တစ်ပေပတ်လည် စံနှုန်းများမှာ ပကတိ ပေါက်ဈေးထက် များပြားကွာခြားနေ

အိမ်ခြံမြေရောင်းဝယ်ရာတွင် သတ်မှတ်နှုန်းထားများအလိုက်အခွန်ပေးဆောင်ရန် တစ်ပေပတ်လည်စံနှုန်းများကို ထုတ်ပြန်ပေးလျက်ရှိရာ ၂ဝ၁၈ ခုနှစ်အတွက်စံနှုန်းများကို ပြည်တွင်းအခွန်များဦးစီးဌာနမှ ဇူလိုင်လဆန်းက ထုတ်ပြန်လိုက်ပြီဖြစ်သည်။

ပြည်တွင်းအခွန်များဦးစီးဌာန အနေဖြင့် အိမ်ခြံမြေ တစ်ပေပတ်လည်စံနှုန်းများကို နှစ်စဉ် အောက်တိုဘာလမှ သာထုတ်ပြန်ကြေညာလေ့ရှိသော်လည်း ယခုနှစ်တွင်မူယခင်နှစ်များထွက်ဆောလျင်စွာ ထုတ်ပြန်ခဲ့ခြင်းဖြစ်သည်။

တစ်ပေပတ်လည်စံနှုန်းများသည် မနှစ်ကထက်စာလျှင်ပြောင်းလဲမှု မရှိ။ပြင်ပပေါက်ဈေးသည် မနှစ်ကထက် ပိုပြီးကျသည်။

နှုန်းထားများမထွက်ခင်ပြင်ပမှ ပကတိဈေးနှုန်းများကိုလည်း အခွန်ရုံးမှ တာဝန်ရှိသူများနှင့် ဆွေးနွေးတင်ပြပြီးပြီ။ပြင်ပမှ ဈေးနှုန်းအမှန်များကိုလည်း တာဝန်ရှိသူများအနေနှင့် သိရှိသည်။

သို့သော်ထွက်ရှိလာသည့် ဈေးနှုန်းများသည် ကွာခြားနေသည့်အတွက် မူဝါဒအရ ဆောင်ရွက်ထားသည်ဟု ထင်မိကြောင်း အိမ်ခြံမြေ အကျိုးဆောင်လုပ်ငန်းဥက္ကဋ္ဌမှ ပြောကြားသည်။

ယခုနှစ်အတွက် တစ်ပေပတ်လည်စံနှုန်းများထုတ်ပြန်ရာတွင် ဈေးနှုန်းအမြင့်ဆုံးနေရာများဖြစ်သည့် ကမ္ဘာအေး ဘုရားလမ်း နှင့် ပြည်လမ်းများတွင် တစ်ပေပတ်လည်လျှင် ကျပ်လေးသိန်းအထိ အမြင့်ဆုံးထုတ်ပြန်ထားသည်ကိုတွေ့ရပြီး ထူးခြားချက်အနေဖြင့် ပြီးခဲ့သည့်နှစ်က ထုတ်ပြန်ခဲ့သည့် ဒဂုံမြို့သစ်မြောက်ပိုင်း၊ ၃၄ ရပ်ကွက် ရှိပေ ၄ဝx၆ဝ မြေတစ်ကွက်လျှင် ကျပ်သိန်း ၈ဝဝ အထိသတ်မှတ်ထားခြင်းကို ယခုနှစ်တွင် ပြောင်းပြန်အဖြစ်ပြောင်းလဲ သတ်မှတ်ခဲ့သည်ကို တွေ့ရသည်။

ယခုကဲ့သို့တစ်ပေပတ်လည် စံနှုန်းများမှာ ပကတိ ပေါက်ဈေးထက် များပြားကွာခြားနေခြင်းကြောင့် ရာဖြတ်အခွန်ဆောင်မည့် သူများမှာလည်း ပိုမိုအခွန်ရှောင်လာနိုင်မည့် အလားအလာများရှိကြောင်းအိမ်ခြံမြေ အကျိုးဆောင်အသိုင်းအဝိုင်းမှ သုံးသပ်ကြသည်။

Credit: Myanmar Builders Guide