ဒဏ္ဍာရီပုံပြင်လာ ဗိသုကာ

ဒဏ္ဍာရီပုံပြင်လာ ဗိသုကာ (သို့မဟုတ်) ပုံပြင်လာ စာအုပ်စံအိမ် ဟူသည်မှာ အင်္ဂလန်နှင့် အမေရိ ကန်ပြည်ထောင်စု များတွင် ၁၉၂၀ ပြည့်လွန်ကာလများအတွင်း ထွန်းကားခဲ့သည့် ဗိသုကာဟန်တစ်မျိုးဖြစ်၏။

ပုံပြင်စာအုပ်လာ ဗိသုကာသည် ဟောလိဝုဒ်ဗိသုကာ ဟန်တစ်မျိုးဖြစ်သည့် ပရဗင်းချယ်လ် ရဗိုင်းဗလ်လဇင် (Provincial Revivalism) ဟုခေါ်သော ဗိသုကာဟန်အပေါ် တိမ်းညွတ်မှု များစွာရှိသည်။ ပုံပြင်စာအုပ်လာ ဗိသုကာကို လူအများခေါ်လေ့ရှိ သည်မှာ ဒဏ္ဍာရီပုံပြင်လာ (သို့မဟုတ်) ဟန်းဆဲလ်နှင့် ဂရတဲလ် ဟု ခေါ်လေ့ရှိကြသည်။ ဟန်းဆဲလ်နှင့် ဂရတဲလ်ဟူသည်မှာ ဂျာမာန်ရိုးရာ ပုံပြင်တစ်ပုဒ်ကို ရည်ညွှန်းခြင်း ဖြစ်သည်။

(ဟန်းဆဲလ်နှင့် ဂရတဲလ်ပုံပြင်မှာ- ရှေးအခါက ဟန်း ဆဲလ်နှင့် ဂရတဲလ်ဟူသော မောင်နှမ ကလေးငယ် ၂ ဦးကို တောအုပ်ကြီးတစ်ခုထဲတွင် နေထိုင်သည့် စုန်းမကြီးက ဖမ်းဆီး သွားခဲ့သည်။ စုန်းမကြီးက သူ၏စံအိမ်ကို ကိတ်မုန့်၊ သကြားလုံး အစရှိသည်တို့ဖြင့် ဆောက်လုပ်ထားသည်ဟု ဆိုသည်။ ကလေး ၂ ဦးက ပရိယာယ်သုံး၍ စုန်းမကြီးထံမှ ထွက်ပြေးလွတ်မြောက် ခဲ့ပုံ ဇာတ်လမ်းဖြစ်သည်) ပုံပြင်စာအုပ်လာ ဗိသုကာဟန်အတွက် တိကျသည့် အဓိပ္ပာယ်ဖွင့်ဆိုချက်မရှိချေ။ အဓိက အချက်မှာ ပျော်ရွှင်ဖွယ် အတိပြီးခြင်း ဖြစ်သည်။

များစွာသော ပုံပြင်စာအုပ်လာ နေအိမ်တို့မှာ ကျောက်ဆောင်အတိပြီးခြင်း၊ မညီညာသော အမိုးများ၊ ကျောက်စရစ်ခဲ များ၊ ထူးဆန်းသည့် ပုံသဏ္ဌာန်ရှိသော တံခါးများ၊ ပြတင်းများ ကို ကိုယ်စားပြုနေသည်။ ဒဏ္ဍာရီပုံပြင်လာဗိသုကာ စတင်အခြေပြုသည်မှာ ကယ်လီဖိုးနီးယား ပြည်နယ်၊ အထူးသဖြင့် လော့စ်အိန်ဂျလိမြို့ တွင်ဖြစ်ပြီး ၁၉၂၀ မှ ၁၉၃၀ ပြည့်လွန်ကာလများအကြား အလွန်ကျော်ကြားခဲ့သည်။

ဒဏ္ဍာရီပုံပြင်လာ ဗိသုကာဟန်ကို စတင်အသုံးပြုခဲ့ ကြသည့် ထင်ရှားသော ဗိသုကာပညာရှင်များမှာ ဟယ်ရီအိုလီ ဗာ၊ ဘင်ရှားဝုဒ်၊ ၀ီလျံ အာရ်-ယဲလန်း၊ ဝေါလ်တား ဒဗလျူ-ဒစ်ခ်ဆင်နှင့် ကားရ် ဂျုန်းစ်တို့ ဖြစ်ကြသည်။ ဒဏ္ဍာရီပုံပြင်သည် လော့စ်အိန်ဂျလိမှသည် ဆန်ဖရန် စစ်္စကိုပင်လယ်ကွေ့ဧရိယာ၊ ယင်းမှတဆင့် အမေရိက၏ ကျန်ဒေသများသို့ ပြန့်နှံ့သွားခဲ့ပြီး မဟာစီးပွားပျက်ကပ်ကြီး မကျ ရောက်မီအထိ ခေတ်စားခဲ့သည်။

ပုံပြင်စာအုပ်လာ ဗိသုကာ ၁၉၂၀ ပြည့်လွန်ကာလများ အတွင်း အမေရိက၏ ပျော်ရွှင်ဖွယ်နေအိမ်များ (Storybook Style: America’s Whimsical Homes of the 1920s ) ဟူသော စာအုပ်တွင် အဲရိုးလ် ဂဲလ်နာ Arrol Gellner နှင့် ဒေါက် ကီးအစ္စတာ Doug Keister တို့က တမူထူးခြားသော အမေရိကန်ဗိသုကာ၏ သမိုင်းကို ဖော်ပြခဲ့ကြသည်။

ကယ်လီဖိုးနီးယားပြည်နယ်၊ လော့စ်အိန်ဂျလိမြို့၊ ဘီဗာလီဟေးလ်အရပ်သည် မော်ဒန်နှင့် ရီဗိုက်ဗယ်လ်ဟန် စံအိမ်ကြီးများ ရောယှက်နေပြီး နတ်သမီးမြို့တော်ကြီး၏ စွဲမက် ဖွယ်ရာများကို လှစ်ဟပြသနေသည်။ ၀ါလ်ဒင် ဒရိုက်ဗ်လမ်း၊ အမှတ် ၅၁၆ ရှိ The Witch’s House အမည်ရှိသော စံအိမ်ဆိုလျှင် မူလက ဟောလိဝုဒ် ဒါရိုက်တာတစ်ဦးက ရုပ်ရှင်စတူဒီယိုတစ်ခုအဖြစ် ရည်ရွယ် ဆောက်လုပ်ခဲ့ခြင်းဖြစ်ပြီး ရုပ်ရှင်ရိုက်ကွင်းနေရာအဖြစ် အသုံးပြုခဲ့သည်။

၁၉၂၀ ပြည့်လွန်ကာလများအတွင်း The Witch’s House သည် များစွာကျော်ကြားခဲ့ပြီး ပို့စ်ကတ်များစွာတွင် ရိုက်နှိပ် ဖော်ပြခြင်းခံခဲ့ရ ဖူးသည်။ မတ်စောက်သော အမိုးများ၊ ရှည်လျားမြင့်မားသော နံရံများမှာ ဒဏ္ဍာရီပုံပြင်ဆန်ဆန် ဆောက်လုပ်ထားခြင်းဖြစ်သည်။နေအိမ်ဒီဇိုင်းတစ်ခုလုံးမှာ အိုမင်းနေသော ရှေးဟောင်းလက်ရာ အသွင် စနစ်တကျ ပုံဖော်ဆောက်လုပ်ထားခြင်းဖြစ်ကြောင်း ဒဏ္ဍာရီပုံပြင်လာ ဗိသုကာဟန်စာအုပ်ထဲတွင် အာရိုးလ် ဂဲလ်နာ က ရေးသားခဲ့သည်။

The Witch’s House သည် ဒဏ္ဍာရီလာဗိသုကာ ၏ နောက်ဆုံးလက်ရာတစ်ခု ဖြစ်ကောင်းဖြစ်ဖွယ်ရှိသည်။ ဒဏ္ဍာရီလာ ဗိသုကာဟန်သည် ပထမကမ္ဘာစစ်ကြီး အတွင်း ကတုတ်ကျင်းများနှင့် ကယ်လီဖိုးနီးယားတောင်ပိုင်း ရုပ်ရှင်နယ်များမှ စတင်အခြေတည်ခဲ့ခြင်းဖြစ်ပြီး အမေရိကန် လူမျိုးတို့ ပျော်ရွှင်မှုကို နှစ်သက်ခုံမင်ပုံအား လှစ်ဟပြသနေ သည်။

““ဒီဗိသုကာဟန်က အလေးအနက်ကြီး ငြင်းခုံရမယ့် အရာမျိုးတစ်ခု မဟုတ်ပါဘူး။ ဘာကြောင့်လဲဆိုတော့ ဒါက ပညာရှင်တွေကြားက ဂန္ထဝင်မြောက် ဗိသုကာဟန်တစ်ခု မဟုတ် လို့ပါပဲ။ ဒါက ၀ိတိုရိယဗိသုကာ၊ Arts and Crafts (ဒါမှမဟုတ်) ဖရန့်ခ် လွိုက်ဒ် ရိုက်ထ်ရဲ့ လက်ရာမျိုး မဟုတ်ပါဘူး””ဟု ဒဏ္ဍာရီ လာ ဗိသုကာဟန် စာအုပ်ကိုရေးသားရာတွင် ပါဝင်ခဲ့သည့် စာရေး ဆရာ ဒေါက်ကီအစ္စတာက ပြောကြားသည်။

““ဒါကြောင့် ဒဏ္ဍာရီလာ ဗိသုကာဟန် နေအိမ်မျိုး မှာ ပန်းခြံစောင့်နတ်ရုပ်တွေ ထားမယ်ဆိုလည်း အဆင်ပြေပါ တယ်။ ဒါပေမယ့် ဖရန့်ခ် လွိုက်ဒ် ရိုက်ထ်ဗိသုကာဟန်နေအိမ် တွေမှာတော့ ပန်းခြံစောင့်နတ်ရုပ်ထားမယ်ဆိုရင်တော့ ဒါဟာ မသင့်တော်ဘူးလို့ လူတွေဝိုင်းပြီး အပြစ်တင်တာခံရဖို့ ရှိပါ တယ်””ဟု ဒေါက်ကီ အစ္စတာက ဆိုသည်။

အာရိုးလ်ဂဲလ်နာ၏ ရေးသားချက်အရ ၁၉၂၀ ပြည့် လွန်ကာလများအတွင်း ဒဏ္ဍာရီဗိသုကာဟန်နေအိမ်များကို အခြားသော ပိရိယက်ထ် ရီဗိုက်ဗယ်လ်ဟန်များနှင့် ကွဲထွက် စေသည့် အချက်များမှာ အလယ်ခေတ်၏ ဖွဲ့စည်းမှုဟန်ပန် တို့ကို ကာတွန်းဆန်ဆန်ပြောင်းလဲခြင်း၊ အဓိပ္ပာယ်ဖွင့်ဆိုချက် အတိအကျထက် အဓိပ္ပာယ်သတ်မှတ်ချက်မထားခြင်း (သာဓက ပျော်ရွှင်မှု) တို့ဖြစ်သည်ဟု ဆိုသည်။

ဒဏ္ဍာရီလာ ဗိသုကာသည် ပထမကမ္ဘာစစ်ကြီး ပြီးဆုံး ပြီးနောက်ပိုင်း ကယ်လီဖိုးနီးယားတောင်ပိုင်းတွင် မွေးဖွားခဲ့ပြီး အမေရိကန်ပြည်တစ်ဝန်း ပျံ့နှံ့သွားခဲ့ကာ မဟာစီးပွားပျက်ကပ် ကြီးဆိုက်ချိန်တွင် ပျောက်ကွယ်သွားခဲ့သည်။ ကျော်ကြားမှုသက်တမ်း ၁၀ နှစ်မျှသာရှိခဲ့သော်လည်း အမေရိကန်ပြည်ထောင်စုအတွက် ဆွတ်ပျံ့ဖွယ်ကောင်းသော ဆန်းကြယ်လှပသည့် နေအိမ်များစွာ ဆောင်ကြဉ်းပေးသွားခဲ့ သည်။ ဒဏ္ဍာရီလာ ဗိသုကာကို ပညာရှင်များ၊ ဗိသုကာပညာသင် ကြားရေးလောကများတွင်မူ ထည့်သွင်းပို့ချလေ့မရှိကြချေ။ သို့ အတွက် ကီအစ္စတာနှင့် ဂဲလ်နာတို့၏ စာအုပ်မှာ ဒဏ္ဍာရီလာ ဗိသုကာအတွက် သမ္မာကျမ်းစာသဖွယ် တစ်ခုတည်းသောကျမ်းစာ အဖြစ် ရပ်တည်နေသည်။ ဒဏ္ဍာရီလာ ဗိသုကာဟန်ကို ရှေးက အသုံးပြုခဲ့ဖူးသည့် သမိုင်းများလည်း တွေ့ရှိရသည်။

ပြင်သစ်ဘုရင်မကြီး မေရီ အန်တွိုင်းနက်သည် ၁၇၈၃ ခုနှစ်တွင် ဗာဆိုင်းနန်းတော်၏ ပန်းဥယျာဉ်များအတွင်းတွင် “အာမူး ဒူရူးဟိမ်း” (Hameau de le Reine) ဟု အမည်ရသော ဒဏ္ဍာရီလယ ဗိသုကာဟန် စံအိမ်တစ်လုံး ဆောက်လုပ်စေခဲ့ဖူး သည်။ ဒဏ္ဍာရီလာဗိသုကာသည် အမေရိကသို့ ပျံ့နှံ့ခဲ့ရာတွင် ထင်ရှား သည့် လက်ရာတစ်ခုမှာ နယူးယောက်မြို့ရှိ နာမည်ကျော် ပန်းခြံကြီးဖြစ်သော Central Park အတွင်းတွင် ဆောက်လုပ်ထား သည့် ဘဲလ်ဗီဒီယာ ရဲတိုက်ကြီး (Belvedere Castle) ဖြစ်သည်။

ဘဲလ်ဗီဒီယာရဲတိုက်ကို ဗိသုကာပညာရှင် ဖရက်ဒရစ် လော အွမ်းစတက်ဒ်နှင့် ကားလ်ဘတ်ဗော (Frederick Law Olmsted and Calvert Vaux) တို့က ဒီဇိုင်းရေးဆွဲပေးခဲ့ခြင်း ဖြစ်၏။ ထို့အပြင် ဂျာမနီနိုင်ငံ၊ ဘာဗေးရီးယားပြည်နယ် အနောက်တောင်ပိုင်းတွင် ၁၈၈၆ ခုနှစ်က ဖွင့်လှစ်ခဲ့သည့် နိုက်ရ်ှဗန်စတိန်းရဲတိုက် (Neuschwanstein Castle) ကြီးမှာ လည်း ထင်ရှားသည့်ပြယုဂ်တစ်ခု ဖြစ်သည်။

အိအိအေးအောင် ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။ Credit: iMyanmarHouse.com