ဗြိတိန်နိုင်ငံအတွင်း လူနေအိမ် ရှားပါးမှု၊ ဈေးနှုန်းကြီးမြင့်မှုများကို ဖြေရှင်းရန်အတွက် နေအိမ်သစ်များ ဆောက်လုပ်မှုသာမက လူနေထိုင်ခြင်းမရှိဘဲ အလွတ်ထားသည့်နေအိမ်များကို အခွန် ၅၀၀ ရာခိုင်နှုန်းကောက်ခံရန်လိုအပ်ကြောင်း လစ်ဘရယ် ဒီမိုကရက် ပါတီခေါင်းဆောင်က ပြောကြားလိုက်သည်ဟု နယူးယောက်အခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
လစ်ဘရယ် ဒီမိုကရက်ပါတီသည် ဗြိတိန်တွင် ကွန်ဆာဗေးတစ်နှင့် လေဘာပါတီပြီးလျှင် တတိယမြောက် အင်အားအကြီးမားဆုံး ပါတီကြီးဖြစ်ပြီး ပါတီခေါင်းဆောင်မှာ ဆာ ဗင့်စ် ကေဘယ်လ် ဖြစ်သည်။
ဆာ ဗင့်စ် ကေဘယ်လ်က ဗြိတိသျှ တော်ဝင်ဗိသုကာပညာရှင်များ သိပ္ပံတွင် မိနစ် ၃၀ ကြာ မိန့်ခွန်းတစ်ရပ် ပြောကြားခဲ့ရာ၌ အခွန်ကောက်ခံရန် ထည့်သွင်းပြောကြားခဲ့ခြင်းဖြစ်သည်။
ဆာဗင့်စ်ကေဘယ်လ်က ဗြိတိန်တွင် နှစ်စဉ် နေအိမ်ခန်းပေါင်း ၃၀၀၀၀၀ ဆောက်လုပ်မည့် စီမံကိန်းသာမက လူမနေသည့်နေအိမ်များကို အရေးယူဆောင်ရွက်မှုများ ပြုလုပ်ခြင်းမျိုးဖြင့်လည်း ပေါင်းစပ်သင့်ကြောင်း ပြောကြားခဲ့သည်။
ပြီးခဲ့သောနှစ်အတွင်း လူနေခန်းပေါင်း ၃၀၀၀၀၀ ဖြန့်ဖြူးပေးနိုင်ခဲ့သည့်နည်းတူ လူမနေသည့် နေအိမ်များကို ၂၀၀ ရာခိုင်နှုန်း အခွန်ကောက်ခံရာမှ ၅၀၀ ရာခိုင်နှုန်းအထိ တိုးမြှင့်ကောက်ခံသင့်ကြောင်း မစ္စတာ ကေဘယ်လ်က အဆိုပြုခဲ့သည်။
လစ်ဘရယ် ဒီမိုကရက်ပါတီက ပြုလုပ်ခဲ့သည့် လေ့လာချက်တစ်ရပ်ကို ထုတ်ပြန်ခဲ့ရာတွင် ဗြိတိန်တွင် နေအိမ်များနှင့် တိုက်ခန်းပေါင်း ၁၁၀၀၀ ခန့်မှာ လူသူကင်းမဲ့နေသည်မှာ ၁၀ နှစ်ကျော်ခဲ့ပြီဖြစ်ကြောင်း၊ တိုင်းပြည်အတွင်း လူနေခန်းများရှားပါးမှု၏ အကြောင်းတစ်စိတ်တစ်ဒေသဖြစ်ကြောင်း ဖော်ပြထားသည်။
ယင်းသို့ လူသူကင်းမဲ့နေသည့် နေအိမ်များ၊ အခန်းများသည် အများအားဖြင့် တန်ဖိုးကြီးဇိမ်ခံလူနေအိမ်များ၊ လူနေခန်းများဖြစ်လေ့ရှိကာ လန်ဒန်မြို့ဝန်းကျင်တွင်ရှိကြောင်း၊ ပိုင်ဆိုင်သူများမှာ နိုင်ငံခြားသားများ (သို့မဟုတ်) ချမ်းသာကြွယ်ဝသည့် ဗြိတိန်လူမျိုးတို့၏ ဒုတိယနေအိမ်များ ဖြစ်လေ့ရှိကြောင်းလည်း ဖော်ပြထားသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
