ကာတာနိုင်ငံနှင့် နိုင်ငံရေးတင်းမာမှုများဖြစ်နေသော ဆော်ဒီက ကာတာနယ်စပ်တစ်လျှောက်တွင် မိုင် ၄၀ နီးပါးရှိမည့် တူးမြောင်းကြီးကို တစ်နှစ်အတွင်း အပြီးသတ်ဖောက်လုပ်ရန် စီစဉ်လျက်ရှိ

ကာတာနယ်စပ်တစ်လျှောက်တွင် မိုင် ၄၀ နီးပါးရှိမည့် တူးမြောင်းကြီးကို တစ်နှစ်အတွင်း အပြီးသတ်ဖောက်လုပ်ရန် ဆော်ဒီအာရေးဗီးယားက စီစဉ်လျက်ရှိပြီး ကာတာနယ်စပ်မျဉ်းနှင့် တစ်မိုင်နီးပါးအကွာ ( ၀ ဒသမ ၉ မိုင်) မှ ဖောက်လုပ်မည်ဟု ဆိုသည်။

အကယ်၍ အဆိုပါတူးမြောင်းကြီး ဖောက်လုပ်ပြီးစီးမည်ဆိုပါက ကာတာသည် ကုန်းမကြီးနှင့် ဆက်သွယ်နေမှု ပြတ်တောက်သွားကာ ကျွန်းနိုင်ငံစစ်စစ် ဖြစ်သွားတော့မည် ဖြစ်သည်။

ယခုတူးမြောင်းကို ဆယ်လ်ဝါတူးမြောင်းဟု အမည်ပေးထားပြီး ဖောက်လုပ်ရန်ရည်မှန်းထားသည်မှာ ကြာမြင့်ခဲ့ပြီ ဖြစ်သည်။

ဆော်ဒီအာရေးဗီးယားနှင့် ကာတာအကြား ၂၀၀၁ ခုနှစ်တွင် နယ်စပ်မျဉ်း အပြီးသတ်အတည်ပြုခဲ့ပြီးနောက်ပိုင်းကတည်းက နှစ်နိုင်ငံနယ်စပ်တွင် တိုက်ပွဲများ၊ တင်းမာမှုများ မကြာခဏဖြစ်ပွားခဲ့သည်။

ပြီးခဲ့သော ၂၀၁၇ ခုနှစ်၊ ဇွန်လတွင်ကား ဆော်ဒီအပါအဝင် နိုင်ငံအများအပြားက ကာတာနှင့် သံတမန်ရေး ဆက်ဆံမှုများ ဖြတ်တောက်ကာ ကုန်းကြောင်း၊ ရေကြောင်း၊ လေကြောင်း ပိတ်ဆို့မှုများ ပြုလုပ်ခဲ့သည်။

ဆော်ဒီမင်းသား မိုဟာမက် ဘင်ဆယ်လ်မန်၏ အကြီးတန်းအကြံပေးအရာရှိတစ်ဦးက ပြောကြားရာတွင် ဆော်ဒီအစိုးရသည် ကာတာနယ်စပ်တွင် တူးမြောင်းကြီးဖောက်လုပ်မည့် စီမံကိန်းကို ဆက်လက်အကောင်အထည်ဖော်လျက်ရှိကြောင်း ထုတ်ဖော်ပြောကြားသည်။

“ ကျွန်တော့်အနေနဲ့ ဆယ်လ်ဝါတူးမြောင်းစီမံကိန်းအကောင်အထည်ဖော်ဖို့ အသေးစိတ်အချက်အလက်တွေ စောင့်ဆိုင်းနေရတာ စိတ်မရှည်နိုင်အောင်ဖြစ်ရပါတယ်။ ဒီစီမံကိန်းကြီးဟာ သမိုင်းဝင်စီမံကိန်းကြီးဖြစ်ပြီး ဒေသတွင်းရဲ့ ပထဝီအနေအထားကို ပြောင်းလဲပစ် မယ့် စီမံကိန်းကြီးလည်း ဖြစ်ပါတယ်” ဟု ဆော်ဒီမင်းသား၏ အဆင့်မြင့်အကြံပေးပုဂ္ဂိုလ် ဆွတ်ဒ် အယ်လ် ကာတာနီက တွစ်တာလူမှုကွန်ရက်တွင် ရေးသားဖော်ပြခဲ့သည်။

ပြီးခဲ့သော ၂၀၁၇ ခုနှစ်အတွင်း ကာတာသည် အကြမ်းဖက်ဝါဒကို အားပေးအားမြှောက်ပြုနေပြီး ဆော်ဒီ၏ ရန်ဘက် အီရန်နှင့် အနီးကပ် ဆက်ဆံလွန်းနေသည်ဟူသော စွပ်စွဲချက်များဖြင့် ဆော်ဒီအာရေးဗီးယား၊ အာရပ်စော်ဘွားများပြည်ထောင်စု၊ ဘာရိန်းနှင့် အီဂျစ်နိုင်ငံတို့ က ၂၀၁၇၊ ဇွန်လတွင် ကာတာနှင့် သံတမန်ရေးဖြတ်တောက်မှုများ ပြုလုပ်ခဲ့သည်။

တူးမြောင်းများ တူးဖော်ခြင်းကို အထူးပြုလုပ်ကိုင်လျက်ရှိသည့် ကုမ္ပဏီ ၅ ခုကို ဆယ်လ်ဝါတူးမြောင်းအား တင်ဒါဆွဲရန် ဖိတ်ခေါ်ထားပြီး ယခု စက်တင်ဘာလ မကုန်မီတွင် တင်ဒါအောင်မြင်သည့်ကုမ္ပဏီကို ထုတ်ဖော်ကြေညာမည်ဖြစ်သည်။

ပြီးခဲ့သောနှစ်အတွင်း တင်းမာမှုများပေါ်ပေါက်ခဲ့ပြီးနောက် ကာတာ၏ တစ်ခုတည်းသော ကုန်းမြေနယ်စပ်မျဉ်းမှာ ပိတ်ဆို့ခြင်းခံလိုက်ရပြီး နိုင်ငံပိုင် လေကြောင်းလိုင်းကိုလည်း အိမ်နီးချင်းဆော်ဒီ၏ လေကြောင်းပိုင်နက်အား ဖြတ်သန်းခြင်းမပြုရန် ပိတ်ပင်ခံလိုက်ရသည့်အပြင် သံတမန်ရေးဖြတ်တောက်ကြသောနိုင်ငံများရှိ ကာတာနိုင်ငံသားများ မောင်းထုတ်ခြင်းခံခဲ့ကြရသည်။

အရှေ့အလယ်ပိုင်းဒေသတွင် ကာတာ၌ အကြီးမားဆုံးလေတပ်အခြေစိုက်စခန်းထားရှိသော အမေရိကန်ပြည်ထောင်စုနှင့် ကူဝိတ်တို့က ကြားဝင်စေ့စပ်ညှိနှိုင်းမှုများ ပြုလုပ်ပေးခဲ့သော်လည်း အောင်မြင်မှုမရခဲ့ချေ။

ဆယ်လ်ဝါတူးမြောင်းစီမံကိန်း အချက်အလက်များ -

-အလျား- ၆၀ ကီလိုမီတာ ( ၃၇ ဒသမ ၅ မိုင်)၊ အကျယ်- မီတာ ၂၀၀ ( ၆၅၆ ပေ)၊ အနက်- မီတာ ၂၀ ( ၆၅ ပေ)

-ဆော်ဒီနှင့် ယူအေအီးပုဂ္ဂလိက ကုမ္ပဏီများက ကန်ဒေါ်လာ သန်း ၇၅၀ ရင်းနှီးမြှုပ်နှံကြမည်

-အပြီးသတ်ဖောက်လုပ်နိုင်ရန် တစ်နှစ်ခန့် အချိန်ယူရမည်

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)