ပြည်သူ့အိမ်ရာ ဝယ်ခွင့်ရရှိသူတွေအနေနဲ့ ဇူလိုင်လ (၂၀)ရက်နေ့နောက်ဆုံးထားပြီး မြို့ပြနှင့် အိမ်ရာဖွံ့ဖြိုးရေးဦးစီးဌာန ရန်ကုန်တိုင်းဒေသကြီး ညွှန်ကြားရေးမှူးရုံးမှာ လာရောက်ပြီး တိုက်ခန်းနဲ့ပက်သက်တဲ့အချက်တွေကို ဖြည့်စွက်ဆောင်ရွက်ဖို့ အိမ်ရာစီမံကိန်းရောင်းချရေးကော်မတီက အသိပေး ထုတ်ပြန်ထားပါတယ်။
တန်းစီဇယားအရ ပထမအသုတ်ဝယ်ယူခွင့်ရရှိသူတွေမှာ ကာယကံရှင်ကိုယ်တိုင် နိုင်ငံသားစိစစ်ရေးကတ်မူရင်းနဲ့အတူ (၁၁-၇-၂၀၁၈)ရက်နေ့ကစပြီး (၂၀-၇-၂၀၁၈)ရက်နေ့ နောက်ဆုံးထားပြီးတော့ မြို့ပြနှင့်အိမ်ရာဖွံ့ဖြိုးရေးဦးစီးဌာန ဒုတိယထပ်ကို လာရောက်ပြီး တိုက်ခန်းနဲ့ပက်သက်တဲ့ အချက်အလက်ကို အတည်ပြုဖြည့်စွက် ဆောင်ရွက်သွားရန် ဖြစ်ပါတယ်။
ပြည်သူ့အရောင်းအိမ်ရာ ဝယ်ယူခွင့် တန်းစီဇယားကို လူမှုရေးအုပ်စု၊ ပြည်သူ၊ နိုင်ငံ့ဝန်ထမ်း၊ ပုဂ္ဂလိကဝန်ထမ်း၊ အငြိမ်းစား၊ ဝင်ငွေအုပ်စု (၅)သိန်းအောက်၊ ဒုတိယအုပ်စု (၅)သိန်းနဲ့အထက်နဲ့ ရှစ်အုပ်စု ဖော်ပြထားပါတယ်။ ရန်ကုန်တိုင်းဒေသကြီး အစိုးရအဖွဲ့ အိမ်ရာစီမံကိန်းရောင်းချရေးကော်မတီက ရောင်းချမယ့် ပြည်သူ့အရောင်းအိမ်ရာ အိမ်ခန်းတွေကို ဝယ်ယူမယ့်သူတွေ တန်းစီဇယားကို (၁၀-၇-၂၀၁၈)ကစပြီး ရန်ကုန်တိုင်းဒေသကြီးခရိုင်အထွေထွေ အုပ်ချုပ်ရေး ဦးစီးဌာနရုံးနဲ့ မြို့ပြနှင့် အိမ်ရာဖွံ့ဖြိုးရေးဦးစီးဌာန၊ ရန်ကုန်တိုင်းဒေသကြီးညွှန်ကြားရေးမှူးရုံးမှာ အသိပေးကြေညာခဲ့ပါတယ်။
ပထမအသုတ်ဝယ်ခွင့်ရသူတွေကို (၂၀)ရက်နေ့နောက်ဆုံးထားပြီး ဝယ်ယူခွင့် ရရှိသူတွေအတွက် တိုက်ခန်းနေရာမဲနှိုက်ခြင်းကို (၂၅-၇-၂၀၁၈)ရက်နေ့နဲ့ (၂၆-၇-၂၀၁၈)ရက်နေ့မှာ မြို့ပြနှင့်အိမ်ရာဖွံ့ဖြိုးရေးဦးစီးဌာန (ရန်ကုန်တိုင်းဒေသကြီး၊ ညွှန်ကြားရေးမှူးရုံး) ဒုတိယထပ်မှာ ပြုလုပ်ရန်အတွက် လျာထားပါတယ်။ မဲနှိုက်ဝယ်ယူခွင့် ရရှိသူတွေကို အချက်အလက် စိစစ်တာတွေ၊ ဘဏ်ချေးငွေ ရယူခြင်းအတွက် ဘဏ်ကစိစစ်ခြင်းတွေပြုလုပ်တာတွေ၊ စည်းမျဉ်းစည်းကမ်းနဲ့ ကိုက်ညီသူတွေကို ရောင်းချသွားမှာ ဖြစ်ပါတယ်။
ဇယားမှာ အရောင်နဲ့ဖော်ပြထားသူတွေမှာ ပထမအသုတ်ဝယ်ယူခွင့်ရသူတွေဖြစ်ပြီး ကျန်ရှိတဲ့ တန်းစီဇယားပါ လျှောက်ထားသူတွေကို နောင်မှာထပ်ပြီး ရောင်းချမယ့် တိုက်ခန်းတွေကို တန်းစီဇယားအတိုင်း ရောင်းချမှာ ဖြစ်ပါတယ်။
Credit: The Modern
