အစိုးရအိမ်ရာများအတွက် အတိုးနှုန်းမပါဝင်သည့်ဈေးနှုန်းဖြင့်အရစ်ကျရောင်းချနိုင်မည့် နည်းလမ်းများရှာဖွေသွားမည်

အစိုးရအိမ်ရာများအား အတိုးနှုန်းမပါဝင်သည့် ဈေးနှုန်းဖြင့် အရစ်ကျရောင်းချနိုင်မည့်နည်းလမ်းများရှားဖွေသွားမည်ဖြစ်ကြောင်း ဆောက်လုပ်ရေးဝန်ကြီးဌာန မြို့ပြနှင့်အိမ်ရာဖွံဖြိုးရေး ဦးစီးဌာနမှ အကြီးတန်းအရာရှိတစ်ဦးကပြောသည်။

" အခုဈေးတွေကအတိုးနှုန်းထည့်တွက်လိုက်ရင်အခန်းတန်ဖိုးရဲ့နှစ်ဆလောက်ဖြစ်သွားတယ်ဒါကိုလျော့ချနိုင်ဖို့အခန်းတန်ဖိုးအတိုင်းအရစ်ကျနှစ်များများပေးနိုင်မဲ့နည်းလမ်းတွေကိုရှာဖွေနေတယ် ''ဟု ၎င်းကပြောသည်။

မြို့ပြနှင့်အိမ်ရာဖွံဖြိုးရေးဦးစီးဌာနမှအိမ်ရာကဏ္ဍများကို ၂၀၃၀ ခုနှစ်ထိ အိမ်ရာ(၁)သန်း ဆောက်လုပ်ရန်ရှိပြီး (၂) နှစ်တာ ကာလအတွင်း စုစုပေါင်း အိမ်ရာ (၁၀၉၂၄)ခန်း ဆောင်ရွက်ခဲ့ပြီး အခန်းပေါင်း(၅၇၄၈)ခန်းမှာ (၁၀၀) ရာခိုင်နှုန်းနှင့် အခန်းပေါင်း (၅၁၇၆)ခန်းကျော်မှာ (၇၀) ရာခိုင်နှုန်းပြီးစီး နေပြီဖြစ်ကြောင်းသိရသည်။

ထို့ပြင် လာမည့် (၃)နှစ်တာကာလအတွင်း အခန်းပေါင်း (၈၀၀၀)ကျော် ဆောက်လုပ်သွားမည်ဖြစ်ပြီး၊ PPP စနစ်ဖြင့် ဌာနမှအခန်းပေါင်း (၄၀၀၀)ကျော်၊ ကုမ္ပဏီများဘက်မှ အခန်းပေါင်း (၆၀၀၀) ကျော် စုစုပေါင်းအခန်းပေါင်း (၁၀၀၀၀) ကျော် ဆောင်ရွက်ရန်ရှိကြောင်းပြောကြားခဲ့သည်။

အငှါးအိမ်ရာ ၊ ဝန်ထမ်းအိမ်ရာများအပြင်တန်ဖိုးနည်းတန်ဖိုးသင့်အိမ်ခန်းများကိုလည်း လာမည့်၂၀၂၀ပြည့်နှစ်ရည်မှန်းချက်ဖြင့် အကောင်ထည်ဖော်ဆောင်ရွက်လျက်ရှိ်သည်။

လက်ရှိတွင် မြို့ပြနှင့်အိမ်ရာဖွံဖြိုးရေး ဦးစီးဌာနမှ ဆောက်လုပ်ရေးနှင့်အိမ်ရာဖွံဖြိုးရေးဘဏ်ချေးငွေများဖြင့် ၁၅နှစ်အရစ်ကျဖြင့် အိမ်ခန်းများကိုအတိုးနှုန်း ၁၀.၅ ရာခိုင်နှုန်းဖြင့်ရောင်းချပေးလျက်ရှိကြောင်း သိရသည်။

မင်းချို မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။
Credit: iMyanmarHouse.com