏ်တွေရှိတဲ့နေရာတိုင်း မှာ ငွေပို့ငွေလွှဲဝန်ဆောင်မှုပေးနိုင်မှာပါ။
မြန်မာနိုင်ငံအပါအဝင် အရှေ့တောင်အာရှနိုင်ငံတွေရှိ Money Gram ရဲ့အကြီးအကဲဖြစ်သူ Mr.Sukesh Malliah က " မြန်မာနိုင်ငံမှာရှိတဲ့ ပြည်သူတွေက နှစ်ပေါင်းများစွာ Money Gram ဝန်ဆောင်မှုကို အသုံးပြုပြီး နိုင်ငံရပ်ခြားမှာ နေထိုင်အလုပ်လုပ်တဲ့ မိသားစု၊ မိတ်ဆွေတွေက ပေးပို့တဲ့ ငွေတွေကို လက်ခံရရှိခဲ့ကြပါတယ်၊ ယခုအခါမှာတော့ ကျွန်တော်တို့ Money Gram က မြန်မာနိုင်ငံမှာနေထိုင်တဲ့ပြည်သူတွေကလဲ နိုင်ငံရပ်ခြားမှာရှိတဲ့သူတွေ ဆီကို ငွေပို့နိုင်မယ့်ဝန်ဆောင်မှုကို ပေးသွားမှာပါ ” လို့ ပြောပါတယ်။
ကမ္ဘာ့ဘဏ်ပြောကြားချက်အရ ၂၀၁၇ ခုနှစ်မှာ မြန်မာနိုင်ငံက ပြည်ပနိုင်ငံတွေကို ငွေလွှဲမှုပမာဏ မှာ အမေရိကန်ဒေါ်လာ သန်း ၄၂၀ ကျော် ရှိခဲ့ပါတယ်။ ငွေပေးပို့ တဲ့နိုင်ငံအများစုမှာ ထိုင်းနိုင်ငံ၊ တရုတ်နိုင်ငံနဲ့ အမေရိကန်နိုင်ငံ တို့ ဖြစ်ပါတယ်။
Money Gram မှာ ငွေပို့၊ ငွေလွှဲဝန်ဆောင်မှုတွေအတွက် ကမ္ဘာလုံးဆိုင်ရာအဖွဲ့အစည်းတစ်ခုဖြစ်ပါတယ်။ အွန်လိုင်းကပဲ ဖြစ်ဖြစ်၊ မိုဘိုင်းလ်ဖုန်းကဖြစ်ဖြစ်၊ စတိုး ဆိုင်တွေကဖြစ်ဖြစ် Money Gram အသုံးပြုသူတွေ အဆင်ပြေနိုင်အောင် ချိတ်ဆက်ပေးထားပါတယ်။ ဘီလ်ပေးချေမှု၊ ငွေအော်ဒါ လုပ်ဆောင်မှုတွေနဲ့ ရွေးချယ်ထားတဲ့ဒေသတွေရဲ့ တရားဝင်ချက်လက်မှတ်တွေကို လုပ်ဆောင်မှု စတဲ့ဝန်ဆောင်မှုတွေကိုလည်း ပံ့ပိုးပေးနေပါတယ်။
Money Gram က မြန်မာနိုင်ငံရှိ ငွေပို့ငွေလွှဲဝန်ဆောင်မှုအသုံး ပြုသူတွေအတွက် မေလ ၃၁ရက် နေ့အထိ ပရိုမိုးရှင်းအစီအစဉ်အနေနဲ့ ငွေကျပ် ၂၃,၉၉၀ နဲ့ Money Gram Power Bank ကို ရယူနိုင်မယ့်အခွင့်အရေးတွေလည်း ဆောင်ရွက်ပေးသွားမှာပါ။
Credit: The Kumudra
