ပြည်ပသို့ ရွှေတင်ပို့၊ တင်သွင်းရန် ဗဟိုဘဏ်ခွင့်ပြုချက် စောင့်ဆိုင်းနေဟုဆို

ပြည်ပသို့ ရွှေတင်ပို့၊ တင်သွင်းခြင်းကို တရားဝင်ခွင့်ပြုထားသည်မှာ ၁၀ လကျော် ပြီဖြစ်သော်လည်း တရားဝင် ဆောင်ရွက်သည့် ရွှေလုပ်ငန်းရှင်တစ်ဦးမျှ မရှိသေးကြောင်း ရန်ကုန်တိုင်းရွှေ လုပ်ငန်းရှင်အသင်းနှင့် ပြည်တွင်းရွှေလုပ်ငန်းရှင်များက ပြောသည်။

ရွှေတင်ပို့၊ တင်သွင်းရန် ကုမ္ပဏီအချို့ စာရင်းပေးထားသော်လည်း ဗဟိုဘဏ်ခွင့်ပြုချက် ရရန် စောင့်ဆိုင်းနေကြောင်း ရန်ကုန်တိုင်းဒေသကြီး ရွှေလုပ်ငန်းရှင်များအသင်း ဥက္ကဋ္ဌဦးမျိုးမြင့်က ပြောသည်။

‘‘ဗဟိုဘဏ်ကို တင်ပြနေတယ်။ ဗဟိုဘဏ်က ခွင့်ပြုချက်ကို ထိုင်စောင့်နေတယ်။ ဥပဒေ ထဲမှာက ဗဟိုဘဏ်ခွင့်ပြုချက်ရ မှ ရွှေသွင်းတာ၊ ရွှေထုတ်တာ လုပ်ရမယ်’’ဟု ဦးမျိုးမြင့်က ပြော သည်။

‘‘ကုန်သွယ်ရေးပါတဲ့ ဌာနဆိုင်ရာတွေနဲ့ ဆွေးနွေးနေတယ်။ လိုင်စင်ကတော့ သူတို့ခွင့်ပြုတာ ပါ။ နိုင်ငံတကာစံနှုန်းတွေ ပြည့်ပြီဆိုမှ ဗဟိုဘဏ်ကိုတင်ကြမှာ’’ဟု ဗဟိုဘဏ် တာဝန်ရှိသူတစ် ဦးက ပြောသည်။

အစိုးရက ရွှေပြည်ပတင်ပို့၊ တင်သွင်းခြင်းကို ယခုနှစ် ဇန်န၀ါရီတွင် ပထမဆုံးတရားဝင်ခွင့်ပြု ကြောင်း ကြေညာပြီး One Stop Service ကို ရန်ကုန်မြို့ ပြည်သူ့ရင်ပြင်ရှိ Culture Valley ၌ စက်တင်ဘာ ၂၄ ရက်တွင် ဖွင့်လှစ်ခဲ့သည်။

One Stop Service သည် ရွှေတင်သွင်း၊ တင်ပို့ခြင်းကို တစ်နေရာတည်းအပြီး ဆောင်ရွက်မည့် စင်တာဖြစ်ပြီး အစိုးရက အဆိုပါ လုပ်ငန်းကို မြန်မာရွှေလုပ်ငန်းဖွံ့ဖြိုးတိုးတက်ရေး အများပိုင်ကုမ္ပဏီသို့ လုပ်ကိုင်ခွင့်ပေးခဲ့သည်။

သို့သော် လက်ရှိတွင် ရွှေလုပ်ငန်းရှင်များက အခွန်ကောက်ခံနှုန်း မြင့်နေခြင်းကြောင့် အဆိုပါ စင်တာကို အသုံးမပြုဘဲ တရားမ၀င် လမ်းကြောင်းကသာ ဆောင်ရွက်နေဆဲဖြစ်သည်ဟု အောင်သမာဓိရွှေဆိုင်ပိုင်ရှင် ဦးအောင်ဆန်းဝင်းက ပြောသည်။

‘‘တကယ်လုပ်စေချင်ရင် အခွန်မသတ်သေးဘဲ လွှတ်ထားပေး မှ ရမယ်။ သူတို့ကောက်တဲ့ ရာခိုင်နှုန်းက လုပ်နိုင်တဲ့ ရာခိုင်နှုန်းမဟုတ်တော့ ဒီအတိုင်းတောင်မနည်းလုပ်နေရတာ။ နာမည်ကြီး ရွှေဆိုင်တွေက တစ်ယောက်မှ မသွားကြဘူး၊ အသင်းကလူလည်း မသွားကြဘူး’’ဟု ဦးအောင်ဆန်းဝင်းက ပြောသည်။

One Stop Service စင်တာ ဖွင့်လှစ်ရခြင်းသည် ရွှေလုပ်ငန်းဖွံ့ ဖြိုးတိုးတက်ရေးဖြစ်ပြီး အစိုးရ၏ ကြိုးနီစနစ်များ ဖြေလျှော့ကာ ရွှေတင်ပို့၊ တင်သွင်းခြင်းကို တစ်နေရာတည်း အပြီးဆောင်ရွက်ပေးမည်ဟု ရန်ကုန်တိုင်း ၀န်ကြီးချုပ်ဦးဖြိုးမင်းသိန်းက ပြောကြားသည်။

လက်ရှိတွင် ပြည်တွင်းရွှေဈေးသည် ကမ္ဘာ့ဈေးထက်မြင့်ပါက တရုတ်နိုင်ငံဘက်မှ တရားမ၀င် ရွှေများဝင်ရောက်လေ့ရှိပြီး ကမ္ဘာ့ရွှေဈေးထက်နိမ့်ပါက တရုတ်နိုင်ငံသို့ ပြန်လည်တင်ပို့လေ့ရှိသည်ဟု ရွှေလုပ်ငန်းရှင် ဦးမင်းမင်းက ပြောသည်။

Credit: 7Daydaily