ပေကျင်းတွင် တစ်ရက်အတွင်း ကန်ဒေါ်လာ ၄ ဒသမ ၅ ဘီလီယံဖိုး စံချိန်တင် မြေရောင်းချရ

တရုတ်ပြည်တွင် အိမ်ခြံမြေဈေးကွက်ကို ထိန်းသိမ်းနိုင်ရန်အတွက် အစိုးရက ထိန်းချုပ်မှုများ ပြုလုပ်ထားခြင်းကို ပြန်လည်ဖြေလျှော့မှုများ ပြုလုပ်ပေးလာသည်။ ထိုသို့ ဖြေလျှော့မှုများ ပြုလုပ်ပေးပြီးနောက် တရုတ်ပြည်၏ မြို့တော်ပေကျင်းတွင် တစ်ရက်တာ ကာလအတွင်း ကန်ဒေါ်လာ ၄ ဒသမ ၅ ဘီလီယံဖိုးအထိ စံချိန်တင် မြေရောင်းချရမှု ပေါ်ပေါက်လာခြင်းလည်း ဖြစ်သည်။

စုစုပေါင်းအားဖြင့် မြေကွက် ၁၂ ခုကို တစ်ရက်တည်း အရောင်းအဝယ်ဖြစ်ခဲ့ခြင်း ဖြစ်သည်။

သို့ရာတွင် သုတေသီတို့ကမူ ယခုကဲ့သို့ တစ်နေ့တည်းစံချိန်တင် အရောင်းအဝယ်ဖြစ်မှုကို ကြည့်ရုံမျှဖြင့် ဈေးကွက်ပြန်လည်ကောင်းမွန် လာပြီဟု မဆိုနိုင်ကြောင်း သတိပေးထားသည်။

ပေကျင်း စီမံကိန်းနှင့် သဘာဝရင်းမြစ်များဆိုင်ရာ စည်ပင်သာယာရေးကော်မရှင်က မြေနေရာ ၁၃ ခု လေလံတင်ခဲ့ရာတွင် ၁၂ နေရာ ရောင်းထွက်ခဲ့သည်။

စုစုပေါင်း ယွမ်ငွေ ၃၁ ဒသမ ၆ ဘီလီယံ (ကန်ဒေါ်လာ ၄ ဒသမ ၅၅ ဘီလီယံ) ဖိုးရောင်းထွက်ခဲ့ခြင်းဖြစ်ရာ သမိုင်းတစ်လျှောက် တစ်နေ့တာအတွင်း အများဆုံးရောင်းချခဲ့ရမှုအဖြစ် စံချိန်တင်ခဲ့သည်။

မြေကွက် ၁၂ ခုအနက် တစ်ခုမှာ ကြမ်းခင်းဈေးထက် ၄၉ ဒသမ ၃ ရာခိုင်နှုန်း ပိုမိုရရှိကာ ရောင်းထွက်ခဲ့ခြင်းဖြစ်ပြီး အခြားမြေကွက်များမှာ ၀ ရာခိုင်နှုန်းမှ ၂၆ ရာခိုင်နှုန်းအကြား ပိုမိုမြင့်မားသော တန်ဖိုးအသီးသီးဖြင့် ရောင်းထွက်သွားကြောင်း Centaline Beijing အကျိုးဆောင်ကုမ္ပဏီ၏ ထုတ်ပြန်ချက်တွင် ဖော်ပြသည်။

မြေကွက်တစ်ခုကိုမူ လေလံဆွဲရန် စိတ်ဝင်စားသူမရှိခဲ့ကြချေ။

စပေါ်တစ်ကြိမ်ပေးသွင်းရုံမျှဖြင့် လေလံအားလုံးကို ဝင်ရောက်ယှဉ်ပြိုင်ခွင့် ပထမဆုံးအကြိမ် ပေးအပ်ခဲ့ခြင်းလည်း ဖြစ်သည်။

ယခင်က အချို့သော မြေနေရာများတွင် ဆောက်လုပ်ရေးစီမံကိန်းများ အကောင်အထည်ဖော်မည်ဆိုပါက စုစုပေါင်း ကြမ်းခင်းဧရိယာ၏ အနည်းဆုံး ၇၀ ရာခိုင်နှုန်းကို လူနေခန်းများဆောက်လုပ်ရမည်ဖြစ်ပြီး အဆိုပါလူနေခန်းများမှာလည်း စတုရန်းမီတာ ၉၀ အောက်ဖြစ်ရမည်ဟု သတ်မှတ်ချက်များရှိခဲ့သည်။

Developer တို့အနေဖြင့် တန်ဖိုးသင့် နေအိမ်ခန်းများ ပိုမိုဆောက်လုပ်ကြရန် ချမှတ်ထားခဲ့သည့် စည်းမျဉ်းဖြစ်သော်လည်း ယခုအခါ အဆိုပါစည်းမျဉ်းကို ပယ်ဖျက်ပေးလိုက်သည်ဟု ဆိုသည်။

သုတေသီတို့ သတိပေးသည်မှာမူ စံချိန်တင် ကိန်းဂဏန်းများသည် အိမ်ခြံမြေဈေးကွက် ပြန်လည်နာလံထူလာသည့် လက္ခဏာဟု မှတ်ယူ၍ မရကြောင်း၊ အစိုးရက မြေကွက်များ အရောင်းအဝယ်ဖြစ်အောင် ဖြေလျှော့မှုအချို့ ပြုလုပ်ပေးခြင်းဖြင့် အိမ်ခြံမြေဈေးကွက်အတွက် သတင်းကောင်းတစ်ခု ပေးပို့လိုသည့် သဘောသာဖြစ်ကြောင်း သတိပေးကြသည်။

အဆိုပါလေလံပွဲတွင် လေလံအောင်ခဲ့သူ ၁၄ ဦးအနက် ၃ ဦးသာ ပုဂ္ဂလိက developer များဖြစ်ပြီး ကျန်လေလံအောင်သူများမှာ အစိုးရပိုင် ကုမ္ပဏီများသာ ဖြစ်သည်။

လေလံအောင်ခဲ့သော ပုဂ္ဂလိက ကုမ္ပဏီများတွင် Greentown China Holdings နှင့် Guangzhou R&F Properties တို့ ပါဝင်သည်။

ယခင်လေလံပွဲများတွင် ရှေ့တန်းမှ ပါဝင်ခဲ့သည့် China Vanke, China Evergrande နှင့် Sunac China Holdings တို့ကို ယခုလေလံပွဲတွင် မတွေ့ရချေ။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)