အိမ်ခြံမြေ၀န်ဆောင်မှုဥပဒေ အတည်ပြုခဲ့လျှင် ပွဲစားအားလုံး လိုင်စင်ဖြေဆိုရမည်၊ လိုင်စင်မဲ့ပွဲစားများ ထောင် ၆လနှင့် ဒဏ်ငွေသိန်း ၃၀ ကျခံရနိုင်

အိမ်ခြံမြေ၀န်ဆောင်မှုဥပဒေအတည်ပြုခဲ့လျှင် ၀န်ဆောင်မှုလုပ်ငန်းလိုင်စင်မရှိဘဲ အိမ်ခြံမြေအကျိုးဆောင်လုပ်ကိုင်သူများအား ထောင်ဒဏ် ၆ လနှင့် ဒဏ် ငွေကျပ်သိန်း ၃၀ အထိ ပြစ်ဒဏ်ချမှတ်နိုင်ကြောင်း အိမ်ခြံမြေဥပဒေကြမ်းတွင် ထည့်သွင်းရေးဆွဲထားသည်။

၎င်းဥပဒေကြမ်းတွင် အခန်းပေါင်း ၁၃ ခန်းနှင့် ပုဒ်မ ၃၃ ခုပါရှိပြီး၊ ၂၀၁၆ ခုနှစ်ကစတင်ရေးဆွဲခဲ့ခြင်းဖြစ်ကာ ပြည် ထောင်စုလွှတ်တော်ဥပဒေရေးရာကော်မတီ၊ လွှတ်တော်ကော်မတီဥပဒေရေးရာအဖွဲ့များ၊ ဥပဒေချုပ်ရုံး၊ ရှေ့နေချုပ်ရုံး၊ သက်ဆိုင်ရာဌာနများနှင့် ၈ ကြိမ်တိတိ တင်ပြဆွေးနွေးခဲ့ကြောင်းနှင့် ယခုဥပဒေကြမ်းကို ပြည်ထောင်စုလွှတ်တော်ဥပဒေရေးရာကော်မတီမှ ပြည်ထောင်စုလွှတ်တော်သို့ တင်ပြထားသည်။

အဆိုပါဥပဒေကြမ်းပုဒ်မ ၁၅ တွင် ဤဥပဒေစတင်အာဏာတည်သည့်အချိန်တွင် ၀န်ဆောင်မှုလုပ်ငန်းလုပ်ကိုင်လိုသူသည် တနှစ်အတွင်းလုပ်ငန်းမှတ်ပုံတင်ခြင်းနှင့် ယာယီလိုင်စင်လျှောက်ထားရမည်ဟု ဖော်ပြထားပြီး ပုဒ်မ ၂၆ တွင် ယာယီ လိုင်စင်နှင့် လိုင်စင်မရှိဘဲ အိမ်ခြံမြေ အကျိုးဆောင်လုပ်ငန်း လုပ်ကိုင်သူများအား ထောင်ဒဏ် ၆ လထိဖြစ်စေ၊ ငွေဒဏ် ကျပ်သိန်း ၃၀ ထိဖြစ်စေ၊ ပြစ်ဒဏ် ၂ ရပ်လုံးဖြစ်စေချမှတ်နိုင်ကြောင်း ဖော်ပြပါရှိသည်။

''ရှေ့နေကတော့ ငှားချင်ငှား၊ မငှားချင်နေပေါ့။ ဒါပေမဲ့ ပုဒ်မ ၂၇ မှာထည့် သွင်းရေးဆွဲထားတာကတော့ ရှေ့နေကပါလာပြီ။ ပြဿနာတခုခုဖြစ်ရင် ရှေ့နေငှားပါလို့ပြောတာနဲ့အတူတူပဲ။ နောက်ဆုံး ရှေ့နေငှားပါဆိုတာနဲ့ ဇာတ်သိမ်းသွားရော'' ဟု အိမ်ခြံမြေ Online သင်တန်းများပို့ချ နေသူဦးကြည်စိုး IC က News Watch ကိုပြောသည်။

အိမ်ခြံမြေပွဲစားလုပ်ကိုင်သူများတွင် ဈေးသည်၊ ဆိုက်ကားသမားများမှအစ ကုမ္ပဏီကြီးများဖြင့် လုပ်ကိုင်သူအထိ အလွှာစုံပါဝင်ကြောင်း၊ အောက်ခြေလုပ်ကိုင်သူများကို ပစ်ပယ်၍မရကြောင်း၊ ၎င်း တို့၏လုပ်ကွက်များမပျောက်ပျက်ဖို့ အထူးအရေးကြီးကြောင်း လက်ရှိလုပ်ကိုင် ဆောင်ရွက်ကြရာတွင် အိမ်ခြံမြေရောင်း ၀ယ်ရေးစာချုပ်စာတမ်းများကို ရှေ့နေများ မပါဝင်ဘဲ ချုပ်ဆိုနေကြကြောင်း၊ GP နှင့် SP လိုမျိုးစာချုပ်ချုပ်ရသည့်အခါ ရှေ့နေများနှင့် စာချုပ်ချုပ်ရမည်ဖြစ်ကြောင်း၊ ယခုဥပဒေကြမ်း၏ အနှစ်သာရသည် ရှေ့နေ၊ ရှေ့ရပ်များကြောင့်ရေးခြင်းမဟုတ်ဘဲ တည်ဆဲဥပဒေအရ အောက်ခြေရှိပွဲစားဟုခေါ်သော ပုဂ္ဂိုလ်များလုပ်ကွက်မပျောက်သွားရန် အရေးကြီးကြောင်း မြန်မာနိုင်ငံ အိမ်ခြံမြေဖွံ့ဖြိုးတိုးတက်ရေး အသင်းဥက္ကဋ္ဌ ဦးတင်မောင်ဦးက ပြောသည်။

''ဒီဥပဒေအတည်ပြုပြီးတဲ့ကာလမှာ အိမ်ခြံမြေအကျိုးဆောင်လုပ်ကိုင်သူတွေအနေနဲ့ ပွဲစားမှတ်ပုံတင်လိုင်စင် လျှောက်ရုံနဲ့ ဆက်လုပ်ခွင့်ရှိပါတယ်။ လိုင်စင်ရဖို့ဆိုတာ သင်တန်းပေးတယ်ဆိုတာလည်း သိပ်ပြီးတော့ ကြီးကြီးကျယ်ကျယ်မဟုတ်ပါဘူး။ တနိုင်ငံလုံး တပုံစံတည်းချမှတ်ထားတဲ့ ၇ ရက်စာလောက် သင်တန်းကိုသွားထိုင်နေရုံပဲ။ စာမေးပွဲလည်းမရှိပါဘူး။ ဒါတွေက နည်းဥပဒေမှာပါလာမှာဖြစ်ပါတယ်။ သွားပြီးတော့ သက်ဆိုင်ရာမြို့နယ်မှာ သတင်းပို့ရင်ဆက်လုပ်ခွင့်ရှိတယ်။ အဲဒါယာယီလိုင်စင်ပေါ့။ အဲဒါပြီးရင် သတ်မှတ်ထားတဲ့မြို့နယ်ဖြစ်ဖြစ်၊ ခရိုင်ဖြစ်ဖြစ် သင်တန်းဖွင့်လို့သွားတက်မယ်ဆိုရင် သတ်မှတ်တဲ့လိုင်စင်ရမှာ ဖြစ်ပါတယ်''ဟု ၎င်းကပြောသည်။

အဆိုပါသင်တန်းများကို နိုင်ငံတော်မှတရားဝင်လုပ်သည်ဖြစ်သောကြောင့် သတ်မှတ်သည့် GPS ကြည့်ခြင်း၊ မြေပုံကြည့်ခြင်း၊ စာချုပ်စာတမ်းအစစ်၊ အတုခွဲခြားခြင်းတို့ကို အသိပညာပေးမည်ဖြစ်ကြောင်း၊ အဆိုပါသင်တန်းမှာ ၇ ရက်မျှလောက်သာကြာမြင့်မည်ဖြစ်ပြီး သင်တန်းတက်ရောက်ပြီးပါက အကျိုးဆောင်လိုင်စင်ရရှိမည်ဖြစ်ကြောင်း သိရသည်။

''ဒီလိုမျိုးဥပဒေပြဋ္ဌာန်းလိုက်ရင်တော့ လုပ်ငန်းလိုင်စင်တွေဘာတွေ လျှောက်တာတို့ ဘာတို့မှာ ငွေကြေးတစုံတရာ မပေးရရင်တော့ ကောင်းတာပေါ့ဗျာ။ ကျွန်တော်တို့ကပွဲရှိရင် ကြားပေါက်ဝင်ငွေ ရရှိအောင်လုပ်တာ။ ခုဥပဒေပုံစံမျိုးဆိုရင် အရှုပ်အရှင်းတွေ၊ ပြဿနာတွေ မပေါ်ပေါက်နိုင်တော့ဘူးပေါ့။ ကောင်းပါတယ်'' ဟု အိမ်ခြံမြေပွဲစားလုပ်ကိုင်သူတဦးက ပြောသည်။

မြန်မာနိုင်ငံတွင် ပါးစပ်ပါသူတိုင်း အိမ်ခြံမြေအကျိုးဆောင်လုပ်ကိုင်နိုင်သည့်အခြေအနေဖြစ်ကြောင်း၊ ယခုဥပဒေပေါ် ပေါက်ခဲ့ပါက ပြန့်ကျဲနေသောအနေအထားမှ စုစည်းကျစ်လျစ်သွားမည်ဖြစ်ပြီး၊ မလိုလားအပ်သောပြဿနာများကို ရှောင်ရှားနိုင်မည်ဖြစ်ကာ ဖြစ်ပေါ်လာပါက ဥပဒေအရ ထိထိရောက်ရောက်အရေးယူနိုင်မည်ဖြစ်ကြောင်း မြန်မာနိုင်ငံ အိမ်ခြံမြေ၀န်ဆောင်မှုအသင်းဥက္ကဋ္ဌ ဦးသိန်းလှညိုက ပြောသည်။

Credit: News Watch