စင်္ကာပူရှိ ပုဂ္ဂလိကအိမ်ဈေးများသည် ယခုနှစ် ဒုတိယသုံးလပတ်တွင် ပထမသုံးလပတ်ထက် ၃ ဒသမ ၄ ရာခိုင်နှုန်း မြင့်တက်နှုန်းဖြင့် ဆက်လက်မြင့်တက်ခဲ့ကြောင်း စင်္ကာပူမြို့ပြပြန်လည်ဖွံ့ဖြိုးရေးအာဏာပိုင်အဖွဲ့ (URA) မှ ယမန်နေ့ (ဇူလိုင် ၂) တွင် ထုတ်ပြန်ခဲ့သော ဈေးနှုန်းညွှန်းကိန်းအရ သိရသည်။
"ဒါဟာ ၂၀၁၇ တတိယသုံးလပတ်ကတည်းက လေးကြိမ်ဆက်တိုက်မြင့်တက်တဲ့ သုံးလပတ်ပဲ ဖြစ်ပါတယ်" ဟု အမေရိကန်အခြေစိုက် ကမ္ဘာ့အိမ်ခြံမြေကုမ္ပဏီ ERA Realty ၏ အဓိကတာဝန်ခံအရာရှိ ယူဂျင်းလင်မ်က ပြောကြားခဲ့သသည်။
စင်္ကာပူပုဂ္ဂလိကအိမ်ဈေးများသည် ယခုနှစ် ပထမသုံးလပတ်တွင် ၃ ဒသမ ၉ ရာခိုင်နှုန်းဖြင့် မြင့်တက်ခဲ့ခြင်းဖြစ်ပြီး ယခုနှစ်ပထမနှစ်ဝက်တွင် ၇ ဒသမ ၄ ရာခိုင်နှုန်းခန့်ဖြင့် မြင့်တက်ခဲ့ကြောင်းလည်း သူက ပြောကြားခဲ့သည်။
ဈေးကွက်အဟုန် အလွန်ကောင်းမွန်ဆဲဖြစ်သည်နှင့်အညီ ဈေးနှုန်းဆက်လက်မြင့်တက်မည်ဟုခန့်မှန်းရကြောင်းလည်း သူက ပြောကြားခဲ့သည်။
သို့သော် အတိုးနှုန်းမြင့်တက်မှုနှင့် အမေရိကန်နှင့် တရုတ်အကြား ကုန်သွယ်ရေးစစ်ပွဲ ဖြစ်နိုင်ခြေတို့က စင်္ကာပူအိမ်ခြံမြေဈေးကွက်ပြန်လည်နာလန်ထူမှုကို နှေးကွေးစေနိုင်ကြောင်းလည်း သူက ပြောကြားခဲ့သေးသည်။
ပုဂ္ဂလိကအိမ်ဈေးကွက်၏ ကဏ္ဍအားလုံးသည် ဒုတိယသုံးလပတ်တွင် ဈေးနှုန်းမြင့်တက်ခဲ့ကြကြောင်း URA ၏ အချက်အလက်များက ဖော်ပြခဲ့သည်။
အာရှအိမ်ခြံမြေရောင်းဝယ်ငှားဝက်ဘ်ဆိုက်ဒ် PropertyGuru ၏ လုပ်ငန်းအရာရှိချုပ် လူးဝစ်နန်ကလည်း "အိမ်ခြံမြေဈေးကွက်က ဝယ်လက်တွေရဲ့ ဝယ်လိုအားမြင့်မားမှုရယ် အိမ်ခြံမြေ developer (မြေယာဝယ်ယူ၍ အဆောက်အအုံဆောက်လုပ်ရောင်းချရေးကုမ္ပဏီ) တွေရဲ့ အင်တိုက်အားတိုက်မြေယာလေလံဆွဲမှုတွေကြောင့် အခြေအနေ ဆက်ကောင်းနေပါတယ်" ဟု ပြောကြားခဲ့သည်။
နန်က ၂၀၁၈ ခုနှစ်အတွင်း အိမ်ခြံမြေဈေးများ ထပ်မံမြင့်တက်နိုင်ကြောင်းလည်း ခန့်မှန်းခဲ့ကြောင်း သိရသည်။
ခင်အေးချမ်း မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com
