အာရှပစိဖိတ်၌ စမတ်စီးတီးများအတွက် ယခုနှစ်အသုံးစရိတ် ဒေါ်လာ ၃၀ ဘီလျံ ရှိမည်

အာရှပစိဖိတ်တွင် စမတ်စီးတီးခေါ် စမတ်မြို့ပြဖော်ဆောင်မှုများအတွက် နည်းပညာဆိုင်ရာ အသုံးစရိတ်သည် ယခုနှစ်တွင် အမေရိကန်ဒေါ်လာ ၃၀ ဘီလျံ ရှိလာမည်ဖြစ်ကြောင်း အိုင်တီဈေးကွက်သုတေသနကုမ္ပဏီ IDC ၏ ယခုနောက်ဆုံးထွက်ရှိလာသော ကမ္ဘာတစ်ဝန်း နှစ်ဝက်စမတ်စမတ်စီးတီးအသုံးစရိတ်အညွှန်းထုတ်ပြန်ချက်အရ သိရသည်။

ဂျပန်မပါဝင်သည့် ယင်းလေ့လာမှုက အာရှပစိဖိတ်ဒေသအတွင်း ၎င်းအသုံးစရိတ်သည် လာမည့်နှစ်အနည်းငယ်အတွင်း မြင့်တက်လာကာ ၂၀၂၂ ခုနှစ်တွင် အမေရိကန်ဒေါ်လာ ၅၄ ဒသမ ၄ ဘီလျံ ဖြစ်လိမ့်မည်ဟုလည်း ထပ်မံတွေ့ရှိခဲ့သည်။

"အာရှပစိဖိတ်ရှိ မြို့ပြတွေဟာ နည်းပညာဆန်းသစ်တီထွင်မှုတွေနဲ့ ကျယ်ပြန့်တဲ့ ပူးပေါင်းဆောင်ရွက်မှုတွေကနေ စမတ်ဖြစ်ပြီး၊ နေပျော်တဲ့၊ စဉ်ဆက်မပြတ် ထိန်းထားနိုင်တဲ့ မြို့ပြဂေဟစနစ်တွေကို ပေးစွမ်းနိုင်ဖို့ရာ စိန်ခေါ်မှုတွေနဲ့ ရင်ဆိုင်နေရပါတယ်" ဟု IDC အာရှပစိဖိတ်ရေးရာ အများပြည်သူကဏ္ဍဆိုင်ရာ အကြီးအကဲ ဂျရတ်ဝမ်က အထက်ပါထုတ်ပြန်ချက်၌ ပြောကြားခဲ့သည်။

ဒါကြောင့် ရေရှည်မှာ မြို့ပြဒီဂျစ်တယ်ဝန်ဆောင်မှုတွေနဲ့ မြို့ပြအခြေခံအဆောက်အအုံတွေအတွက် ငွေကြေးမတည်တည်ဆောက်ရေးမူဝါဒတွေ ပြတ်သားဖို့လည်း လိုပါတယ်" ဟုလည်း သူက ပြောကြားခဲ့သည်။

ထောက်လှမ်းမှု၊ အဆင့်မြင့်အများပြည်သူသယ်ယူပို့ဆောင်ရေး၊ ယာဉ်ကြောပိတ်ဆို့မှုအဆင့်မြင့်စီမံခန့်ခွဲရေးတို့နှင့် သက်ဆိုင်သည့် နည်းပညာက ယခုနှစ် ၎င်းအသုံးစရိတ်၏ ၃၅ ရာခိုင်နှုန်းကျော် ဝေစု ရှိမည်ဖြစ်ကာ တရုတ်နိုင်ငံတစ်နိုင်ငံတည်း၌ပင် ထောက်လှမ်းရေးအတွက် အသုံးပြုမှုသည် ၁၇ ဒသမ ၃ ရာခိုင်နှုန်း ရှိမည်ဖြစ်ကြောင်း သိရသည်။

တရုတ်နိုင်ငံတစ်ဝန်း ရာဇဝတ်သားများကို ထောက်လှမ်းခြေရာခံနိုင်ရန်အတွက် AI (အသိဉာဏ်တု) နည်းပညာသုံး လုံခြုံရေးကင်မရာ သန်း ၂၀ ဝန်းကျင်ကို ဖြန့်ကြက်ထားပြီးဖြစ်သည်။

အချက်အလက်အခြေပြု အများပြည်သူဘေးကင်းလုံခြုံရေးနှင့် အဆင့်မြင့်သယ်ယူပို့ဆောင်ရေးတို့သည် ဖွံ့ဖြိုးလာသော မြို့ပြလူဦးရေကြောင့် အာရှပစိဖိတ်ဒေသအတွင်း အဓိကဦးစားပေးရင်းနှီးမြှုပ်နှံမှုကိစ္စရပ်နှစ်ရပ် ဖြစ်ကြောင်း IDC အာရှပစိဖိတ်၏ ဈေးကွက်ဆန်းစစ်လေ့လာသူ မာလာနီဆွာမီကလည်း ပြောကြားခဲ့ကြောင်း သိရသည်။

ခင်အေးချမ်း ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။ Credit: iMyanmarHouse.com