မြေကွက်များမြေဂရန်သက်တမ်းတိုးမှုအား ONE STOP SERVICE ဖြင့် ဆောင်ရွက်ပေးလျက်ရှိ

ဘုရင့်နောင်ပွဲရုံနှင့် ကုန်တင်ယာဉ်ရပ်နားစခန်းရှိ မြေကွက်များ မြေဂရန်
သက်တမ်းတိုးမှုအား One Stop Service ဖြင့် ရန်ကုန်မြို့တော် စည်ပင်သာယာရေးကော်မတီမြို့ပြစီမံကိန်းနှင့် မြေစီမံခန့်ခွဲမှုဌာနမှ လာရောက်ဆောင်
ရွက်ပေးလျက်ရှိကြောင်း ဘုရင့်နောင်ကုန်စည်ဒိုင်ဥက္ကဋ္ဌ ထံမှ သိရသည်။

အဆိုပါဌာနမှ ၁၉၉၃ ခုနှစ်တွင်၂၅ နှစ် ဂရန်ထုတ်ပေးထားခဲ့သည့် ဘုရင့်နောင်ပွဲရုံနှင့် ယာဉ်ရပ်နားစခန်းမှ မြေကွက်များသည် ၂ဝ၁၈ ခုနှစ်တွင်သက်တမ်းပြည့်ပြီဖြစ်၍ ထပ်မံသက်တမ်းတိုးရာတွင် အဆင်ပြေလွယ်ကူစေရန် One Stop Service စနစ်ဖြင့် ဆောင်ရွက်ပေးပါရန် ဘုရင့်နောင်ပွဲရုံနှင့် ကုန်တင်ယာဉ်ရပ်နားစခန်းရှိ သာယာရေးနှင့် စည်းကမ်းထိန်းသိမ်းရေးအဖွဲ့တို့မှ တာဝန်ရှိသူများက တင်ပြတောင်းဆိုခဲ့ခြင်းဖြစ်သည်။ထိုသို့ဂရန်သက်တမ်းတိုးရာတွင် လျှောက်ထားသူများကိုယ်တိုင်သွားရောက်၍ မူရင်းဂရန်များအား ပြသပြိး Scan ဖတ်ခြင်းတို့ကို ဆောင်ရွက်ရသည်။

ဘုရင့်နောင်ပွဲရုံရှိမြေကွက်များတွင် ဖွင့်လှစ်ထားသည့်ဘဏ်မြေကွက်များလည်းပါဝင်ရာ ဘဏ်များမှ မူရင်းဂရန်များ သွားရောက်ပြသမှုနှင့် ပွဲရုံများမှ မူရင်းဂရန်များကို ပြသသည့်အခါဘဏ်များမှ OSS ခန်းမတွင် မူရင်းဂရန်ကို Scan ဖတ်ပေးခြင်း၊ရပ်ကွက်အုပ်ချုပ်ရေးမှူးရုံးနှင့် မြို့နယ်အထွေထွေ အုပ်ချုပ်ရေးမှူးရုံးတို့တွင်တပြိုင်နက်တည်း ဂရန်သက်တမ်းတိုးခြင်းကိုဆောင်ရွက်ပေးလျက်ရှိပြီး ကျန်းမာရေးမကောင်းသူများအတွက် Home Stop Service ဖြင့် အမှုတွဲဖွင့်လှစ်ဆောင်ရွက်ပေးလျက်ရှိသည်။

ဘုရင့်နောင်ပွဲရုံကို ၁၉၉ဝပြည့်နှစ်တွင် စတင်တည်ဆောက်ခဲ့ပြီး ၁၉၉၁ခုနှစ်က စတင်ဖွင့်လှစ်ခဲ့ကာ ဧကပေါင်း ၇၅ ဒသမ ၁၉၄ ဧကရှိပြီး မော်တော်ယာဉ်အစီးရေ ၃၅ဝ ရပ်နားနိုင်သော မော်တော်ယာဉ်ရပ်နားရာနေရာပါရှိသည်။

နောက်ပိုင်းတွင် ရွှေသံလွင်ဝင်းနှင့် တက်လမ်းဝင်းတို့တွင် ပွဲရုံတန်းများ ထပ်မံတိုးချဲ့ဖွင့်လှစ်ခဲ့ရာ ဧက ၁ဝဝ ကျော်တွင် ပေ ၄ဝxပေ၆ဝ နှစ်ထပ်မှ ခြောက်ထပ်အထပ်မြင့်အဆောက်အအုံအဖြစ် တည်ဆောက်ထားပြီး ပွဲရုံပေါင်း ၁၂ဝဝ ကျော် တည်ရှိကြောင်း သိရသည်။ယင်းအဆောက်အအုံများတွင် ရန်ကုန်တိုင်းဒေသကြီး ကုန်သည်များနှင့် စက်မှုလက်မှု လုပ်ငန်းရှင်များအသင်း (ဘုရင့်နောင်ကုန်စည်ဒိုင်)၊ဆန်ကုန်စည်ဒိုင်၊ဆီကုန်စည်ဒိုင်၊ဘဏ်ပေါင်း ၂၂ ခုနှင့် သိုလှောင်ရုံအဖြစ် အသုံးပြုထားသော အဆောက်အအုံ ၂ဝဝ ခန့်ရှိကြောင်းသိရသည်။

Credit : Myawaddy