ကမ္ဘာကျော် ရုရှားတင်းနစ်ဂန္ထဝင်ကြယ်ပွင့် အင်နာ ကော်နီကိုဗာ၏ မီယာမီ ပင်လယ်ကမ်းခြေနေအိမ်ကြီးကို ကန်ဒေါ်လာ ၁၄ သန်းဖြင့် ရောင်းချရန် အရောင်းဈေးကွက်ဝင်လာသည်။
ကော်နီကိုဗာ၏ အမည်ရင်းမှာ အင်နာ ဆာဂေးယက်ဗ်နာ ကော်နီကိုဗာဖြစ်ပြီး ၁၉၈၁ ခုနှစ်၊ ဇွန်လ ၇ ရက်တွင် မွေးဖွားသည်။
သူ၏အလှကြောင့်လည်း ကမ္ဘာပေါ်တွင် အထင်ရှားဆုံး တင်းနစ်ကြယ်ပွင့်များတွင် တစ်ဦးအပါအဝင်ဖြစ်ခဲ့သည်။
အထွတ်အထိပ်တွင် ရှိခဲ့စဉ်ကာလများက Google Search တွင် ရှာဖွေမှု အများဆုံးမှာ ကော်နီိကိုဗာ၏ ဓာတ်ပုံများ ဖြစ်ခဲ့သည်။
ကော်နီကိုဗာက ယခုနေအိမ်ကြီးကို ၂၀၁၂ ခုနှစ်တွင် ကန်ဒေါ်လာ ၇ သန်းကျော်ဖြင့် ပြန်လည်ရောင်းချသွားခြင်းဖြစ်ပြီး လက်ရှိပိုင်ရှင်များက ကန်ဒေါ်လာ ၁၄ ဒသမ ၂၅ သန်းဖြင့် ဈေးကွက်တင်လာခြင်း ဖြစ်သည်။
မီယာမီပင်လယ်ကမ်းခြေ၊ ရိပ်သာလမ်း၊ အမှတ် ၂၃၄၅ ရှိ ပင်လယ်ကမ်းခြေစံအိမ်ကြီးကို မြေထထဲပင်လယ်ဗိသုကာဟန်ဖြင့် ဆောက်လုပ်ထားသည်။
ကော်နီကိုဗာထံမှ ကန်ဒေါ်လာ ၇ ဒသမ ၄၅ သန်းဖြင့် ဝယ်ယူခဲ့သူမှာ ဘရာဇီးဘောလုံးအဖွဲ့ချုပ်ဥက္ကဌဟောင်း ရီကာဒို တိုင်ဇီရာ ဖြစ်သည်။
ယင်းနောက်တဖန် တိုင်ဇီရာ၏ ဇနီးက MB Lake Avenue Property LLC ကုမ္ပဏီသို့ ပြန်လည်ရောင်းချခဲ့ပြန်သည်။
ယင်းကုမ္ပဏီကို ပိုင်ဆိုင်သူမှာ ရောဘတ်မက်ဒန်းနှင့် ကေသီ ဂက်စ်ပါးရစ်စ်ဆိုသူတို့ဖြစ်ကြကြောင်း အိမ်ခြံမြေမှတ်တမ်းများတွင် ဖော်ပြသည်။
Sotheby’s International Realty မှ ဂျော့ခ်ျ ယူရိုက်ဘ်က အရောင်းဈေးကွက်တင်သွင်းပေးခဲ့ခြင်းဖြစ်ပြီး လက်ရှိပိုင်ရှင်များ၏ အမည်ကို ထုတ်ဖော်ပြောကြားရန်မူ ၎င်းကငြင်းပယ်ထားသည်။
မီယာမီကမ်းခြေတွင် နေထိုင်ချိန်နည်းပါးသည့်အတွက် လက်ရှိပိုင်ရှင်များက ပြန်လည်ရောင်းထုတ်ရန် ဆုံးဖြတ်ခဲ့ခြင်းဖြစ်ကြောင်းကိုမူ ယူရိုက်ဘ်က ထုတ်ဖော်ပြောကြားသည်။
နေအိမ်အတွင်း အိပ်ခန်း ၈ ခန်း၊ ရေချိုးခန်း ၈ ခန်းပါဝင်ပြီး ခြံဝန်းအကျယ်မှာ ၁၉၃၀၀ စတုရန်းပေ ရှိသည်။
သီးသန့်လသာဆောင်နှင့် snack bar ပါဝင်သည့် master bedroom တစ်ခန်း၊ အိုင်ဗီနွယ်ပန်းတို့ ဖုံးလွှမ်းလျက်ရှိသည့် ခြံဝန်း၊ နှစ်ထပ်ဧည့်ဂေဟာအိမ်၊ မီးဖိုဆောင်ပါဝင်သည့် အခြားဧည့်ဂေဟာအိမ်တစ်လုံးတို့ ပါဝင်သည်။
ပင်လယ်ရေပြင်နှင့် ထိစပ်မှု ၁၅၆ ပေရှိပြီး လှေဆိပ်တစ်ခုလည်း ပါဝင်သည်။
ခြံဝန်းအတွင်း တင်းနစ်ကွင်းမပါဝင်သော်လည်း ဘတ်စ်ကက်ဘောကွင်းတစ်ခု ပါဝင်သည်။
ကော်နီကိုဗာနှင့် သူ၏ချစ်သူ ပေါ့ပ်ကြယ်ပွင့် အန်းနရစ် အီဂဲစီးယားတို့သည် လက်ရှိအားဖြင့်လည်း မီယာမီကမ်းခြေတွင် နေထိုင်လျက်ရှိဆဲဖြစ်ကြောင်း သတင်းများတွင် ဖော်ပြသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
