ဗြိတိန်တွင် သင်္ချိုင်းကုန်းတစ်ခုအတွင်းဆောက်လုပ်ထားသည့် နေအိမ်တစ်လုံး ပေါင် ၅ သိန်းနီးပါး (မြန်မာငွေ သိန်းတစ်သောင်းခန့်) ဖြင့် အရောင်းဈေးကွက်ဝင်လာ

ဗြိတိန်နိုင်ငံ အရှေ့တောင်ပိုင်း နော်ဖော့ခ် ခရိုင်တွင် သင်္ချိုင်းတစ်ခုအတွင်း ဆောက်လုပ်ထားသည့် နေအိမ်တစ်လုံး အရောင်းဈေးကွက်ဝင်လာသည်။

အိပ်ခန်း ၃ ခန်းပါနေအိမ်ဖြစ်ပြီး ဝယ်ယူမည့်သူမရှိခြင်းကြောင့် ယခုအခါ ပေါင် ၁၀၅၀၀၀ အထိ ဈေးလျှော့ပေးလာသည်။

နော့သ် လိုဖန်အမည်ရှိ ကျေးရွာကလေးတွင် တည်ရှိပြီး မူလက မက်သဒစ်ဘုရားကျောင်းအဖြစ် အသုံးပြုခဲ့ဖူးသည်ဟု ဆိုသည်။

အဆိုပါ ဘုရားကျောင်းမှာ လာရောက်သူ တစထက်တစနည်းပါးလာပြီးနောက်ပိုင်း ၂၀၁၄ ခုနှစ်တွင် ပိတ်သိမ်းလိုက်ကာ ယင်းနောက်ပိုင်းတွင် အိမ်ခြံမြေ developer တစ်ဦးက ဝယ်ယူသွားခဲ့သည်။

အဆောက်အအုံကို အပြည့်အဝ ပြန်လည်ပြုပြင်မွမ်းမံမှုများ ပြုလုပ်ထားပြီးဖြစ်ကာ ရေချိုးခန်းသစ်များအပြင် မီးဖိုဆောင်သစ်တစ်ခုလည်း ထည့်သွင်းပေးထားသည်။

အဆိုပါ developer သည် မူလက ကိုယ်တိုင်နေထိုင်ခဲ့ဖွယ်ရှိသော်လည်း နောက်ပိုင်းတွင် ကလေးများ၏ ကျောင်းနှင့် နီးစပ်သောနေရာတွင် ပြောင်းရွှေ့နေထိုင်ခဲ့ကြသည်။

ယင်းနောက်ပိုင်းကတည်းက အရောင်းဈေးကွက်သို့ ရောက်ရှိခဲ့ပြီး ရောင်းမထွက်သောကြောင့် ဈေးနှုန်း တစထက်တစ လျှော့ပေးခဲ့သည်။

ယခုခေါ်ဈေးမှာ ပေါင် ၄၉၅၀၀၀ ဖြစ်သည်။ (မြန်မာငွေ သိန်း ၉၈၀၀ ကျော်)

ယခုရောင်းချမှုတွင် သင်္ချိုင်းဂူများ မပါဝင်ဟုဆိုသည်။ သင်္ချိုင်းနေရာကို Church of England က ပိုင်ဆိုင်ထားသည်ဟု ဆို၏။

အင်မာဆန် ဒပ်တန်ဆိုသူက ပြောကြားရာတွင် “သင်္ချိုင်းကျောက်တိုင်တွေကြောင့် ဝယ်လက်တွေလက်တွန့်နေကြတာဆိုတာတော့ မှန်ပါတယ်။ ဒါက အရမ်းစတိုင်ကျတဲ့ အဆောက်အအုံတစ်ခုပါ။ ဒါပေမယ့် မျှော်လင့်ထားသလောက် အရောင်းအဝယ်လှုပ်ရှားမှု မရှိဘဲ အရမ်းနည်းနေတယ်။”

သင်္ချိုင်းရှိတယ်ဆိုတာနဲ့တင် လူတွေက အိမ်ကြည့်ဖို့ စုံစမ်းတာမျိုးတွေ ဆက်မလုပ်တော့တာလို့ ထင်ပါတယ်။

နေအိမ်ရှေ့ဘက်တွင် မူရင်းတံခါး ၂ ခုရှိသော်လည်း နောက်ဘက်မှ အဓိကဝင်ပေါက်ပြုလုပ်ထားသည်။

“ဒါက ဘာလဲဆိုတော့ လူတွေဟာ အုတ်ဂူတွေကြားကဖြတ်ပြီး နေအိမ်ဆီကို သွားစရာမလိုဘူးဆိုတာပါ။”

ထို့အပြင် အတွင်းပိုင်း ဖွဲ့စည်းတည်ဆောက်ပုံကြောင့် နေအိမ်အတွင်းတွင် နေထိုင်ချိန်အတွင်းတွင်လည်း အုတ်ဂူများကို တွေ့မြင်နေရမည်ကား မဟုတ်ချေ။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)