ကမ္ဘာကျော်ဂန္ထဝင် ရုပ်ရှင်ကြယ်ပွင့်၊ အဆိုတော် အိုလီဗီယာ နယူတန်ဂျွန်က သြစတေးလျရှိ ၁၈၇ ဧက ကျယ်ဝန်းသော ယာတောခြံကြီးကို ဝယ်လက်ရှာဖွေလျက်ရှိ

အိုလီဗီယာ နယူတန် ဂျွန်သည် သြစတေးလျအဆိုတော်၊ တေးရေး၊ ရုပ်ရှင်သရုပ်ဆောင်တစ်ဦးဖြစ်ပြီး ဂရမ်မီဆု ၄ ကြိမ်အထိ ရရှိထားသော ကမ္ဘာကျော် တေးသံရှင်လည်း ဖြစ်သည်။

ကမ္ဘာတစ်ဝန်းတွင် တေးအယ်လ်ဘမ်ချပ်ရေ သန်း ၁၀၀ ကျော် ရောင်းချခဲ့ရပြီးဖြစ်ကာ ကမ္ဘာ့သမိုင်းတစ်လျှောက် အရောင်းရဆုံး အနုပညာရှင်များတွင် တစ်ဦးအပါအဝင်လည်း ဖြစ်သည်။

နယူတန်ဂျွန်သည် အင်္ဂလန်နိုင်ငံ၊ ကိန်းဘရစ်ရှိုင်းယားအရပ်တွင် မွေးဖွားပြီး မိခင်ဘက်မှ ဂျူးလူမျိုးအဘိုးဖြစ်သူ မက်ဇ်ဘွန်းမှာ နိုဘယ်ဆုရ ရူပဗေဒသိပ္ပံပညာရှင်ဖြစ်သည်။

မက်ဇ်ဘွန်းသည် ဒုတိယကမ္ဘာစစ်ကြီးမဖြစ်မီတွင် နာဇီတို့လက်အောက်မှ လွတ်မြောက်ရန်အတွက် ဂျာမနီမှ အင်္ဂလန်သို့ မိသားစုနှင့်အတူ ထွက်ပြေးတိမ်းရှောင်ခဲ့သည်။

နယူတန်ဂျွန်၏ ဖခင်မှာ MI5 မှ အရာရှိတစ်ဦးဖြစ်သည်။

ယခုအခါ အိုလီဗီယာ နယူတန်ဂျွန်က သြစတေးလျနိုင်ငံ၊ နယူးဆောက်သ်ဝေးပြည်နယ်တွင် ၎င်းပိုင်ဆိုင်ထားသော ၁၈၇ ဧက ကျယ်ဝန်းသည့် ယာတောမြေနေရာကြီးကို လက်လွှဲဝယ်ယူမည့် သဘာဝတရားကို ချစ်မြတ်နိုးသူတစ်ဦး ရှာဖွေလျက်ရှိသည်။

မစ္စ နယူတန်ဂျွန်သည် အသက် ၇၀ အရွယ်ရှိပြီဖြစ်ပြီး မြို့ပြဒေသများနှင့် အလှမ်းကွာဝေးသည့် ယခုနေရာကို နှစ်ပေါင်း ၄၀ ခန့် ပိုင်ဆိုင်ထားခဲ့ခြင်း ဖြစ်သည်။

သို့ရာတွင် နာမည်ကျော်တို့ အခြေချစုဝေးရာ ဘိုင်ရွန်ပင်လယ်ကွေ့နှင့်မူ မိနစ် ၄၀ ခရီးသာ ကွာဝေးသည်။

ခေါ်ဈေးမှာ သြစတေးလျဒေါ်လာ ၅ ဒသမ ၅ သန်း (ကန်ဒေါ်လာ ၃ ဒသမ ၉ သန်း) ဖြစ်ကြောင်း နယူတန်ဂျွန်၏ မိတ်ဆွေ အိမ်ခြံမြေအကျိုးဆောင် ဂျီလီယန် မက်ခ်ဂရက်သ်က ပြောကြားသည်။

၁၉၈၇ ခုနှစ်က ရိုက်ကူးထုတ်လုပ်ခဲ့သော ဂီတ၊ အချစ်ဟာသဇာတ်မြူးဖြစ်သည့် Grease တွင် ကမ္ဘာကျော်သရုပ်ဆောင် ဂျွန်ထရာဗိုလ်တာနှင့်အတူ ဦးဆောင်မင်းသမီးအဖြစ် ပါဝင်ခဲ့ပြီး အောင်မြင်မှုများ ရရှိလာပြီး ၁၉၈၀ ပြည့်လွန် အစောပိုင်းကာလများတွင် ယခုယာတောမြေကို ဝယ်ယူခဲ့ခြင်းဖြစ်သည်။

“ဒီယာတောမြေမှာ တွေ့မြင်ရတဲ့ အသက်ရှုမှားဖွယ် ရှုမျှော်ခင်းတွေဟာ နေထိုင်ခဲ့တဲ့နှစ်ကာလတစ်လျှောက် ကျွန်မရဲ့ နှလုံးသားကို ဖမ်းစားထားခဲ့ပါတယ်”ဟု မစ္စ နယူတန်ဂျွန်က ပြောကြားသည်။

ပြီးခဲ့သော ဆယ်စုနှစ် ၄ ခုအတွင်း မစ္စ နယူတန်ဂျွန်သည် အဆိုပါယာတောမြေတွင် သစ်ပင်ပေါင်း ၁၀၀၀၀ ကျော် စိုက်ပျိုးခဲ့သည်။

နယူတန်ဂျွန်သည် ၂၀၀၂ ခုနှစ်တွင် ပင်မနေအိမ်ကို ပြန်လည်ဆောက်လုပ်ခဲ့ပြီး အိပ်ခန်း ၃ ခန်း၊ စားသောက်ရန် နေရာတွဲဖက် ထည့်သွင်းထားသည့် မီးဖိုဆောင်တို့ ပါဝင်သော ပြင်သစ်ကျေးလက်ဟန်နေအိမ်အဖြစ် ဖန်တီးခဲ့သည်။

နေအိမ်အတွင်း ကျွန်းသားကြမ်းပြင်များ၊ အနီးရှိ ပင်လယ်ကမ်းခြေများမှ စုဆောင်းရယူထားသည့် ခရုခွံ၊ ကျောက်စရစ်များဖြင့် အလှဆင်ထားသည့် နံရံများတွေ့ရှိရမည် ဖြစ်သည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)