တရုတ်ပြည်တွင်း ထိပ်သီးကုမ္ပဏီကြီးတစ်ခုဖြစ်သော Anbang (AIG) ကုမ္ပဏီ၏ ဥက္ကဌဖြစ်သူ ဝူရှောက်ဟွေမှာ ပြီးခဲ့သောလအတွင်း လိမ်လည်မှု၊ အလွဲသုံးစားမှုတို့ဖြင့် ထောင်ဒဏ် ၁၈ နှစ်ချမှတ်ခံလိုက်ရပြီးသည်။
ယင်းနောက် တရုတ်အစိုးရက Anbang ကို နိုင်ငံပိုင်အဖြစ် သိမ်းဆည်းလိုက်ရာ အမေရိကန်ပြည်၊ နယူးယောက်မြို့တွင် Anbang က ပိုင်ဆိုင်ထားသော ဝါးဒေါ့ဖ် အက်စ်တိုးရီးယား ဟိုတယ်ကြီးမှာ တရုတ်အစိုးရပိုင် ဖြစ်လာပြီဖြစ်ကြောင်း ရှန်ဟိုင်းအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
Anbang ကို နိုင်ငံပိုင်အဖြစ် သိမ်းဆည်းလိုက်ပြီး အစိုးရပိုင် “တရုတ်အာမခံရန်ပုံငွေအဖွဲ့ - CISF ” ထံ လွှဲပြောင်းပေးလိုက်ကြောင်း တရုတ် ဘဏ်နှင့် အာမခံ လုပ်ထုံးလုပ်နည်း ကော်မရှင် (CBIRC) က ထုတ်ဖော်ကြေညာထားသည်။
Anbang ၏ ပိုင်ဆိုင်မှု အရပ်ရပ်မှာ စုစုပေါင်း ယွမ်ငွေ ၂ ထရီလီယံ (ကန်ဒေါ်လာ ၃၁၀ ဘီလီယံ) ခန့် ရှိသည်ဟု ဆိုသည်။
CBIRC သည် Anbang ၏ လုပ်ငန်းလည်ပတ်မှုကို ပြီးခဲ့သော ဖေဖော်ဝါရီလတွင် စတင်ထိန်းချုပ်လိုက်ခြင်းဖြစ်သည်။
CBIRC သည် Anbang ၏ နေ့စဉ် လုပ်ငန်းလည်ပတ်မှုများကို ၂၀၁၇ ခုနှစ်၊ ဇူလိုင်လကတည်းက စောင့်ကြည့်နေခဲ့ခြင်း ဖြစ်သည်။
တစ်နှစ်တာခန့် စောင့်ကြည့်ခဲ့ပြီးနောက် တွေ့ရှိလာခဲ့သည်မှာ Anbang သည် တရားမဝင်စီးပွားရေးလုပ်ငန်းများ လုပ်ဆောင်နေမှုအတွက် အပြစ်ရှိကြောင်း တွေ့ခဲ့ကြသည်ဟု ဆိုသည်။
CISF သည် Anbang ကို ကိုင်တွယ်ပြီးနောက် မတ်လအတွင်း ယွမ်ငွေ ၆၀ ဒသမ ၈ ဘီလီယံ ထည့်ဝင်ရင်းနှီးမြှုပ်နှံခဲ့ကာ ပုဂ္ဂလိက ရှယ်ယာရှင်တစ်ဦးဦး မတွေ့သေးမီကာလအထိ ထိန်းချုပ်သွားမည် ဖြစ်သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
![[ပရလောက ဖြစ်ရပ်ထူး] ဂါနာနိုင်ငံတွင် ကက်သလစ် သီလရှင်တစ်ပါးက ဆေးရုံတစ်ခု၏ ရင်ခွဲရုံရှိ သေဆုံးသွားသူများအား ဈာပနကိစ္စအတွက်](https://imh-images-prod.s3.ap-southeast-1.amazonaws.com/pictures/news/dr5b5kh/1147841-0877415001748325664-02.png)
