စုပေါင်းပိုင် အဆောက်အအုံနည်းဥပဒေအား အမျိုးသားလွှတ်တော်၌ ဆက်လက်ဆွေးနွေးမည်

ဆောက်လုပ်ရေးလုပ်ငန်းရှင်အများစု စိတ်ဝင်စားလျက်ရှိသည့် ပြည်သူ့လွှတ်တော်က ပြင်ဆင်ချက်ဖြင့်ပေးပို့လာသည့် စုပေါင်းပိုင် အဆောက်အအုံနည်းဥပဒေပါ အချက်အလက် များကို ဇွန် ၇ ရက်တွင် အမျိုးသားလွှတ်တော်၌ ဆက်လက်ဆွေးနွေးမည်ဖြစ်ကြောင်း သိရသည်။

ပြင်ဆင်ချက်ဖြင့်အဆိုပါနည်းဥပဒေနှင့်ပတ်သက်ပြီး လွှတ်တော်ဥက္ကဋ္ဌက စုပေါင်းပိုင် အဆောက်အအုံ နည်းဥပဒေများကိုပြည်သူ့လွှတ်တော်က ပြင်ဆင်ချက်ဖြင့်အတည်ပြုပြီး ပေးပို့လာခြင်းကို အမျိုးသားလွှတ်တော်အား အသိပေးတင်ပြခဲ့သည်။

ထို့ပြင် ပြည်သူ့လွှတ်တော်က ပြင်ဆင် ချက်ဖြင့်ပေးပို့လာသည့် အဆိုပါနည်းဥပဒေများကို ဆွေးနွေးလိုသည့် လွှတ်တော်ကိုယ်စား လှယ်များအနေဖြင့် ဇွန် ၇ ရက် နောက်ဆုံးထားကာ အမျိုးသားလွှတ်တော်ညွှန်ကြားရေးမှူး ချုပ်ထံ တင်ပြအမည်စာရင်းပေးသွင်းရမည်ဟု အတည်ပြုပြောဆိုခဲ့သည်။

+++ ဝယ်ယူခွင့်ရရှိမည် +++

အဆိုပါစုပေါင်းပိုင်အဆောက်အအုံဆိုင်ရာဥပဒေမှာ ၂၀၁၇ ခုနှစ် ဇန်နဝါရီ ၁၆ ရက်တွင် ထွက်ရှိထားပြီး ယခုကွန်ဒိုနည်းဥပဒေထွက်ရှိပါက ကွန်ဒိုတိုက်ခန်းများကို နိုင်ငံသားက ရာခိုင်နှုန်း ၆၀၊ နိုင်ငံခြားသားက ရာခိုင်နှုန်း ၄၀ ဝယ်ယူခွင့်ရရှိမည်ဖြစ်သည်။

+++ ကွန်ဒိုနည်းဥပဒေ +++

ယခုလက်ရှိ ရန်ကုန်မြို့တွင် တည်ဆောက်ပြီးစီးနေသည့် ကွန်ဒိုတိုက်များကို နိုင်ငံခြား သားများမှ ဝယ်ယူနိုင်ရန်အတွက် လိုအပ်နေသည့် ကွန်ဒိုနည်းဥပဒေကို ဆောက်လုပ်ရေး ဝန်ကြီးဌာနကအတည်ပြုကာ ပြည်ထောင်စုအစိုးရရုံးထံသို့တင်ပြထားပြီး ပြည်သူ့လွှတ်တော် ရုံးမှ နည်းဥပဒေပါပြင်ဆင်ချက်ဖြင့်ပေးပို့လာသည့် အဆိုပါဥပဒေကိုအမျိုးသားလွှတ်တော်က ဆက်လက်ဆွေးနွေးအတည်ပြုမည်ဖြစ် ကြောင်း သိရသည်။

Credit: The Myanmar Times