ကမ္ဘာကျော်သူဌေးကြီး ဘီလ်ဂိတ်တွင် သမီးကြီး ဂျနီဖာ ကက်သရင်း ဂိတ် (အသက် ၂၂ နှစ်)၊ သားလတ် ရိုရီ ဂျွန်ဂိတ် (၁၈ နှစ်)နှင့် သမီးငယ် ဖိုဘီ အဒဲလ် ဂိတ် (၁၅ နှစ်) ဟူသည့် ရင်သွေး ၃ ဦးထွန်းကားသည်။
ယခုအခါ သမီးကြီး ဂျနီဖာ ကက်သရင်း ဂိတ်မှာ စတန်းဖို့ဒ်တက္ကသိုလ်မှ ကျောင်းပြီးသွားပြီဖြစ်သည့်အတွက် ကန်ဒေါ်လာ ၁၆ သန်းတန် မြင်းခြံကြီးတစ်ခု လက်ဆောင်အဖြစ် ဝယ်ယူပေးကာ ဂုဏ်ပြုလိုက်သည်ဟု ဆိုသည်။
မြင်းခြံတည်ရှိရာနေရာမှာ အမေရိကန်ပြည်ထောင်စု၊ နယူးယောက်ပြည်နယ်၊ ဝက်ချက်စ်တာခရိုင် အရှေ့မြောက်ဘက်ရှိ နော့သ် ဆာလမ်အမည်ရှိ မြို့ကလေးတွင်တည်ရှိပြီး နယူးယောက်မြို့လယ် မန်ဟက်တန်အရပ်မှ မိုင် ၅၀ ခန့်အကွာတွင် တည်ရှိသည်။
ဂျနီဖာဂိတ်သည် ယခုနှစ်အတွင်းတွင်ပင် စတန်းဖို့ဒ်တက္ကသိုလ်မှ ကျောင်းပြီးခဲ့ပြီး နယူးယောက်သို့ ပြောင်းရွှေ့နေထိုင်ရန် ပြင်ဆင်လျက်ရှိကာ လာမည့်ဆောင်းတွင်းတွင် နယူးယောက်တက္ကသိုလ်၌ ဆက်လက်ပညာဆည်းပူးဖွယ်ရာရှိသည်။
ဘီလ်ဂိတ်က သမီးဖြစ်သူကို ဝယ်ယူပေးခဲ့သည့် မြင်းခြံမှာ ကန်ဒေါ်လာ ၁၅ ဒသမ ၈၂ သန်း ပေးခဲ့ရသည်ဟု ဆိုသည်။
မြင်းစီးကျွမ်းကျင်သော ဂျနီဖာဂိတ်အတွက် ၁၂၄ ဧကကျယ်ဝန်းသည့် မြင်းခြံကြီးအတွင်း လွတ်လပ်စွာဖြင့် ဒုန်းစိုင်းစီးနင်းနိုင်တော့မည် ဖြစ်သည်။
မြင်းခြံအရောင်းအဝယ်ကို Ginnel Real Estate ကုမ္ပဏီမှ ကိုင်တွယ်ခဲ့ခြင်းဖြစ်ပြီး ယခုသတင်းကို The Journal News တွင် ပထမဆုံး ဖော်ပြခဲ့သည်။
မြင်းခြံကြီးကို ယခင်က ပိုင်ဆိုင်ခဲ့သည်မှာ အိမ်ခြံမြေ developer နှင့် ပြိုင်ကားမောင်းသမားတစ်ဦးဖြစ်သူ ဒန်ကန်က ပိုင်ဆိုင်ထားခဲ့ခြင်းဖြစ်သည်။
ဒန်ကန်သည် Dayton-Hudson Corporation ၏ အမွေခံတစ်ဦးလည်း ဖြစ်သည်။
ဂျနီဖာ ကက်သရင်း ဂိတ်အတွက် ဝယ်ယူလိုက်သည့် ခြံကြီးကို https://youtu.be/KNagOBWJ0nY အင်တာနက်လင့်ခ်တွင်လည်း ဗွီဒီယိုဖိုင်အဖြစ် ကြည့်ရှုနိုင်ပါသည်။
ဘီလ်ဂိတ်သည် တက္ကသိုလ်တက်မည့် သားဖြစ်သူအတွက်မူ ခြံဝန်းမပါသည့် ဈေးပေါသော နေအိမ်တစ်လုံးသာ ဝယ်ယူပေးခဲ့ရာ အဆိုပါသတင်းမှာ ပြီးခဲ့သည့် ရက်ပိုင်းအတွင်း အလွန်ဂယက်ရိုက်ခဲ့ဖူးသည်။
အဆိုပါသတင်းကို iMyanmarHouse.com ဝက်ဘ်ဆိုက်ကြီးတွင် ရေးသားတင်ပြခဲ့ပြီးဖြစ်ရာ ပြန်လည်ဖတ်ရှုလိုပါက https://www.imyanmarhouse.com/news/read/729509 အင်တာနက်လင့်ခ်တွင် ဖတ်ရှုနိုင်ပါသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
