ပြည်ပ အိမ်ခြံမြေ သတင်း | Posted by အေးမြတ်သူ
အင်္ဂလန်ထိပ်သီး ဘောလုံးကလပ်အသင်းကြီးဖြစ်သော မန်ချက်စတာ ယူနိုက်တက်မှ ခံစစ်မှူး လုရှောသည် မန်ချက်စတာမြို့ပြင်ရှိ သူ၏စံအိမ်ကြီးကို အရောင်းဈေးကွက်တင်ထားရာမှ ပြန်လည်ရုပ်သိမ်းသွားသည်။
လုခ်ရှော၏ စံအိမ်ကြီးတွင် အိပ်ခန်း ၆ ခန်း ပါဝင်ပြီး စတုရန်းပေ ၆၀၀၀ ခန့် အကျယ်အဝန်းရှိသည်။
မန်ယူအသင်း၏ အိမ်ကွင်းဖြစ်သော အိုးထရက်ဖို့ဒ်ကွင်းမှ မော်တော်ကားဖြင့် မိနစ် ၂၀ ခရီးကွာဝေးသောအရပ်တွင် တည်ရှိသည့် ဟေးလ်ဘန်းစ်အမည်ရှိ ကျေးရွာကလေးတွင် တည်ရှိသည်။
အိမ်ခြံမြေအေဂျင်စီတစ်ခုဖြစ်သော Jackson-Stops မှတစ်ဆင့် ဒီဇင်ဘာလ အစောပိုင်းတွင် ပေါင် ၂ ဒသမ ၇၉၅ သန်း( ကန်ဒေါ်လာ ၃ ဒသမ ၅၃ သန်း) ဖြင့် အရောင်းဈေးကွက်တင်ခဲ့သော်လည်း မကြာမီတွင်ပင် ဈေးကွက်မှ ပြန်လည်ရုပ်သိမ်းသွားခဲ့သည်။
Jackson-Stops အိမ်ခြံမြေအေဂျင်စီမှ ပြောရေးဆိုခွင့်ရ အမျိုးသမီးက ပြောကြားရာတွင် အဆိုပါနေအိမ်သည် လက်ရှိအချိန်တွင် အရောင်းဈေးကွက်၌ မရှိကြောင်း အတည်ပြုပြောကြားခဲ့သည်။
မစ္စတာရှောသည် နေအိမ်ဝယ်လက်တွေ့သွားပြီ ဖြစ်ခြင်းကြောင့်လော (သို့မဟုတ်) လျှို့ဝှက်စွာဖြင့်သာ ရောင်းချလိုသောကြောင့် ဈေးကွက်မှ ပြန်လည်ရုပ်သိမ်းသွားခြင်းလောဆိုသည်ကိုမူ မသိရချေ။
အသက် ၂၃ နှစ်အရွယ် လုခ်ရှောသည် မန်ယူ၏ ထိပ်တန်းကစားသမားများတွင် တစ်ဦးအပါအဝင်ဖြစ်ပြီး မန်ယူသို့ ၂၀၁၄ ခုနှစ်တွင် ပေါင် သန်း ၃၀ ဖြင့် ပြောင်းရွှေ့လာခဲ့ခြင်းဖြစ်ကာ ဆယ်ကျော်သက်ကစားသမားတစ်ဦးအတွက် စံချိန်တင်ပြောင်းရွှေ့ကြေးလည်း ဖြစ်သည်။
လုခ်ရှောသည် အဆိုပါစံအိမ်ကို ဖခင်ဖြစ်သူ ချားလ်စ်နှင့်အတူ ၂၀၁၅ ခုနှစ်အတွင်း ပေါင် ၂ ဒသမ ၄၅ သန်းဖြင့် ဝယ်ယူခဲ့ခြင်းဖြစ်ကြောင်း ဗြိတိန်မြေယာမှတ်ပုံတင်ဌာနမှတ်တမ်းများတွင် ဖော်ပြသည်။
လုခ်ရှောကို မန်ယူအသင်းက တစ်ပတ်လျှင် ပေါင် ၁၉၀,၀၀၀ လစာနှုန်းဖြင့် စာချုပ်သစ်ချုပ်ဆိုရန် ကမ်းလှမ်းလိုက်သည့် ရက်သတ္တပတ်အတွင်းမှာပင် ယခုနေအိမ်ကို ဈေးကွက်တင်ခဲ့ခြင်းဖြစ်ကာ ဈေးကွက်တင်ပြီး မကြာမီတွင် ပြန်လည်ရုပ်သိမ်းသွားခဲ့ခြင်းလည်း ဖြစ်သည်။
ပထမဆုံးစတင်ဈေးကွက်တင်ခဲ့ပုံသတင်းကို iMyanmarHouse.com ဝက်ဘ်ဆိုက်ကြီးတွင် ရေးသားတင်ပြခဲ့ပြီး ဖြစ်ပါသည်။
ပြန်လည်ဖတ်ရှုလိုပါက https://www.imyanmarhouse.com/news/read/792302 အင်တာနက်လင့်ခ်တွင် ဖတ်ရှုနိုင်ပါသည်။
Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)
