ရန်ကုန်တွင် ရင်းနှီးမြှုပ်နှံနိုင်မည့် သုံးဧကနှင့်အထက် သုံးဧကနှင့်အောက် မြေနေရာပေါင်း ၂၃၀ ကျော် ရှိဟုဆို

ရန်ကုန်မြို့ထဲတွင် ရင်းနှီးမြှုပ်နှံနိုင် မည့် သုံးဧကနှင့်အထက်မြေနေရာပေါင်း ၂၅ နေရာ နှင့် သုံးဧကနှင့်အောက်မြေ နေရာပေါင်း ၂၁၀ ရှိကြောင်း ရန်ကုန်မြို့ တော်ဖွံ့ဖြိုးတိုးတက်ရေးကော်မတီ တွဲဖက် အထွေထွေအတွင်းရေးမှူး ဦးသန်းက ပြောသည်။

ရန်ကုန်ထဲမှာ ရင်းနှီးမြှုပ်နှံနိုင်မယ့် မြေနဲ့ပတ်သက်ပြီးတော့ ပြည်တွင်းပြည်ပ ရင်းနှီးမြှုပ်နှံနိုင်မယ့် အခွင့်အရေးတွေက အများကြီးရှိပါတယ်။ အဲဒါတွေအားလုံးက ရန်ကုန်မြို့တော်စည်ပင်သာယာရေး ကော်မတီက စီမံခန့်ခွဲနိုင်တဲ့မြေဖြစ်တဲ့ အ တွက်ကြောင့် အဲဒီပေါ်မှာ စက်ရုံအလုပ်ရုံ လုပ်မလား အခြားစက်မှုလက်မှုလုပ်ငန်း တွေ ရင်းနှီးမြှုပ်နှံမလား လုပ်နိုင်ပါတယ်}}ဟု ယင်းကပြောသည်။

မြေ၏ တည်နေရာပေါ်မူတည်ပြီး လစဉ်မြေငှားရမ်းခများကို ရန်ကုန်မြို့တော် ဖွံ့ဖြိုးတိုးတက်ရေးကော်မတီက ဒလ၊ ဆိပ်ကြီးခနောင်တို၊ လှိုင်သာယာ၊ ရွှေ ပြည်သာ၊ မင်္ဂလာဒုံ၊ ဒဂုံအရှေ့၊ ဒဂုံ တောင်၊ ဒဂုံမြောက်၊ ဒဂုံဆိပ်ကမ်းတို့ရှိ မြေတစ်စတုရန်းမီတာလျှင် အမေရိကန် ဒေါ်လာ ၅ ဒေါ်လာမှ ၁၃ ဒေါ်လာ သတ် မှတ်ထားပြီး အလုံ၊ ကြည့်မြင်တိုင်၊ တောင်ဥက္ကလာပ၊ မြောက်ဥက္ကလာပ၊ သင်္ဃန်းကျွန်း၊ သာကေတ၊ ဒေါပုံ၊ အင်း စိန်တို့ရှိ မြေတစ်စတုရန်းမီတာလျှင် အမေရိကန်ဒေါ်လာ ၂၆ ဒသမ ၄၅ ဒေါ်လာ သတ်မှတ်ကာ ပန်းဘဲတန်း၊ ကျောက်တံတား၊ လသာ၊ လမ်းမတော်၊ ဗိုလ်တထောင်၊ ပုဇွန်တောင်၊ ဒဂုံ၊ စမ်းချောင်း၊ ဗဟန်း၊ မင်္ဂလာတောင်ညွန့်၊ တာမွေ၊ ရန်ကင်း၊ ကမာရွတ်၊ လှိုင်၊ မရမ်းကုန်းတို့ရှိ မြေတစ်စတုရန်းမီတာ လျှင် အမေရိကန်ဒေါ်လာ ၃၉ ဒသမ ၆၈ ဒေါ်လာသတ်မှတ်ထားကြောင်း သိရသည်။

မြို့လယ်ကောင်တွင် လုပ်ဆောင် နိုင်သည့်မြေရှားပါးနေပြီး ဆင်ခြေဖုံးမြို့ များတွင် မြေအများဆုံးရှိကြောင်း သိရ သည်။ ယခုသတ်မှတ်ထားသည့် မြေငှား ရမ်းခများသည် ထိုင်း၊ ကမ္ဘောဒီးယား၊ လာအိုတို့မှ သတ်မှတ်ထားသည့်နှုန်း ထားနှင့် ကွာဟမှုမများကြောင်း သိရ သည်။

Credit: Pyi Myanmar