Google က နယူးယောက်မြို့တွင် ရုံးချုပ်အဆောက်အအုံသစ်ကြီးကို ကန်ဒေါ်လာ ၁ ဘီလီယံခန့် အကုန်အကျခံဆောက်လုပ်မည်

ကမ္ဘာပေါ်တွင် လူသုံးအများဆုံးအဖြစ် နံပါတ် ၁ နေရာတွင် ရပ်တည်နေသော Google က အမေရိကန်ပြည်ထောင်စု၊ နယူးယောက်မြို့ တွင် ရုံးချုပ်အဆောက်အအုံသစ်ကြီး ဆောက်လုပ်သွားမည်ဖြစ်ပြီး ကန်ဒေါ်လာ ၁ ဘီလီယံခန့် ကုန်ကျမည်ဖြစ်ကြောင်း ရိုက်တာသတင်း တစ်ရပ်တွင် ဖော်ပြသည်။

Amazon ကလည်း အမေရိက၏ ဘဏ္ဍာရေးမြို့တော်တွင် အခြေချရန် ကြိုးပမ်းမှုများပြုလုပ်ခဲ့ပြီးနောက်ပိုင်း Google မှာ ဒုတိယမြောက် ဖြစ်လာသည်။

စတုရန်းပေပေါင်း ၁ ဒသမ ၇ သန်းကျယ်ဝန်းမည့် အဆိုပါနေရာကို Google Hudson Square ဟု အမည်ပေးမည်ဖြစ်ပြီး Google ၏ ကြော်ငြာအရောင်းဌာနခွဲ၏ အဓိကရုံးစိုက်ရာနေရာဖြစ်လာမည်ဖြစ်သည်။

ဟတ်ဆန်လမ်းရှိ အဆိုပါရုံးနေရာသို့ ၂၀၂၀ ပြည့်နှစ်တွင် ပြောင်းရွှေ့နိုင်ရန် မျှော်မှန်းထားပြီး ယင်းနောက် ၂၀၂၂ ခုနှစ်တွင် ဝါရှင်တန်လမ်း၌ ရုံးနေရာတစ်ခုရှိလာဦးမည်ဖြစ်ရာ နယူးယောက်ရှိ ဝန်ထမ်းဦးရေပမာဏကို နောင်လာမည့် ၁၀ နှစ်တွင် နှစ်ဆကျော် မြှင့်တင်နိုင်တော့မည်လည်း ဖြစ်သည်။

ပင်မအခြေစိုက်ရုံးနေရာအပြင် အခြားဒေသ၌ တိုးချဲ့ရင်းနှီးမြှုပ်နှံမှုများပြုလုပ်ရန် ပြင်ဆင်လာခြင်းမှာ Apple Inc., ကဲ့သို့ အခြားသော အမေရိကန် နည်းပညာကုမ္ပဏီကြီးများ၏ ခြေလှမ်းများနည်းတူ လျှောက်လှမ်းလာခြင်းလည်း ဖြစ်သည်။

Apple Inc., သည် တက္ကဆပ်ပြည်နယ်၊ အော်စတင်တွင် ၁၃၃ ဧကကျယ်ဝန်းသော မြေနေရာကြီး၌ ရုံးချုပ်သစ်ကြီးတစ်ခုကို ကန်ဒေါ်လာ ၁ ဘီလီယံသုံးစွဲကာ ဆောက်လုပ်သွားမည် ဖြစ်ကြောင်း ပြီးခဲ့သော ရက်သတ္တပတ်အတွင်းက ထုတ်ဖော်ကြေညာထားသည်။

ထို့အပြင် နယူးယောက်နှင့် ဝါရှင်တန်ဒီစီတို့တွင်လည်း ရုံးများဖွင့်လှစ်ကာ အလုပ်အကိုင်နေရာပေါင်း ၂၅၀၀၀ ခန့် ဖန်တီးပေးသွားမည်ဖြစ်ကြောင်း ပြီးခဲ့သောလအတွင်း Apple Inc., က ကြေညာထားသည်။

အမေရိကရှိ ကုမ္ပဏီများသည် ပြည်တွင်းတွင် အလုပ်အကိုင်နေရာများ ပိုမိုဖန်တီးပေးရန် ဒေါ်နယ်ထရမ့်အစိုးရ၏ ဖိအားပေးမှု ကြီးမားစွာ ခံနေကြရလျက်ရှိသည်။

အချို့သော ကုမ္ပဏီများသည် ပြည်ပနိုင်ငံများသို့ ရွှေ့ပြောင်းခြင်း၊ စက်ရုံပိတ်သိမ်းခြင်း ပြုလုပ်ခြင်းများကို သမ္မတ ဒေါ်နယ်ထရမ့်က ပြစ်တင်ရှုတ်ချထားသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)