ဇွန်တွင် စင်္ကာပူပုဂ္ဂလိကအိမ်ရောင်းအား ၄၁ ဒသမ ၇ ရာခိုင်နှုန်း ကျဆင်း

စင်္ကာပူတွင် developer (မြေယာဝယ်ယူ၍ အဆောက်အအုံဆောက်လုပ်
ရောင်းချရေးကုမ္ပဏီ) များ၏ ဇွန်၌ Executive Condominium (အများပြည်သူ
(အစိုးရ) နှင့် ပုဂ္ဂလိကဖက်စပ်အိမ်ရာ) များမှအပ ပုဂ္ဂလိကနေအိမ်ရောင်းချရမှု
သည် ၆၅၄ ခန်းသာ ရှိခဲ့ပြီး ၁,၁၂၂ ခန်း ရောင်းချခဲ့ရသည့် မေလအောက် ၄၁
ဒသမ ၇ ရာခိုင်နှုန်း ကျဆင်းခဲ့ကာ ယမန်နှစ် ဇွန်လရောင်းအားအောက် ၂၀
ဒသမ ၂ ရာခိုင်နှုန်း လျော့နည်းခဲ့ကြောင်း သိရသည်။

ယင်းသည် ၃၈၄ ခန်းသာ ရောင်းချခဲ့ရသည့် ယခုနှစ် ဖေဖော်ဝါရီနောက်ပိုင်း
ရောင်းအားအနိမ့်ဆုံးလဖြစ်ကြောင်း ကနေဒါအခြေစိုက် ကမ္ဘာ့အိမ်ခြံမြေ
ဝန်ဆောင်မှုအဖွဲ့အစည်း Colliers International ၏ စင်္ကာပူနိုင်ငံဆိုင်ရာ
သုတေသနခေါင်းဆောင် ထရစ်ရှာဆုန်က ပြောကြားခဲ့သည်။

"အဝယ်နည်းတဲ့ ဇွန်လ ကျောင်းပိတ်ရက်ကာလဖြစ်တာကြောင့် ဇွန်လမှာ
အိမ်သစ်ရောင်းအား ကျဆင်းခဲ့တာပါ။ ရောင်းအားကျဆင်းသလိုပဲ developer
တွေဘက်ကလည်း အဲ့ဒီကာလမှာ ဈေးကွက်ထဲ အိမ်သစ်မိတ်ဆက်မှုကို
သိပ်မလုပ်ခဲ့ကြပါဘူး" ဟု အမေရိကန်အိမ်ခြံမြေဝန်ဆောင်မှုကုမ္ပဏီ Cushman & Wakefield ၏ အကြီးတန်းသုတေသနညွှန်ကြားရေးမှူး ခရစ္စတင်းလီကလည်း ပြောကြားခဲ့သည်။

ဇွန်တွင် ဈေးကွက်ထဲ မိတ်ဆက်ခဲ့သည့် ပုဂ္ဂလိကအိမ်ခန်းအရေအတွက်သည်
မေတွင် မိတ်ဆက်ခဲ့သည့်အရေအတွက် ၁,၀၆၀ အောက် ၃၁ ဒသမ ၅
ရာခိုင်နှုန်း ကျဆင်းခဲ့ပြီး ၇၂၆ ခန်းသာ ရှိခဲ့သည်။

ဇွန်လ၏ ရောင်းအားအကောင်းဆုံးအိမ်ရာစီမံကိန်း ငါးခုမှာ Margaret Ville
(ရောင်းချရမှု ၁၂၁ ခန်း)၊ Affinity at Serangoon (၁၀၇ ခန်း)၊ The Garden
Residences (၆၄ ခန်း)၊ Twin View (၆၄ ခန်း) နှင့် 120 Grange (၄၂ ခန်း) တို့ ဖြစ်သည်။

ဇူလိုင်တွင်မူ အိမ်သစ်ရောင်းအားသည် ဇွန်ရောင်းအားကို ကျော်လွန်မည်ဟု
အိမ်ခြံမြေလေ့လာသူများက ခန့်မှန်းထားကြသည်။

ဇူလိုင် ၅ ရက်တွင် ဈေးကွက်ထဲ ရောက်ရှိလာခဲ့သည့် Park Colonial၊
Riverfront Residences နှင့် Stirling Residences တို့သည် ဇူလိုင်အတွင်း
အခန်းပေါင်း ၁ ထောင်ကျော် ရောင်းချရနိုင်သည်ဟု အမေရိကန်ရင်းနှီးမြှုပ်နှံမှု
ကုမ္ပဏီ JLL စင်္ကာပူနိုင်ငံဆိုင်ရာ သုတေသနညွှန်ကြားရေးမှူး အွန်တက်ခ်ဟွေက ပြောကြားခဲ့သည်။

ဇူလိုင်ပြီးနောက်တွင်မူ အိမ်သစ်ရောင်းအားသည် လာမည့်လများအတွင်း
ဈေးကွက်တည်ငြိမ်စေရေး အိမ်ခြံမြေစည်းမျဉ်းသစ်များ ချမှတ်မှုကြောင့်
သိသိသာသာကျဆင်းဖွယ်ရှိကြောင်းလည်း Colliers International ၏
စင်္ကာပူနိုင်ငံဆိုင်ရာ သုတေသနခေါင်းဆောင် ထရစ်ရှာဆုန်က
ခန့်မှန်းပြောကြားခဲ့ကြောင်း သိရသည်။


ခင်အေးချမ်း မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com