ဆော်ဒီအာရေးဗီးယားတွင် စတုရန်းမီတာ ၇ သန်းခန့်ကျယ်ဝန်းမည့် ကမ္ဘာ့အဆင့်မီ မြို့တော်သစ်ကြီးတစ်ခု ဆောက်လုပ်ရန် စီစဉ်

အာရပ်စော်ဘွားများပြည်ထောင်စု ထိပ်တန်း developer ဖြစ်သော အယ်လ် အကာရီယာ ဆော်ဒီ အိမ်ခြံမြေကုမ္ပဏီ (Sreco) သည် ဆော်ဒီအာရေးဗီးယားနိုင်ငံ၊ ရီယာ့ဒ်မြို့တွင် “အယ်လ် ဝစ်ဒ်ယန်” အမည်ရှိ ကမ္ဘာ့အဆင့်မီ မြို့တော်ကြီးကို စတုရန်းမီတာ ၇ သန်း ကျယ်ဝန်းသည့် မြေနေရာပေါ်တွင် ဆောက်လုပ်သွားရန် စီစဉ်လျက်ရှိသည်။

အယ်လ် ဝစ်ဒ်ယန်မြို့တော်သစ်ကြီးသည် လေဆိပ်သို့ ၁၅ မိနစ်ခရီးသာ ဝေးကွာမည်ဖြစ်ပြီး ရီယာ့ဒ်မြို့လယ်မှ မိနစ် ၂၀ ခရီးသာ ဝေးကွာမည် ဖြစ်သည်။

မြို့တော်သစ်ကြီးတွင် အပန်းဖြေရန်နေရာများ၊ လက်လီအရောင်းဆိုင်၊ ပညာရေး၊ ကျန်းမာရေးစောင့်ရှောက်မှု၊ ရုံးခန်းနှင့် လူနေခန်းနေရာများ ပေါင်းစပ်ပါဝင်မည် ဖြစ်သည်။

ဆောက်လုပ်ပြီးစီးရန်အတွက် ၇နှစ်ခန့်အချိန်ယူရမည်ဟုခန့်မှန်းရပြီးအဆင့်လိုက်အကောင်အထည်ဖော်သည့်စနစ်ဖြင့် အကောင်အထည်ဖော်သွားမည်ဟု ဆိုသည်။

Sreco ၏ ထုတ်ပြန်ချက်အရ ဆောက်လုပ်ရေးလုပ်ငန်းများစတင်နေပြီဖြစ်ပြီး အခြေခံအဆောက်အအုံလုပ်ငန်းများ လုပ်ဆောင်လျက်ရှိသည်။

စီမံကိန်း အဆင့် ၁ အတွက် ကန်ဒေါ်လာ ၂ ဒသမ ၆ ဘီလီယံခန့် ကုန်ကျမည် ဖြစ်သည်။

အယ်လ် ဝစ်ဒ်ယန်မြို့သစ်ကြီးသည် Sreco ၏ စီးပွားရေးလားရာသစ်ဖြစ်ပြီး ဆော်ဒီအစိုးရပိုင် ကုမ္ပဏီများဖြစ်သော ပြည်သူ့ရင်းနှီးမြှုပ်နှံမှု ရန်ပုံငွေ (PIF) က ရှယ်ယာ ၆၅ ရာခိုင်နှုန်း ပိုင်ဆိုင်ထားပြီး ပြည်သူ့ပင်စင်အေဂျင်စီ (PPA) က ရှယ်ယာ ၅ ရာခိုင်နှုန်း ပိုင်ဆိုင်ထားသည်။

စီမံကိန်းအတွက် ဆောက်လုပ်ရေးလုပ်ငန်းများကို ပြီးခဲ့သော ၂၀၁၇ ခုနှစ်အတွင်းက စတင်ခဲ့ခြင်းဖြစ်ပြီး သယ်ယူပို့ဆောင်ရေးနှင့် ယာဉ်လမ်းကြော ထိခိုက်စေနိုင်မှုများကို လေ့လာခြင်းများ အပြီးသတ်ခဲ့ပြီး ဖြစ်သည်ဟု ဆိုသည်။

ထို့အပြင် ကူးသန်းရောင်းဝယ်ရေးဆိုင်ရာ မိတ်ဖက်များစွာနှင့် နားလည်မှုစာချွန်လွှာများ ချုပ်ဆိုပြီးဖြစ်သည့်နည်းတူ ဆော်ဒီနှင့် နိုင်ငံတကာမှ အလားအလာရှိသည့် မိတ်ဖက်များနှင့် ဆွေးနွေးမှုများလည်း ပြုလုပ်လျက်ရှိကြောင်း Sreco က ထုတ်ပြန်ထားသည်။


Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)