ပြင်သစ်ဘဏ်သူဌေးကြီးနှင့် အမေရိကန် ရုပ်ရှင်မင်းသမီးတို့၏ ချစ်စံအိမ်ဟောင်း ကန်ဒေါ်လာ ၁၆ သန်းဖြင့် အရောင်းဈေးကွက်ဝင်လာ

ပြင်သစ်သမ္မတ၏ညီ၊ ဘဏ်သူဌေးကြီးနှင့် အမေရိကန် ရုပ်ရှင်မင်းသမီးတို့၏ နယူးယောက်တွင် တည်ရှိသော ချစ်စံအိမ်ဟောင်း ကန်ဒေါ်လာ ၁၆ သန်းဖြင့် အရောင်းဈေးကွက်ဝင်လာသည်။

ပြင်သစ်သမ္မတဟောင်း နီကိုလပ်စ် ဆာကိုဇီ၏ ညီဝမ်းကွဲတော်စပ်သူ ပြင်သစ်ဘဏ်သူဌေးကြီး အော်လီဗီယာ ဆာကိုဇီနှင့် အမေရိကန် ရုပ်ရှင်မင်းသမီး မေရီ ကိတ် အော်လ်ဆန်တို့သည် ၂၀၁၅ ခုနှစ်တွင် လက်ထပ်ခဲ့ကြခြင်းဖြစ်သည်။

မေရီကိတ် အော်လ်ဆန် (၁၉၈၆ ခုနှစ်မွေးဖွား) သည် ဖက်ရှင်ဒီဇိုင်နာ၊ စီးပွားရေးလုပ်ငန်းရှင်၊ စာရေးဆရာမ၊ ရုပ်ရှင်မင်းသမီး၊ ရုပ်ရှင် ထုတ်လုပ်သူဘဝများဖြင့် ဖြတ်သန်းခဲ့ပြီး အသက် ၁ နှစ်အရွယ်ကတည်းကပင် သရုပ်ဆောင်လောကသို့ စတင်ဝင်ရောက်ခဲ့သူလည်း ဖြစ်သည်။

၁၉၉၃ ခုနှစ်တွင် Dualstar Entertainment Group အမည်ရှိ ရုပ်ရှင်ထုတ်လုပ်ရေးကုမ္ပဏီကို တည်ထောင်ခဲ့ပြီး ရုပ်သံဇာတ်လမ်းတွဲ များစွာ ထုတ်လုပ်ခဲ့ကာ ၂၀၀၁ ခုနှစ်မှ ၂၀၀၂ ခုနှစ်အကြား ထုတ်လွှင့်ပြသခဲ့သည့် So Little Time ဇာတ်လမ်းတွဲတွင် ပါဝင် သရုပ်ဆောင်ခဲ့သည်။

အဆိုပါဇာတ်လမ်းတွင် ပါဝင်သရုပ်ဆောင်ခဲ့မှုအတွက် Daytime Emmy Award အမည်စာရင်းတင်သွင်းခံခဲ့ရဖူးသည်။

Passport to Paris (၁၉၉၉), Our Lips Are Sealed (၂၀၀၀), Winning London (၂၀၀၁) , Holiday in the Sun (၂၀၀၁) Getting There (၂၀၀၂), When in Rome (၂၀၀၂), The Challenge (၂၀၀၃) နှင့် Charlie's Angels: Full Throttle (၂၀၀၃) ရုပ်ရှင် ဇာတ်ကားများတွင်လည်း ပါဝင်သရုပ်ဆောင်ခဲ့သည်။

၂၀၀၄ ခုနှစ်တွင် မေရီသည် သူ၏ အမြွှာညီအမဖြစ်သူ အက်ရ်ှလေနှင့် New York Minute ဇာတ်ကားတွင် နောက်ဆုံးသရုပ်ဆောင်ခဲ့ကြသည်။

၂၀၁၂ ခုနှစ်တွင်ကား မေရီနှင့် အက်ရ်ှလေတို့က ရုပ်ရှင်လောကကို ကျောခိုင်းကာ ဖက်ရှင်နယ်တွင် အပြည့်အဝ အချိန်ပေးရန် ဆုံးဖြတ်လိုက်ကြသည်။

The Row, Elizabeth နှင့် James ဖက်ရှင်အမှတ်တံဆိပ်များကို ညီအမနှစ်ဦး ပူးပေါင်းတည်ထောင်ခဲ့ကြသည်။

ထို့အပြင် နှစ်ဦးပေါင်း၍လည်း Influence အမည်ရှိ စာအုပ်ကို ရေးသားထုတ်ဝေခဲ့ကြသည်။

ဖက်ရှင်ဒီဇိုင်နာများစွာနှင့် တွေ့ဆုံမေးမြန်းခန်းများကို ရေးသားထုတ်ဝေခဲ့ခြင်း ဖြစ်သည်။

မေရီသည် ၁၉၈၇ ခုနှစ်မှ ၂၀၁၂ ခုနှစ်အထိ ရုပ်ရှင်သရုပ်ဆောင်အဖြစ် ဘဝဖြတ်သန်းခဲ့ပြီး ၂၀၀၄ ခုနှစ်မှ လက်ရှိအချိန်အထိ ဖက်ရှင်ဒီဇိုင်နာအဖြစ် ရပ်တည်နေသည်။

ယခုအခါ သူဌေးကြီး အော်လီဗီယာ ဆာကိုဇီနှင့် ရုပ်ရှင်မင်းသမီး မေရီတို့၏ ချစ်ဗိမ္မာန်စံအိမ် ကန်ဒေါ်လာ ၁၆ သန်းဖြင့် အရောင်းဈေးကွက်တင်လိုက်ပြီ ဖြစ်သည်။

ဈေးကွက်တင်လာသည်မှာ နယူးယောက်မြို့၊ မန်ဟက်တန်အရပ်၊ East Village တွင် ကပ်လျက်တည်ရှိသော ၁၉ ရာစုလက်ရာ နေအိမ် ၂ လုံးဖြစ်ပြီး ပြီးခဲ့သော အင်္ဂါနေ့က အရောင်းဈေးကွက်ဝင်လာခြင်း ဖြစ်သည်။

နေအိမ်တစ်လုံးမှာ အရှေ့ ၁၀ လမ်း၊ အမှတ် ၁၂၃ ရှိ နေအိမ်ဖြစ်ပြီး Sotheby’s International Realty မှ အိမ်ခြံမြေအကျိုးဆောင် မာ့ခ် အေမာဒိုင်းက ကန်ဒေါ်လာ ၇ ဒသမ ၆၉ သန်းဖြင့် ဈေးကွက်တင်ပေးထားသည်။

အခြားတစ်လုံးမှာ အရှေ့ ၁၀ လမ်း၊ အမှတ် ၁၂၅ တွင် တည်ရှိပြီး Warburg Realty မှ အိမ်ခြံမြေအကျိုးဆောင် ဂျေဆင် ဟာဘာက ကန်ဒေါ်လာ ၈ ဒသမ ၃ သန်းဖြင့် ဈေးကွက်တင်သည်။

အရှေ့ ၁၀ လမ်း၊ အမှတ် ၁၂၃ နေအိမ်နှင့် အရှေ့ ၁၀ လမ်း၊ အမှတ် ၁၂၅ နေအိမ်တို့ကို တစ်ချိန်တည်းဆောက်လုပ်ခဲ့ကြခြင်းဖြစ်ပြီး မန်ဟက်တန်တွင် အကြီးမားဆုံးသော ပုဂ္ဂလိက ပန်းဥယျာဉ်တစ်ခုကို နေအိမ် ၂ လုံး ပူးတွဲ ပိုင်ဆိုင်ထားသည်။

သူဌေးကြီး အော်လီဗီယာ ဆာကိုဇီသည် အရှေ့ ၁၀ လမ်း၊ အမှတ် ၁၂၃ နေအိမ်ကို ၂၀၁၂ ခုနှစ်အတွင်း ကန်ဒေါ်လာ ၆ ဒသမ ၂၅ သန်းဖြင့် ဝယ်ယူခဲ့ပြီး ၂၀၁၄ ခုနှစ်တွင် ၆ ဒသမ ၄ သန်းဖြင့် ပြန်လည်ရောင်းထုတ်ခဲ့သည်။

အဆိုပါနေအိမ်တွင် သူဌေးကြီး ဆာကိုဇီနှင့် အော်လ်ဆန်တို့ နေထိုင်ခဲ့ဖူးခြင်း မရှိချေ။

သို့သော် အရှေ့ ၁၀ လမ်း၊ အမှတ် ၁၂၅ နေအိမ်တွင်ကား ၂၀၁၂ ခုနှစ်မှ ၂၀၁၄ ခုနှစ်အကြား ငှားရမ်းနေထိုင်ခဲ့ဖူးသည်။

စတုရန်းပေ ၄၂၀၀ ကျယ်ဝန်းသော အဆိုပါစံအိမ်ကို သူဌေးကြီး ဆာကိုဇီတို့ ဇနီးမောင်နှံမှာ ငှားရမ်းနေထိုင်ခဲ့ခြင်းဖြစ်ပြီး မီးဖိုဆောင်နှင့် ရေချိုးခန်းတို့ကို ပြုပြင်မွမ်းမံမှုများ ပြုလုပ်ခဲ့သည်ဟု ဆိုသည်။

၂၀၁၄ ခုနှစ်သို့ အရောက်တွင် သူဌေးကြီး ဆာကိုဇီနှင့် အော်လ်ဆန်တို့သည် အရှေ့ ၄၉ လမ်း၊ အမှတ် ၂၂၈ ရှိ စံအိမ်ကို ကန်ဒေါ်လာ ၁၃ ဒသမ ၅ သန်းဖြင့် ဝယ်ယူကာ ပြောင်းရွှေ့နေထိုင်ခဲ့ကြပြီး ယနေ့တိုင် အဆိုပါနေအိမ်ကို ပိုင်ဆိုင်ထားဆဲ ဖြစ်သည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)