ရန်ကုန်မြို့တွင် အဆင့်မြင့် ရုံးခန်းအဆောက်အအုံနေရာ စတုရန်းမီတာ ၃၈၈,၀၀၀ ဝန်းကျင်ရှိလာပြီး ယခင်သုံးလပတ်ထက် ငှားရမ်းမှု သုံးရာခိုင်နှုန်း မြင့်တက်ခဲ့သော်လည်း ငှားရမ်းခ နှစ်ရာခိုင်နှုန်းကျဆင်း

၂၀၁၈ ခုနှစ် တတိယသုံးလပတ်အထိ ရန်ကုန်မြို့တွင် အဆင့်မြင့်ရုံးခန်းအဆောက်အအုံနေရာ စတုရန်းမီတာ ၃၈၈၀၀၀ ဝန်း ကျင်ရှိလာပြီး ယခင်သုံးလပတ်ထက် ငှားရမ်းမှုနှုန်း ၃ ရာခိုင်နှုန်း မြင့်တက်ခဲ့သော်လည်း ငှားရမ်းခ ၂ ရာခိုင်နှုန်းကျဆင်းခဲ့ကြောင်း ကနေဒါအခြေစိုက် နိုင်ငံတကာ အိမ်ခြံမြေ ဝန်ဆောင်မှုလုပ်ငန်း Colliers International (Myanmar) က ဈေးကွက်သုံးသပ်ထားသည်။

၂၀၁၈ ခုနှစ်အတွင်း ရုံးခန်းအဆောက်အအုံသစ်များ ထွက်ရှိလာမှုနှင့်အတူ ၂၀၁၈ ခုနှစ် စက်တင်ဘာလကုန်အထိ စတုရန်းမီတာ ၃၈၇၉၀၀ ဝန်းကျင်ရှိနေပြီး ၂၀၁၈ ခုနှစ် တစ်နှစ်လုံး စတုရန်းမီတာ ၃၀၀၀၀ ဝန်းကျင်အသစ် ထွက်ရှိမည်ဖြစ်သည်။ လာမည့် ၂၀၁၉-၂၀၂၂ ခုနှစ်အတွင်း ရုံးခန်းအ ဆောက်အအုံသစ်ထွက်ရှိမှု စတုရန်းမီတာ ၆၀၀၀၀ ရှိမည်ဟု မျှော်မှန်းထားခြင်းဖြစ် သည်။၂၀၁၅ နောက်ပိုင်း ၂၀၁၈ ခုနှစ်သည် ရုံးခန်းအဆောက်အအုံသစ် ထွက်ရှိမှုအများဆုံးနှစ်ဖြစ်ခဲ့သည်။

နိုင်ငံတကာ စီးပွားရေးလုပ်ငန်းများ ဆက်လက်ဝင်ရောက်လာမှုနှင့် ရှိနှင့်ပြီး ပြည်တွင်းပြည်ပလုပ်ငန်းအချို့၏ လုပ်ငန်းတိုးချဲ့မှုများကြောင့် ရုံးခန်းနေရာလိုအပ်ချက် မြင့်မားသော်လည်း ငှားရမ်းမှုနှုန်းများလျော့ ကျလျက်ရှိသည်။ ဈေးကွက်ဝင်ပြီး ရုံးခန်းအဆောက်အအုံနေရာများ၏ ၆၉ ဒသမ ၅ ရာခိုင်နှုန်း ငှားရမ်းမှုရှိပြီး ပြီးခဲ့သည့် ၂၀၁၈ ခုနှစ် ဒုတိယသုံးလပတ်နှင့် နှိုင်းယှဉ်ပါက ၃ သုံးရာခိုင်နှုန်းမြင့်တက်ခဲ့ပြီး ငှားရမ်းခမှာ ၂ ရာခိုင်နှုန်းကျဆင်းခဲ့သည်။

Colliers International ၏ ခန့်မှန်းချက်အရ ရုံးခန်းအငှားဈေးကွက်အတွင်း ပိုမိုယှဉ်ပြိုင်လာရမည်ဖြစ်ပြီး အွန်လိုင်းမှတစ်ဆင့် ငှားရမ်းမှုများလည်း များပြားလာမည်ဖြစ်သည်။ လက်ရှိ ရုံးခန်း အဆောက်အအုံ ငှားရမ်းခများသည် တစ်တုရန်းမီတာလျှင် (တစ်လ) ဒေါ်လာ ၂၃ မှ ၅၈ ကြားရှိပြီး မြို့တွင်း နေရာများနှင့် အဆင့်မြင့် အဆောက်အအုံများသည် ဈေးနှုန်းပိုမိုရရှိသည်။ အဆောက်အအုံနေရာသစ်များထွက်ပေါ်မှု၊ ဈေးကွက်အတွင်း ယှဉ်ပြိုင်မှုများ ပိုမိုပြင်းထန်လာခြင်းများကြောင့် သက်တမ်းကြာမြင့်သည့် ရုံးခန်းအဆောက်အအုံနေရာများသည် အနာဂတ်ကာလတွင် ဈေးနှုန်းရရှိမှုပိုမိုနည်းပါးလာမည်ဖြစ်သည်။

လက်ရှိဈေးကွက်အတွင်း ရုံးခန်းအဆောက်အအုံများ၏ ပျမ်းမျှ ငှားရမ်းခဈေးနှုန်းသည် ၂၀၁၈ တတိယသုံးလပတ်တွင် ၄၃ ဒေါ်လာဝန်းကျင် ဖြစ်ပြီး ယခင် သုံးလပတ်နှင့် နှိုင်းယှဉ်ပါက နှစ်ရာခိုင်နှုန်း၊ ယခင်နှစ်ကာလတူနှင့် နှိုင်းယှဉ်ပါက ၁ ဒသမ ၄ ရာခိုင်နှုန်းဝန်းကျင် ကျဆင်းခဲ့ကာ လာမည့် ၂၀၁၉ တတိယသုံးလပတ်တွင် ပျမ်းမျှငှားရမ်း ခနှုန်း ၄၁ ဒသမ ၅ ဒေါ်လာသာ ရှိမည်ဟု Colliers က မျှော်မှန်းထားသည်။

ရန်ကုန်မြို့တွင် အဆင့်မြင့်ရုံးခန်း အဆောက်အအုံနေရာသစ် ထွက်ရှိမှုသည် လာမည့်သုံးနှစ်အတွင်း ၁၀ ဒသမ ၅ ရာ ခိုင်နှုန်းအထိ တိုးတက်မှုရှိနိုင်ပြီး ၂၀၁၉ မှ ၂၀၂၁ ခုနှစ်အတွင်း စတုရန်းမီတာ ၂၂၅၈၀၀ အထိ ထပ်မံထွက်ရှိမည်ဟု ခန့်မှန်းထားသည်။

အဆင့်မြင့်ရုံးခန်းအဆောက်အအုံများသည် ရန်ကုန်မြို့လယ်တွင် ၃၄ ရာခိုင်နှုန်း၊ ရန်ကုန်မြို့လယ်အနီးနေရာတွင် ၅၄ ရာခိုင် နှုန်း၊ ရန်ကုန်မြို့ပြင်တွင် ၁၂ ရာခိုင်နှုန်း တည်ရှိနေကြောင်း သိရသည်။

Credit: Eleven Media Group