၂၀၁၉ တွင် ရှန်ဟိုင်းအိမ်ခြံမြေရင်းနှီးမြှုပ်နှံမှုနှင့် ဖွံ့ဖြိုးမှုအလားအလာများ ဆက်လက်အားကောင်း

၂၀၁၉ ခုနှစ်အတွက် အာရှပစိတ်ဖိတ်ဒေသတွင် ရှန်ဟိုင်း၏ အိမ်ခြံမြေရင်းနှီးမြှုပ်နှံမှုနှင့် ဖွံ့ဖြိုးမှုအလားအလာများသည် အားတက်စဖွယ် ဆက်လက်အလားအလာကောင်းမည်ဖြစ်ကြောင်း Urban Land Institute သုတေသနအဖွဲ့အစည်းနှင့် PricewaterhouseCoopers အာမခံ၊ အခွန်နှင့် အတိုင်ပင်ခံကုမ္ပဏီတို့၏ ပူးတွဲအစီရင်ခံစာတစ်စောင်အရ သိရသည်။

ဈေးနှုန်းများ မြင့်မာခြင်းနှင့် အဖိုးတန်အသုံးအဆောင်ပစ္စည်းများအား ပိုင်ဆိုင်ခွင့်ရရန် ယှဉ်ပြိုင်မှုပြင်းထန်ခြင်းတို့ ရှိလင့်ကစား အထက်ပါအခြေအနေကား ဖြစ်ပွားမည်ဖြစ်ကြောင်းလည်း သိရသည်။

ရှန်ဟိုင်းသည် ၂၀၁၉ ခုနှစ်အတွက် ရင်းနှီးမြှုပ်နှံမှုအခွင့်အလမ်းအလားအလာကောင်းမှုတွင် နံပါတ် ၆ နေရာ၌ ဖော်ပြခံခဲ့ရပြီး ဖွံ့ဖြိုးတိုးတက်မှုအလားအလာကောင်းမှုတွင် နံပါတ် ၅ နေရာတွင် ဖော်ပြခံခဲ့ရသည်။ ယင်းသည် ၂၀၁၈ ခုနှစ်အတွက် အစီရင်ခံစာစာရင်းအောက် အဆင့်များ အနည်းငယ်ကျဆင်းခဲ့ခြင်းဖြစ်သည်။

၎င်းအစီရင်ခံစာသည် စစ်တမ်းဖြေဆိုမှုပေါင်း ၃၇၀ ကျော် (အထူးသဖြင့် developer (မြေယာဝယ်ယူ၍ အဆောက်အအုံဆောက်လုပ်ရောင်းချရေးကုမ္ပဏီ) များ၊ အိမ်ခြံမြေအတိုင်ပင်ခံကုမ္ပဏီများ၊ ရင်းနှီးမြှုပ်နှံမှုစီမံခန့်ခွဲသူများနှင့် ရင်းနှီးမြှုပ်နှံသူများထံမှ) နှင့် အိမ်ခြံမြေရေးရာကျွမ်းကျင်သူ ၈၉ ဦးတို့အား ပုဂ္ဂလိကမေးမြန်းမှုများအပေါ် အခြေခံ၍ ရေးသားပြုစုခဲ့ခြင်းဖြစ်သည်။

ထိုခန့်မှန်းချက်အစီရင်ခံစာတွင် မဲလ်ဘုန်းက ရင်းနှီးမြှုပ်နှံမှုအလားအလာနှင့် ဖွံ့ဖြိုးတိုးတက်မှုအလားအလာနှစ်ရပ်စလုံးအတွက် အာရှပစိဖိတ်တွင် နံပါတ် ၁ မြို့အဖြစ် ယခုနှစ်တွင် ဆစ်ဒနီကို ကျော်တက်ခဲ့သည်။ ဆစ်ဒနီကမူ ၂၀၁၈ အလားအလာစာရင်း၌ ထိပ်ဆုံးမှ ရပ်တည်ခဲ့ရာမှ ၂၀၁၉ အလားအလာစာရင်းတွင် တတိယနေရာသို့ ကျဆင်းခဲ့သည်။

စင်္ကာပူသည် ရင်းနှီးမြှုပ်နှံမှုအလားအလာတွင် နံပါတ် ၂ နေရာ၌ ဖော်ပြခံခဲ့ရသော် လည်း ဖွံ့ဖြိုးတိုးတက်မှုအလားအလာတွင် အဆင့် ၈ သာ ရရှိခဲ့သည်။

တိုကျိုနှင့် အိုဆာကာတို့သည်လည်း ၂၀၁၉ ခုနှစ်အတွက် အားကောင်းသော အလားအလာများပြခဲ့ကြသည်။ တိုကျိုသည် ရင်းနှီးမြှုပ်နှံမှုအလားအလာတွင် အဆင့် ၄ ၌ ဖော်ပြခံခဲ့ရပြီး ဖွံ့ဖြိုးတိုးတက်မှုအလားအလာတွင်လည်း အဆင့် ၄ ၌ ဖော်ပြခံခဲ့ရသည်။ ယင်းက တိုကျိုသည် အဖွဲ့အစည်းဆိုင်ရာ ဝယ်လက်များအကြား ရေပန်းစားဆဲဖြစ်သည်ကို ညွှန်ပြခြင်းဖြစ်သည်။ အိုဆာကာက ရင်းနှီးမြှုပ်နှံမှုတွင် နံပါတ် ၅ နေရာ၌ ဖော်ပြခံခဲ့ရသော်လည်း ဖွံ့ဖြိုးတိုးတက်မှုတွင် နံပါတ် ၆ နေရာ၌ ဖော်ပြခံခဲ့ရကြောင်း သိရသည်။

ခင်အေးချမ်း ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။ Credit: iMyanmarHouse.com