ဒေါ်နယ်ထရမ့်နှင့် တွေ့ဆုံရာတွင် ဗီယက်နမ်၌ မြောက်ကိုရီးယားခေါင်းဆောင် ကင်ဂျုံအန် တည်းခိုခဲ့သော မီလီယာဟိုတယ်

မြောက်ကိုရီးယားခေါင်းဆောင် ကင်ဂျုံအန်သည် အမေရိကန်သမ္မတ ဒေါ်နယ်ထရမ့်နှင့် တွေ့ဆုံဆွေးနွေးရန်အတွက် မြောက်ကိုရီးယားမှ တရုတ်ပြည်ကို အထူးမီးရထားဖြင့် ဖြတ်သန်းကာ ဗီယက်နမ်သို့ ခရီးထွက်ခဲ့သည်။

ဗီယက်နမ်သို့ ရောက်သောအခါ ဟနွိုင်းရှိ မီလီယာဟိုတယ် Melia Hanoi တွင် တည်းခိုခဲ့သည်။

ဟနွိုင်းသည် မူလကပင် ကမ္ဘာလှည့်ခရီးသည်တို့အကြား ရေပန်းစားကျော်ကြားပြီးဖြစ်သည့် မြို့တော်ကြီးဖြစ်သော်လည်း မြောက်ကိုရီးယားခေါင်းဆောင် ကင်ဂျုံအန် လာရောက်တည်းခိုပြီးနောက်ပိုင်းတွင် ကမ္ဘာ့သတင်းမီဒီယာတို့အကြား တဟုန်ထိုး ထင်ရှားလာသည်။

ဟနွိုင်း၏ သမိုင်းဝင်ဗိသုကာများ၊ ယဉ်ကျေးမှုဆိုင်ရာ နေရာများ၊ အရသာထူးကဲသည့် စားသောက်ဖွယ်ရာတို့ကလည်း အဆိုပါ အခင်းအကျင်းကို အထောက်အပံ့ပြုနေသည့်အရာများ ဖြစ်ကြသည်။

သို့သော ဟနွိုင်းသို့ သွားရောက်လည်ပတ်ရန် လတ်တလောအစီအစဉ်ရှိနေသူတို့၏ စိတ်ထဲတွင် ရှိနေနိုင်သည့် မေးခွန်းတစ်ခုမှာ “ထရမ့်နှင့် ကင်ဂျုံအန်တို့ မည်သည့်နေရာများတွင် တည်းခိုခဲ့သနည်း”ဟူသော မေးခွန်းဖြစ်ဖွယ်ရှိသည်။

သူ၏ ယာဉ်တန်းအုပ်စုက Melia Hanoi ဟိုတယ်သို့ ဖေဖော်ဝါရီ ၂၇ မနက်ပိုင်းတွင် ရောက်ရှိခဲ့ကြသည်။

ကင်ဂျုံအန်သည် မြောက်ကိုရီးယားမှ အထူးရထားဖြင့် တရုတ်ပြည်ကို ဖြတ်သန်းပြီး မိုင်ပေါင်း ၂၈၀၀ ကျော် ခရီးထွက်ခဲ့ရာတွင် ၂ ရက်ခွဲခန့် ကြာမြင့်ခဲ့သည်။

Melia Hanoi သည် စပိန်နိုင်ငံတွင် အခြေစိုက်သော Melia Hotels International ၏ ပိုင်ဆိုင်မှုအောက်တွင်ရှိပြီး လေထုံးကီယက်လမ်းပေါ်တွင် ၁၉၉၉ ခုနှစ်အတွင်း ဖွင့်လှစ်ခဲ့သည်။

ဟိုတယ်မှာ ၂၁ ထပ် အဆောက်အအုံဖြစ်ပြီး အခန်းပေါင်း ၃၀၆ ခန်း ပါဝင်ကာ ဟနွိုင်းမြို့လယ်တွင် တည်ရှိပြီး နာမည်ကျော် ဟွမ်ကီယန်ရေကန်ကြီးသို့ လမ်းလျှောက်သွားရုံဖြင့် အလွယ်တကူရောက်ရှိနိုင်သည့်အပြင် အစိုးရဧည့်ဂေဟာအိမ်တော်နှင့်လည်း နီးကပ်စွာ တည်ရှိသည်။

ထို့အပြင် မြောက်ကိုရီးယားသံရုံးနှင့် တစ်မိုင်ပင် မကွာဝေးချေ။

Melia Hanoi တွင် အခန်းအမျိုးအစား အမျိုးမျိုးရှိရာ စတုရန်းမီတာ ၆၈ မီတာရှိသည့် "Level Suite" အမျိုးအစားမှသည် စတုရန်းမီတာ ၁၃၅ မီတာရှိသည့် Grand Suite ဟူသော အခန်းလည်း တစ်ခန်း ပါဝင်သည်။

သို့ရာတွင် ကင်ဂျုံအန် တည်းခိုခဲ့သည့်အခန်းမှာ အပေါ်ဆုံးအခန်းဖြစ်သော စတုရန်းမီတာ ၁၈၅ မီတာ ကျယ်ဝန်းသည့် Presidential Suite အခန်းဖြစ်ကြောင်း CNN က ခန့်မှန်းထားသည်။

အဆိုပါအခန်းသည် ၂၂ ထပ်မြောက်တွင် တည်ရှိပြီး master bedroom တစ်ခန်းအပြင် သီးခြားဧည့်ခန်း၊ ညစာစားခန်းနှင့် ရုံးခန်းနေရာတို့ ပါဝင်ကာ ဟွမ်ကီယန်ရေကန်ကြီးနှင့် မြစ်နီမြစ်တို့ကို စီးမိုးတွေ့မြင်နေရသည့် ရှုခင်းများ ပိုင်ဆိုင်ထားသည်။

Melia Hanoi တွင် အဓိကစားသောက်ဆိုင် ၂ ခုပါဝင်ပြီး El Patio Restaurant တွင် နိုင်ငံတကာပုံစံ ဘူဖေးရရှိနိုင်ပြီး နံနက်စာ၊ နေ့လယ်စာနှင့် ညစာတို့ ရရှိနိုင်ကာ El Oriental စားသောက်ဆိုင်တွင်မူ ဗီယက်နမ်နှင့် ထိုင်းအစားအစာများ ရရှိနိုင်သည်။

Melia Hanoi သည် ဟနွိုင်းရှိ ထိပ်တန်းကြယ်ငါးပွင့်အဆင့် ဟိုတယ်များတွင် အပါအဝင်ဖြစ်သော်လည်း ပြီးခဲ့သောနှစ်က စင်္ကာပူတွင် ကင်ဂျုံအန်နှင့် ဒေါ်နယ်ထရမ့်တို့ ထိပ်သီးဆွေးနွေးပွဲ ကျင်းပစဉ်ကာလအတွင်း ကင်ဂျုံအန်တည်းခိုခဲ့သည့် the St. Regis ဟိုတယ်လောက် အဆင့်မမြင့်လှချေ။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)