အမေရိကန်ပြည်ထောင်စု၊ ကွန်နက်တီကပ်ပြည်နယ်၊ ကမ်းလွန်ရှိ ဂရိတ်ကျွန်းကို ကန်ဒေါ်လာ သန်း ၁၂၀ ဖြင့် အရောင်းဈေးကွက်တင်လာသည်။
Darien တွင် တည်ရှိပြီး ၆၃ ဧက ကျယ်ဝန်းသည့် ဂရိတ်ကျွန်းကို မူလက ဈေးကွက်တင်ခဲ့သည့် ဈေးနှုန်းအောက် ကန်ဒေါ်လာ ၅၅ သန်းခန့် ဈေးလျှော့ပေးလိုက်ခြင်းလည်း ဖြစ်သည်။
ကွန်နက်တီကပ်ပြည်နယ်၏ ကမ်းရိုးတန်းဒေသသည် အမေရိကန်ပြည်ထောင်စုတွင် ဈေးအကြီးဆုံး နေအိမ်များ တည်ရှိရာ ဒေသအဖြစ်လည်း နာမည်ကျော်သည်။
သို့ရာတွင် ၆၃ ဧကအကျယ်အဝန်းရှိသည့် ဂရိတ်ကျွန်းကို ကန်ဒေါ်လာ သန်း ၁၂၀ ဖြင့် ဈေးကွက်တင်ခြင်းမှာ အမေရိကန်ပြည်တွင် ရောင်းချခဲ့ဖူးသမျှ အိမ်ခြံမြေအားလုံးအနက် ဈေးအကြီးမားဆုံးအရောင်းအဝယ်များတွင် တစ်ခုအပါအဝင် ဖြစ်လာမည် ဖြစ်သည်။
၂၀၁၄ ခုနှစ်အတွင်း ဟမ့်ပ်တန်မြို့ ရှိ လူနေအိမ်တစ်လုံးကို ကန်ဒေါ်လာ ၁၄၇ သန်းဖြင့် ရောင်းချခဲ့မှုမှာ အမေရိကတွင် ဈေးအကြီးဆုံး လူနေအိမ်အဖြစ် စံချိန်တင်ထားသည်။
ဂရိတ်ကျွန်းတွင် ပါဝင်သည့် အဆောက်အအုံများအနက် ပင်မနေအိမ်တွင် အိပ်ခန်း ၉ ခန်း ပါဝင်ပြီး ၁၉၀၅ ခုနှစ်က ဆောက်လုပ်ခဲ့ခြင်း ဖြစ်ကာ စတုရန်းပေ ၁၃၀၀၀ ခန့် အကျယ်အဝန်းရှိသည်။
ကျွန်းနှင့် ကုန်းမကြီးကို Rings End အမည်ရှိ ကုန်းမြေလမ်းဖြင့် ဆက်သွယ်ပေးထားသည်။
မုန့်ဖုတ်မှုန့် လုပ်ငန်းရှင်ဝီလျံ ဇက်ဂ်လာက ယခုကျွန်းကို ၂၀၀၀ ပြည့်နှစ်ဝန်းကျင်တွင် ဝယ်ယူခဲ့ပြီး နွေရာသီစံအိမ်အဖြစ် အသုံးပြုခဲ့သည်။
ယခုအခါ ဇက်ဂ်လာ၏ အမွေခံများက အရောင်းဈေးကွက်တင်လာခဲ့ခြင်း ဖြစ်သည်။
ကျွန်းပေါ်တွင် မြင်းဇောင်း ၁၈ ခု ပါဝင်ပြီး နယူးယောက်မြို့ ၏ အရှေ့ မြောက်ဘက် မိုင် ၅၀ ခန့် အကွာတွင် တည်ရှိသည်။
ဂရင်း ပရီအသွင် မြင်းပြေးလမ်းများလည်း ဖောက်လုပ်ထားသည်။
ပင်မနေအိမ်၏ အခန်းတိုင်းမှတဆင့် လောင်းအိုင်းလန်းဒေသတခွင်တပြင်၏ ရှုမျှော်ခင်းများကို တွေ့မြင်နေရသည်။
မျက်နှာကျက်များမှာ ၁၅ ပေအမြင့်ခန့်အထိရှိပြီး မီးလင်းဖို ၇ ခုလည်း ပါဝင်သည်။
ကိုယ်ပိုင်သီးသန့် ပင်လယ်ကမ်းခြေတွင် ရွက်လှေဆိပ်တစ်ခု တွေ့ရ၏။
ကျွန်းပေါ်တွင် ၁၈၂၀ ပြည့်လွန်ကာလများက ဆောက်လုပ်ခဲ့သည့် ကိုလိုနီဗိသုကာလက်ရာ နေအိမ်တစ်လုံး၊ အစောင့်နေအိမ်တစ်လုံး၊ ပင်လယ်ကမ်းခြေတွင် နေအိမ်တစ်လုံးနှင့် ကမ်းခြေဆီတွင် လှေသိုလှောင်ရုံများ တွေ့ရသည်။
ခေါ်ဈေးမှာ ကန်ဒေါ်လာ သန်း ၁၂၀ ဖြစ်သည်။
အရောင်းဈေးကွက်တင်ပေးသူမှာ Houlihan Lawrence Private Brokerage မှ အိမ်ခြံမြေအကျိုးဆောင် ဒေးဗစ် တာနာ ဖြစ်သည်။
ဒေးဗစ်တာနာသည် ပြီးခဲ့သော ဖေဖော်ဝါရီလအတွင်း ဒေးဗစ် ရော့ခ်ဖဲလား၏ ကျေးလက်စံအိမ်ကြီးကို ကန်ဒေါ်လာ ၃၃ သန်းဖြင့် ရောင်းချပေးခဲ့ဖူးသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
