နယူးယောက်ရှိ ၅၂ ထပ်မြင့်မားသော 270 Park Avenue မိုးမျှော်တိုက်ကြီးကို ဖျက်သိမ်းမည်ဖြစ်ရာ ကမ္ဘာပေါ်တွင် ဖျက်သိမ်းခဲ့သည့် မိုးမျှော်တိုက်များအနက် အမြင့်မားဆုံးဖြစ်လာမည်

အမေရိကန်ပြည်ထောင်စု၊ နယူးယောက်မြို့ရှိ ၅၂ ထပ်မြင့်မားသော 270 Park Avenue မိုးမျှော်တိုက်ကြီးကို ဖျက်သိမ်းမည်ဖြစ်ရာ ကမ္ဘာပေါ်တွင် ဖျက်သိမ်းခဲ့သည့် မိုးမျှော်တိုက်များအနက် အမြင့်မားဆုံးဖြစ်လာမည်ဖြစ်သည်။
270 Park Avenue မိုးမျှော်တိုက်ကြီးကို ၁၉၅၇ ခုနှစ်တွင် စတင်ဆောက်လုပ်ခဲ့ပြီး ၁၉၆၁ ခုနှစ်တွင် ပြီးစီးခဲ့သည်။

အမြင့်မှာ ၇၀၇ ပေ ( ၂၁၅ မီတာ) ရှိရာ မီတာ ၂၀၀ ကျော်မြင့်မားသည့် အဆောက်အအုံများတွင် ပထမဆုံးဖျက်သိမ်းသည့် အဆောက်အအုံလည်းဖြစ်သည်။

ရီနေးဆင်းရီဗိုက်ဗယ်လ် ဗိသုကာဟန်ဖြင့် ဆောက်လုပ်ထားခြင်းဖြစ်ပြီး ကြမ်းခင်းဧရိယာမှာ ၂၄၀၀၃၅၂ စတုရန်းပေ ရှိသည်။

270 Park Avenue မိုးမျှော်တိုက်ကြီးကို JPMorgan Chase Tower ဟုလည်း လူသိများကာ နယူးယောက်မြို့၏ နာမည်ကျော် မန်ဟက်တန်အရပ်တွင် တည်ရှိသည်။

JPMorgan က လက်ရှိ 270 Park Avenue မိုးမျှော်တိုက်ကြီးထက် ပေ ၅၀၀ (၁၅၀ မီတာ) ပိုမိုမြင့်မားသည့် အဆောက်အအုံ ဆောက်လုပ်သွားမည်ဟု ကြေညာထားသည်။

ဖျက်သိမ်းမှုလုပ်ငန်းများကို လာမည့် ၂၀၁၉ ခုနှစ် အစောပိုင်းတွင် စတင်ရန် စီစဉ်ထားပြီး အဆောက်အအုံသစ် ဆောက်လုပ်မှုကို ၂၀၂၄ ခုနှစ်တွင် အပြီးသတ်နိုင်ရန် မျှော်မှန်းထားသည်။

လက်ရှိအဆောက်အအုံတွင် JPMorgan သည် ဝန်ထမ်းပေါင်း ၆၀၀၀ ခန့်သာ နေရာပေးနိုင်သော်လည်း အထပ် ၇၀ မြင့်မားမည့် အဆောက်အအုံသစ်ကြီး ဆောက်လုပ်ပြီးစီးပါက ဝန်ထမ်းပေါင်း ၁၅၀၀၀ အထိ နေရာပေးနိုင်မည်ဟု ဆိုသည်။

လက်ရှိအားဖြင့် ဖျက်သိမ်းခဲ့သည့်အဆောက်အအုံများအနက် အမြင့်မားဆုံးမှာ နယူးယောက်မြို့တွင် တည်ရှိခဲ့ဖူးသော Singer Building အဆောက်အအုံကြီးဖြစ်သည်။

Singer Building သည် ၁၈၇ မီတာ မြင့်မားပြီး ၄၁ ထပ်ပါဝင်ကာ ၁၉၆၈ ခုနှစ်အထိ တည်ရှိခဲ့သည်။

နောက်ပိုင်းတွင် ဖျက်သိမ်းကာ One Liberty Plaza ကို ဆောက်လုပ်ခဲ့ခြင်းဖြစ်သည်။

ဖျက်သိမ်းခဲ့သော ကမ္ဘာ့အမြင့်မားဆုံးအဆောက်အအုံများအနက် အများစုမှာ မိုးမျှော်တိုက်သစ်များ ဆောက်လုပ်ရန် ဖျက်သိမ်းခဲ့ကြခြင်း ဖြစ်ကြသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)