တရုတ်အိမ်ဝယ်လက်များအကြား ကမ္ဘာ့ထိပ်တန်းနေရာ ထိုင်းဖြစ်လာ

အိမ်ဝယ်ယူရန် ၂၀၁၈ ခုနှစ်အတွင်း တရုတ်နိုင်ငံမှ စုံစမ်းမေးမြန်းမှုများအား အခြားနိုင်ငံများထက် ထိုင်းနိုင်ငံရှိ လူနေအိမ်ခြံမြေဈေးကွက်များက ပိုမိုလက်ခံရရှိခဲ့ (တနည်းဆိုရသော် ပိုမိုစုံစံမ်းခံခဲ့ရ) ကြောင်း ရှန်ဟိုင်းအခြေစိုက် အိမ်ခြံမြေဝက်ဘက်ဆိုက် Juwai.com မှ ဇန်န၀ါရီ ၂၂ တွင် ထုတ်ပြန်ခဲ့သော အချက်အလက်များက ညွှန်ပြခဲ့သည်။

ယင်းသို့ Juwai.com ၏ တရုတ်အိမ်ဝယ်လက်များအကြား ရေပန်းအစားဆုံးနိုင်ငံများစာရင်း၏ ထိပ်ဆုံးတွင် ရပ်တည်နိုင်ခြင်းမှာ ထိုင်းအတွက် ပထမဆုံးအကြိမ်ဖြစ်သည်။ ၂၀၁၇ ခုနှစ်အတွက်မူ ထိုင်းက တတိယအဆင့်တွင် ဖော်ပြခံခဲ့ရပြီး ၂၀၁၆ အတွက်မူ ဆဋ္ဌမနေရာ၌ ဖော်ပြခံခဲ့ရသည်။

၎င်း ၂၀၁၈ စာရင်းတွင် ထိုင်းပြီးလျှင် သြစတြေးလျ၊ အမေရိကန်၊ ကနေဒါနှင့် ဗြိတိန်တို့က ရေပန်းအစားဆုံးဖြစ်ကြသည်။

"ထိုင်းအိမ်ခြံမြေကို ဝယ်ယူဖို့ စုံစမ်းမေးမြန်းမှုတွေ ဒီလောက်များပြားတာမျိုး တစ်ခါမျှ မတွေ့ဖူးပါဘူး။ ဒါဟာ ထိုင်းအိမ်ခြံမြေလုပ်ငန်းတွေ ပေးတဲ့ အရည်အသွေးကောင်းတဲ့ ဘဝနေထိုင်မှုနဲ့ ရင်းနှီးမြှုပ်နှံမှုအလားအလာတွေကြောင့် ဖြစ်ပါတယ်" ဟု Juwai.com ၏ စီအီးအိုနှင့် ဒါရိုက်တာ ကယ်ရီလောက ပြောကြားခဲ့သည်။

ထိုင်းတွင် အခြေခံအဆောက်အအုံဖွံ့ဖြိုးတိုးတက်မှုများ မြင့်မားလာခြင်းနှင့် ရင်းနှီးမြှုပ်နှံ၍ရသော အိမ်ခြံမြေများ ဈေးနှုန်းအတော်အတန်သင့်တင့်ခြင်းတို့က တရုတ်ဝယ်လက်များကို ဆွဲဆောင်နေသော်လည်း သဘာဝပတ်ဝန်းကျင်ဆိုင်ရာ စိုးရိမ်မှုတစ်ခုသည် ဝယ်လက်တို့အတွက် အနှောင့်အယှက်ဖြစ်စရာတစ်ခု ဖြစ်နိုင်ပေသည်။ ယင်းမှာ ဘန်ကောက်နှင့်အနီးတစ်ဝိုက်ရှိ လေထုအရည်အသွေး ပြီးခဲ့တဲ့သီတင်းပတ်များအတွင်း ဆိုးရွားလာသောကိစ္စပေတည်း။

"ဘန်ကောက်ရဲ့ စိတ်ဝင်စားဖို့ကောင်းတဲ့ အရည်အသွေးကို ကာလရှည်ကြာခြိမ်းခြောက်နေတဲ့အရာတွေ ရှိပါတယ်။ မကြာသေးမီကမှ ဖြစ်ပေါ်လာတဲ့ လေထုညစ်ညမ်းမှုကတော့ အဆိုးဆုံးပေါ့။ တရုတ်ဝယ်လက်တွေက သူတို့နိုင်ငံမှာ လေထုညစ်ညမ်းမှုနဲ့ ကြုံနေရပါတယ်ဆိုမှ တိုင်းတစ်ပါးမှာပါ လေထုညစ်ညမ်းမှုနဲ့ ဘယ်လိုလုပ်ထပ်ရင်ဆိုင်ချင်ပါ့မလဲ" ဟုလည်း လောက ပြောကြားခဲ့သည်။

ဘန်ကောာက်သည် တရုတ်ဝယ်လက်များအကြား ၂၀၁၈ ခုနှစ်အတွင်း အစုံစမ်းခံရဆုံး ထိုင်းအိမ်ခြံမြေဈေးကွက်ဖြစ်ခဲ့သည်။ ချင်းမိုင်၊ ပတ္တယား၊ဖူးခက်နှင့် ကော့စမွီတို့က ဘန်ကောက်ပြီးလျှင် ဒုတိယ၊ တတိယ၊ စတုတ္ထနှင့် ပဉ္စမအစုံစမ်းခံရဆုံးထိုင်းဈေးကွက်များဖြစ်ခဲ့သည်။

ဘန်ကောက်တွင် ၂၀၁၈ ခုနှစ်တွင်း နိုင်ငံခြားဝယ်လက်များ၏ ဝယ်ယူသူများအားလုံး၏ ထက်ဝက်ခန့်သည် တရုတ်ပြည်မကြီးနှင့် ဟောင်ကောင်တို့မှ ဝယ်လက်များဖြစ်သည်။ တရုတ်ပြည်မကြီးနှင့် ဟောင်ကောင်နိုင်ငံသားများထံသို့ ဘန်ကောက်တိုက်ခန်းသစ် တစ်သောင်းခွဲခန့် ရောင်းချခဲ့ရကြောင်း သိရသည်။

ခင်အေးချမ်း ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။ Credit: iMyanmarHouse.com