ရွှေကို အရေးကြီးကုန်စည်အဖြစ်မှ ပယ်ဖျက်ပေးခဲ့၍ ပြည်ပဈေးကွက်အထိ တိုးချဲ့နိုင်ဟုဆို

၂၀၁၈ တွင် အရေးကြီး ကုန်စည်အဖြစ်မှ ပယ်ဖျက်ပေး ခြင်းကြောင့် ရွှေသည်ပြည်တွင်း ဈေးကွက်သာ ရှိနေရာမှ ပြည်ပ ဈေးကွက်အထိ သွားနိုင်ခဲ့သည် ဟု ပြည်ထောင်စုလွှတ်တော် ဒုတိ ယနာယက ဦးထွန်းထွန်းဟိန်က ပြောသည်။

ရန်ကုန်မြို့ ပန်ဒါဟိုတယ်၌ ဇန်န၀ါရီ ၅ ရက်တွင် ကျင်းပသည့် ရန်ကုန်တိုင်းဒေသကြီး ရွှေလုပ် ငန်းရှင်များအသင်း(YGEA) နှစ် ပတ်လည်အစည်းအဝေး၌ ၎င်းက အထက်ပါအတိုင်း ပြောကြားသည်။

‘‘YGEA က ပြည်တွင်းမှာ သာ ရောင်းဝယ်လို့ရတဲ့ ဈေးကွက်ကနေ ကမ္ဘာ့ရွှေဈေးကွက်ထဲကို ထွက်လာတာ တွေ့ရပါတယ်’’ဟု ဦးထွန်းထွန်းဟိန်က ပြောသည်။

ရွှေကို နိုင်ငံတကာဈေးကွက် အတွင်း ၀င်ရောက်ရန် ရွှေတင်ပို့ခြင်း၊ တင်သွင်းခြင်းအတွက် ပြည်တွင်း၌ သုံးစွဲနေသည့် ပဲ၊ ရွေး၊ ကျပ် စသည့်အလေး ချိန်စနစ်ကို နိုင်ငံတကာသုံး ဂရမ်၊ အောင်စ စသည့်စနစ်သို့ ပြောင်းလဲနိုင်ရန် နှိုးဆော်နေသည်ဟု ၎င်းကဆို သည်။

ထို့ပြင် ဒေါ်လာဈေးအ ပြောင်းအလဲကြောင့် ရွှေဈေးအ ပြောင်းအလဲ ဖြစ်နေခြင်းကို ကု စားနိုင်ရန် မိုဘိုင်းအက်ပလီကေး ရှင်း အသုံးပြုရောင်းချရန် ကြိုး စားနေသည်ကို တွေ့ရကြောင်း ဦးထွန်းထွန်းဟိန်က ပြောသည်။ ထိုသို့ အသုံးပြုနေခြင်းကြောင့် ရွှေဈေးအပြောင်းအလဲ တည်ငြိမ် လာမည်ဟု ၎င်းကဆိုသည်။

သို့သော် ရွှေကိုပြည်ပမှ တင်သွင်းခြင်းနှင့် တင်ပို့ခြင်းကို ကုမ္ပဏီအချို့က စမ်းသပ်လုပ် ကိုင်နေပြီး အခက်အခဲများ ရှိနေကြောင်း ရန်ကုန်တိုင်းရွှေလုပ်ငန်း ရှင်များအသင်းဥက္ကဋ္ဌ ဦးမျိုးမြင့် က ပြောသည်။

သန့်စင်မှု ၉၉ ဒသမ ၉၉ ရာ ခိုင်နှုန်းရှိသည့် ရွှေကိုတင်ပို့၊ တင်သွင်းရာတွင် ဗဟိုဘဏ်၏ ခွင့်ပြုချက်ရရန် အဓိကဖြစ်နေ သည်။ သို့သော် ဗဟိုဘဏ်သည် လုပ်ထုံးလုပ်နည်း မရှိသေးသဖြင့် ပြန်လည်အဖြေပေးခြင်း မရှိသေး၍ လက်ရှိအထိ လုပ်ငန်းလုပ် ဆောင်နိုင်ခြင်း မရှိသေးဟု ဦးမျိုး မြင့်က ပြောသည်။

ရွှေဈေးဖွင့်ရာတွင် ဒေါ်လာ ဈေးအရ ဖွင့်ရခြင်းဖြစ်၍ ဗဟို ဘဏ်က ဒေါ်လာဈေးကိုအမြင့် နှုန်း ဖွင့်နေခြင်းကြောင့် ရွှေဈေး သည် အမြင့်ဈေးနှုန်း၌သာရှိနေ သည်ဟု ၎င်းကဆိုသည်။ ထို ကြောင့် ဗဟိုဘဏ်သည် ဒေါ်လာ ဈေးနှုန်းသတ်မှတ်ရာတွင် တစ် နေ့လျှင် တစ်ကြိမ်အစား နှစ်ကြိမ်ခန့် သတ်မှတ်ပေးရန် လိုအပ်သည်ဟု ၎င်းကဆိုသည်။

၂၀၁၇-၁၈ ဘဏ္ဍာနှစ်အ တွင်း စိန်နှင့်မြကို အထူးကုန် စည်ခွန် ကင်းလွတ်ခွင့်ပြုရန်နှင့် ရွှေစင်ရွှေတုံးများကို ကုန်သွယ် လုပ်ငန်းခွန်ကင်းလွတ်ခွင့်ပြုရန် နိုင်ငံတော်သမ္မတက ပြည်ထောင် စုလွှတ်တော်သို့ ၂၀၁၇ ဇူလိုင် ၂၆ရက်တွင် သ၀ဏ်လွှာပေးပို့သည်။

၂၀၁၇ ပြည်ထောင်စု၏ အခွန်အကောက်ဥပဒေတွင် ရွှေစင်ရွှေတုံး ကုန်စည်ကို ပြည်တွင်း၌ ထုတ် လုပ်ရောင်းချခြင်း၊ ပြည်ပမှ တင် သွင်းခြင်းနှင့် ပြည်တွင်းတွင် ကုန်သွယ်မှုပြုခြင်းတို့အတွက် ကုန်သွယ်လုပ်ငန်းခွန် ၅ ရာခိုင်နှုန်း ကျသင့်စေရမည်ဟု ပြဋ္ဌာန်းထားသည်။

စိန်နှင့်မြကို အချောထည်ဖြစ်ပါက ၅ ရာခိုင်နှုန်းဖြင့်လည်း ကောင်း၊ အရိုင်းထည်ဖြစ်ပါက ၁၀ရာခိုင်နှုန်းဖြင့်လည်းကောင်း အထူးကုန်စည်ခွန် ကျသင့်ရမည်ဟု ပြဋ္ဌာန်းထားသည်။ ထိုကင်းလွတ် ခွင့်များကို ၂၀၁၇-၁၈ ဘဏ္ဍာနှစ်အပြင် ၂၀၁၈-၁၉ ဘဏ္ဍာနှစ်၌ပါ ဆက်လက်ပြဋ္ဌာန်းခဲ့သည်။

Credit: 7Daydaily