ကွမ်ကျိုးနှင့် စင်္ကာပူတွင် အဆင့်မြင့်အိမ်ဈေးများ အမြန်ဆုံးနှုန်းဖြင့် မြင့်တက်

Knight Frank ကမ္ဘာ့အိမ်ခြံမြေအတိုင်ပင်ခံကုမ္ပဏီမှ သြဂုတ် ၇ တွင်
ထုတ်ပြန်ခဲ့သော အချက်အလက်များအရ အာရှမြို့ကြီးများသည် ဒုတိယသုံးလပတ်အတွင်း အဆင့်မြင့်အိမ်ဈေးမြင့်တက်မှုနှုန်းအခြေအနေတွင် အခြားမြို့များနှင့် ဖီဆန်ခဲ့ကြောင်း တွေ့ရသည်။

ယခုနှစ် ဒုတိယသုံးလပတ်အတွင်း ကမ္ဘာ့မြို့ကြီး ၄၃ ခု၏ အိမ်ဈေးကွက်အခြေ
အနေများကို Knight Frank က ဆန်းစစ်လေ့လာခဲ့ရာ ဈေးကွက်အများပြားတွင်
အဆင့်မြင့်အိမ်ဈေးများ ကျဆင်းခဲ့သော်လည်း ကွမ်ကျိုးနှင့် စင်္ကာပူတို့တွင်
အဆင့်မြင့်အိမ်ဈေးများ အမြန်ဆုံးနှုန်းဖြင့် မြင့်တက်ခဲ့ကြောင်း သိရသည်။

ဇွန်အထိ သုံးလတာအတွင်း ကွမ်ကျိုးနှင့် စင်္ကာပူတို့တွင် အဆင့်မြင့်အိမ်ဈေး ၁၁ ဒသမ ၉ ရာခိုင်နှုန်းနှင့် ၁၁ ဒသမ ၅ ရာခိုင်နှုန်းစီ အသီးသီးမြင့်တက်ခဲ့ကြသည်။

ကွမ်ကျိုးနှင့် စင်္ကာပူပြီးနောက် မက်ဒရစ်မြို့ကလည်း မြင့်တက်နှုန်း ၁၀ ဒသမ ၃ ရာခိုင်နှုန်းဖြင့် မြင့်တက်နှုန်း ဆယ်ဂဏန်းရှိခဲ့သည့် သုံးခုတည်းသောမြို့များတွင် ပါဝင်ခဲ့သည်။

တင်းကျပ်လိုက်သော၊ အသစ်ချမှတ်လိုက်သော အိမ်ခြံမြေစည်းမျဉ်းများ၊
ငွေဈေးနှုန်းတင်းမာလျော့ကျမှုနှင့် မတည်ငြိမ်သော နိုင်ငံရေးအခြေအနေ
တို့ကြောင့် ဈေးကွက်အများပြားတွင် အဆင့်မြင့်အိမ်ဈေးနှုန်းများသည်
မဆိုစလောက်သာ မြင့်တက်ဖွံ့ဖြိုးခဲ့ကြကြောင်း Knight Frank ၏
နိုင်ငံတကာလူနေအိမ်ခြံမြေသုတေသနရေးရာ လေ့လာသူ
ကိတ်အဲဗရက်အယ်လင်က ပြောကြားခဲ့သည်။

ကွမ်ကျိုး၏ အဆင့်မြင့်အိမ်ဈေးကွက်အခြေအနေသည် ယင်းမတိုင်မီ
သုံးလပတ်တွင် ၁၆ ဒသမ ၁ ရာခိုင်နှုန်း မြင့်တက်နှုန်းရှိခဲ့ရာမှ
ကျဆင်းခဲ့ခြင်းဖြစ်သည်။ ပေကျင်းနှင့် ရှန်ဟိုင်းတို့က အဆိုပါလေ့လာမှု၌
မြင့်တက်နှုန်း ၇ ဒသမ ၃ ရာခိုင်နှုန်းနှင့် ၃ ဒသမ ၃ ရာခိုင်နှုန်းတို့ဖြင့် အဆင့် ၁၀ နှင့် ၂၂ တို့တွင် ရရှိခဲ့ကြသည်။

စင်္ကာပူတွင်မူ အဆင့်မြင့်အိမ်ဈေးမြင့်တက်နှုန်း ကျဆင်းနေခဲ့ရာမှ
ပြန်လည်မြင့်တက်လာခဲ့ခြင်းဖြစ်သည်။

ကျန်ဒုတိယနှစ်ဝက်တွင်လည်း အဆိုပါဈေးကွက်အခြေအနေများအတိုင်း
အလားတူဆက်လက်ဖြစ်ပွားနိုင်ခြေရှိကြောင်း Knight Frank ၏
အာရှပစိဖိတ်သုတေသနရေးရာအကြီးအကဲ နီကိုးလက်စ်ဟော့လ်ထ်က
ပြောကြားခဲ့ကြောင်း သိရသည်။

ခင်အေးချမ်း ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။
Credit: iMyanmarHouse.com