မန်းမြို့တော်ဖွံ့ဖြိုးရေး အချက်အချာကျနေရာမှာ စီးပွားရေးလုပ်ကိုင်ဖို့ ဖိတ်ခေါ်မည်

မန္တလေးမြို့တော်ဖွံ့ဖြိုးရေးအတွက် အဓိကအချက်အချာကျနေရာမှာ ဒေသဖွံ့ဖြိုးရေး အထောက်အကူဖြစ်နိုင်မယ့် စီးပွားရေးလုပ်ငန်းတွေ လုပ်ကိုင်နိုင်ဖို့ အဆိုပြုလွှာ EOI ဖိတ်ခေါ်ဖို့ ရှိပါတယ်။ မန္တလေးမြို့ (၆၂)လမ်းပေါ်မှာ တည်ရှိတဲ့ နဒီမြန်မာဟိုတယ်နေရာဟာ ငှားရမ်းမှုသက်တမ်းပြည့်သွားပြီဖြစ်လို့ မန္တလေးမြို့တော်စည်ပင်သာယာရေးကော်မတီက လက်ရောက်ပြန်လည်ရယူပြီး ဖြစ်တယ်။

မြို့တော်ဖွံ့ဖြိုးတိုးတက်ရေးအတွက် အဓိက အချက်အချာကျတဲ့ နေရာဖြစ်တယ်။ မျက်နှာစာ ပေ(၃၂၀)ရှိပြီး နောက်ကျောကပ်လျက် စည်ပင်ပိုင်ပြည်ကြီးမျက်ရှင်ကားဝင်းက ပေ(၂၅၀)ထပ်တိုးယူလိုက်ရင် mixed used development ဖော်ဆောင်ဖို့ အကောင်းဆုံးနေရာတွေထဲက တစ်ခုဖြစ်လာမယ်။

Developer တွေ အားလုံးကို ဖိတ်ခေါ်မှု ပြုနေတယ်။ အနာဂတ် မန္တလေးအတွက်ပါ။ အခုလထဲမှာ EOI ခေါ်နိုင်ဖို့ ကြိုးစားနေတယ်လို့ မန္တလေးမြို့တော်စည်ပင်သာယာရေးကော်မတီက သိရပါတယ်။ ငှားရမ်းမှုသက်တမ်းပြည့်လို့ အဆိုပါ မြေနေရာကို ပြန်လည်လက်ခံပြီးကတည်းက သည်နေရာမှာ ရင်းနှီးမြှုပ်နှံ လုပ်ကိုင်ဖို့ စိတ်ဝင်စားနေတဲ့ လုပ်ငန်းရှင်တွေ ရှိတယ်လို့ သိရပါတယ်။

' နဒီမြန်မာဟိုတယ်အကျယ်က အရှေ့အနောက် နှစ်ပြခန့်၊ တောင်မြောက်က တစ်ပြလောက်ရှိတယ်၊ အဲဒါ ကျွန်တော်တို့ လက်ခံပြီးသွားပြီ၊ အဲဒီဟာကိုလဲ စိတ်ဝင်စားတဲ့သူတွေရှိတယ်၊ စင်ကာပူနဲ့တွဲပြီးတော့ ဆေးရုံဖွင့်ချင်တဲ့သူလဲ ရှိတယ်၊ အမျိုးစုံ လုပ်ချင်တဲ့သူရှိတယ် ' လို့ မန္တလေးမြို့တော်စည်ပင်သာယာရေးကော်မတီဝင် တစ်ဦးက ပြောပါတယ်။ မန္တလေးမြို့ရဲ့ အချက်အချာမှာ တည်ရှိတဲ့ မန္တလေးမြို့တော်စည်ပင်သာယာရေးကော်မတီပိုင်မြေနေရာအချို့ကို ဖွံ့ဖြိုးတိုးတက်အောင် ရင်းနှီးမြှုပ်နှံမှုတွေ ဖိတ်ခေါ်လုပ်ကိုင်သွားဖို့ ရှိတယ်လို့ သိရပါတယ်။

မန္တလေးမြို့ရဲ့ အချက်အချာ (၈၂)လမ်း (၈၃)လမ်းကြား၊ (၃၅)လမ်း (၃၆)လမ်းကြားရှိ တစ်ပြပတ်လည်လောက် အကျယ်အဝန်းရှိတဲ့ ယခင်ညွှန့်ပေါင်းဈေးလို့ခေါ်တဲ့ ဈေးမြေနေရာကိုလည်း ဖွံ့ဖြိုးတိုးတက်အောင် ဆောင်ရွက်ဖို့ ရှိတယ်၊ မန္တလေးမဟာအောင်မြေမြို့နယ် သန်လျက်မှော်အနောက်ရှိ ယခင် သားသတ်ရုံ မြေနေရာမှာ ဝင်ရောက် ရင်းနှီးမြှုပ်နှံလုပ်ကိုင်ဖို့အတွက် ပြည်ပနိုင်ငံအချို့က လုပ်ငန်းရှင်တွေ စိတ်ဝင်တစားရှိနေပြီး သည်နေရာတွေမှာလည်း မြို့တော်ဖွံ့ဖြိုးရေးအတွက် အထောက်အကူဖြစ်နိုင်မယ့် ရင်းနှီးမြှုပ်နှံမှုတွေ ဖိတ်ခ်ါသွားဖို့ ရှိတယ်လို့ သိရပါတယ်။

Credit: The Modern