လော့စ်အိန်ဂျလိရှိ အိမ်ယာမဲ့များကို အိမ်ယာမဲ့စခန်းများ ဆောက်လုပ်ပေးရန် မြို့အုပ်ချုပ်ရေးအဖွဲ့က စီစဉ်ရာ ဒေသခံတို့၏ အပြင်းအထန်ကန့်ကွက်မှုများနှင့် ရင်ဆိုင်ရ

လော့စ်အိန်ဂျလိရှိ အိမ်ယာမဲ့များကို အိမ်ယာမဲ့စခန်းများ ဆောက်လုပ်ပေးရန် မြို့အုပ်ချုပ်ရေးအဖွဲ့က စီစဉ်ရာ ဒေသခံတို့၏ အပြင်းအထန်ကန့်ကွက်မှုများနှင့် ရင်ဆိုင်ရလျက်ရှိသည်။

လော့စ်အိန်ဂျလိမြို့တော်ဝန် အဲရစ်ခ် ဂါဆက်တီနှင့် လော့စ်အိန်ဂျလိ ရဲတပ်ဖွဲ့အကြီးအကဲ မိုက်ကယ်မိုးရ်တို့သည် လော့စ်အိန်ဂျလိမြို့အနောက်ဘက်၊ ဗီနိုက်စ်ပင်လယ်ကမ်းခြေဒေသရှိ မြို့တော်ခန်းမတွင် ဒေသတွင်း၌ အိမ်ယာမဲ့စခန်းတစ်ခု ဆောက်လုပ်မည့်အရေးကို ဒေသခံများနှင့် ဆွေးနွေးခဲ့ကြခြင်း ဖြစ်သည်။

မြို့တော်ဝန်နှင့်အဖွဲ့ ဆွေးနွေးနေချိန်တွင် ဒေသခံ ၄၀၀ ခန့်မှာ အဆိုပါစီမံကိန်းနှင့် စပ်လျဉ်း၍ ကန့်ကွက်ခဲ့ကြသည်။

အိမ်ယာမဲ့စခန်းကို လော့စ်အိန်ဂျလိမြောက်ဘက် ဘတ်စ်ကားကွင်းဟောင်းကြီးတွင် ဖွင့်လှစ်ရန် ရည်ရွယ်ထားခြင်း ဖြစ်သည်။

“ဒါက လူတွေကို လမ်းပေါ်မှာပဲထားမလား (ဒါမှမဟုတ်) လမ်းတွေပေါ်ကနေ ဆွဲထုတ်မလားဆိုတဲ့ ဆုံးဖြတ်ချက်တစ်ခုပါ” ဟု မြို့တော်ဝန် ဂါဆက်တီက ပြောကြားသည်။

ယခုအဆိုပြုသည့် အိမ်ယာမဲ့စခန်းသည် မြို့တော်ဝန်၏ စီမံကိန်းတစ်ခုဖြစ်သော “A Bridge Home” စီမံကိန်းတွင် ပါဝင်သည်။

အဆိုပါစီမံကိန်းအရ လော့စ်အိန်ဂျလိ၏ ခရိုင် ၁၅ ခုတွင် တစ်ခုချင်းစီ၌ ယာယီအိမ်ယာမဲ့စခန်းများ ဖွင့်လှစ်သွားရန် စီစဉ်ထားခြင်း ဖြစ်သည်။

ယင်းစီမံကိန်းကို ပြီးခဲ့သော ဧပြီလတွင် စတင်ကြေညာခဲ့ပြီး လော့စ်အိန်ဂျလိ အိမ်ယာမဲ့ပြဿနာကို ကိုင်တွယ်ဖြေရှင်းရန်အတွက် မြို့တော်ဝန်၏ မဟာဗျူဟာတစ်ခုလည်း ဖြစ်သည်။

ပြီးခဲ့သောလကပင် ပထမဆုံးအိမ်ယာမဲ့စခန်းကို လော့စ်အိန်ဂျလိမြို့လယ် သမိုင်းဝင်အထိမ်းအမှတ်တစ်ခုဖြစ်သော El Pueblo de Los Angeles Historic Monument အမည်ရှိ ၄၄ ဧကကျယ်ဝန်းသော ပန်းခြံနေရာတွင် ဖွင့်လှစ်ခဲ့သည်။ မြို့တော်ဝန်၏ ပြောကြားချက်အရ အိမ်ယာမဲ့ ၁၁ ဦးကို နေရာချထားပေးပြီးဖြစ်သည်ဟု ဆိုသည်။

ဗီနိုက်စ်တွင် ဖွင့်လှစ်မည့် အိမ်ယာမဲ့စခန်းမှာ El Pueblo ထက် ၃ ဆခန့် ကြီးမားမည်ဖြစ်သည်။

လူကြီးများအတွက် ကုတင် ၁၀၀ နှင့် ကလေးများအတွက် ကုတင် ၅၄ လုံး ပါဝင်မည် ဖြစ်ပြီး ရေချိုးခန်းနှင့် ရေပန်းများ သီးခြားစီ ပါဝင်မည် ဖြစ်သည်။

ဗီနိုက်စ်အရပ်ရှိ ဒေသခံတို့ကမူ အိမ်ယာမဲ့စခန်းဖွင့်လှစ်ခြင်းကြောင့် ဒေသတွင်းသို့ အိမ်ယာမဲ့များ ပိုမိုရောက်ရှိလာမည်ကို ရတက်မအေးဖြစ်နေကြသည်။

ဒေသခံများ၏ ရတက်မအေးမှုများကို ဖြေရှင်းပေးရန်အတွက် အိမ်ယာမဲ့စခန်းများရှိရာတွင် အခြေခံသန့်ရှင်းရေးဆိုင်ရာ အဆောက်အအုံများ ထူထောင်ရေးအတွက် ရန်ပုံငွေတိုးမြှင့်သွားမည်ဖြစ်သည့်အပြင် လမ်းပေါ်တွင် ပစ္စည်းများထားသိုခြင်းကိုလည်း တားမြစ်မည့်စည်းမျဉ်းများ ချမှတ်သွားမည်ဖြစ်ကြောင်း လော့စ်အိန်ဂျလိအာဏာပိုင်တို့က ကတိပြုခဲ့ကြသည်။

ဒေသခံများနှင့် အုပ်ချုပ်ရေးတို့အဖွဲ့အကြား အိမ်ယာမဲ့စခန်း တည်ထောင်ရေးဆွေးနွေးပွဲတွင် အုပ်ချုပ်ရေးအဖွဲ့၏ ကတိကဝတ်များကို ဒေသခံတို့က ကျေနပ်နှစ်သက်ခဲ့ခြင်းမရှိခဲ့ကြချေ။

ဆွေးနွေးပွဲအတွင်း တူညီရှပ်အင်္ကျီများ ဝတ်ဆင်ခဲ့ကြကာ လက်မခံကြောင်း ကြွေးကြော်ခဲ့ကြသည်။

တက်ရောက်လာသူ ဒေသခံအများစု၏ မေးခွန်းများမှာ အဓိကအားဖြင့် အိမ်ယာမဲ့စခန်းများကြောင့် မူးယစ်ဆေးသုံးစွဲမှုများနှင့် ရာဇဝတ်မှုများ ထူပြောလာမည့်အရေးကို မေးခွန်းထုတ်ခဲ့ကြသည်။

ကိုရီးယားတန်း၏ အလယ်ဗဟိုတွင် အိမ်ယာမဲ့စခန်းတစ်ခု ဆောက်လုပ်ရန် စီစဉ်ခဲ့မှုမှာလည်း ဆောက်လုပ်ရန် စီစဉ်သည့် နေရာအပေါ် အနီးဝန်းကျင်တွင် နေထိုင်သူတို့က ကန့်ကွက်သောကြောင့် အစီအစဉ်ဖျက်သိမ်းလိုက်ရသည်။

ရှားမန်းအုတ်ခ်၊ ဝီလ်မင်တန်နှင့် ဆန်ပီဒရိုအရပ်များတွင် အိမ်ယာမဲ့စခန်းဆောက်လုပ်ရန် စီစဉ်ခဲ့မှုများမှာလည်း ဒေသခံတို့၏ ကန့်ကွက်မှုများ ရင်ဆိုင်ခဲ့ရသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)