ကမ္ဘောဒီးယားအစိုးရက developer (မြေယာဝယ်ယူ၍ အဆောက်အအုံဆောက်လုပ်ရောင်းချရေးကုမ္ပဏီ) များအား တန်ဖိုးနည်းအိမ်ရာစီမံကိန်းများ ပိုမိုအဆိုပြုတင်ပြကြရန် မက်လုံးတစ်လှေကြီးဖြင့် အလဲအလှယ်လုပ်ကာ တိုက်တွန်းညွှန်ကြားနေကြောင်း သိရသည်။
ကမ္ဘောဒီးယားစီးပွားရေးနှင့် ဘဏ္ဍာရေးဝန်ကြီးဌာနလက်အောက်ရှိ အထွေထွေအသုံးစရိတ်ဦးစီးဌာန၏ လက်ထောက်ညွှန်ကြားရေးမှူး လွေနာအွန်က မြို့တော်ဖနွမ်းပင်တွင် မကြာသေးမီက ပြုလုပ်ခဲ့သော အလုပ်ရုံဆွေးနွေးပွဲတစ်ခု၌ developer များအား ထိုသို့တောင်းဆိုခဲ့ခြင်း ဖြစ်သည်။
"ကျွန်တော်တို့ရဲ့ ရည်ရွယ်ချက်က နွမ်းပါးတဲ့ပြည်သူတွေအနေနဲ့ သင့်တင့်တဲ့ အိမ်တွေ ဝယ်ယူနိုင်စေဖို့နဲ့ သူတို့ဘဝတွေကို တိုးတက်စေဖို့ပါ" ဟု သူက Khmer Times ကမ္ဘောဒီးယားသတင်းစာသို့ ပြောကြားခဲ့သည်။
အဆောက်အအုံဆောက်လုပ်ရောင်းချရေးကုမ္ပဏီများအနေဖြင့် အဆိုပြုလွှာများအား ဇူလိုင်လ ၂၀ ရက် နောက်ဆုံးထားတင်ပြရမည်ဖြစ်ကြောင်း သိရသည်။
ကမ္ဘောဒီးယားရှိ developer များသည် ယင်းသို့အဆိုပြုလွှာများတင်ခြင်းအားဖြင့် ဆောက်လုပ်ရေးလုပ်ထုံးလုပ်နည်းများနှင့် စီးပွားရေးလိုင်စင်ခွင့်ပြုချက်များ
ကဲ့သို့သော ဗျူရိုကရက်တစ်လုပ်ငန်းစဉ်များတွင် လျင်မြန်သော အထောက်အပံ့နှင့် အခွန်လျှော့ပေါ့သက်သာခွင့်များ အပါအဝင် ခံစားခွင့်များစွာ ရရှိနိုင်မည်ဖြစ်သည်။
၎င်းခံစားခွင့်များ ရရှိနိုင်ရန်အတွက် အဆောက်အအုံဆောက်လုပ်ရောင်းချရေးကုမ္ပဏီဘက်မှ အိမ်ခန်း တစ်ခန်းလျှင် အမေရိကန်ဒေါ်လာ ၁၅,၀၀၀ မှ ၃၀,၀၀၀ အကြား တန်ဖိုးရှိသော အိမ်ခန်းအရေအတွက် အနည်းဆုံး ၁၀၀ ဆောက်လုပ်
ရောင်းချပေးရမည်ဖြစ်သည်။ အိမ်ရာတည်နေရာသည်လည်း ဖနွမ်းပင်ကို ဗဟိုပြု၍ ၂၀ ကီလိုမီတာပတ်လည်အတွင်း ဖြစ်ရမည်ဖြစ်သည်။
အိမ်ခန်းဝယ်ယူမည့်သူများအတွက် အတိုးနှုန်းသက်သာစွာဖြင့် အိမ်ချေးငွေများ ရရှိနိုင်ရန် ဘဏ်များနှင့် ချိတ်ဆက်မည့်အစီအစဉ်များကိုလည်း အစိုးရက စီမံပေးမည်ဖြစ်ကြောင်း သိရသည်။
ခင်အေးချမ်း မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com
