ရွှေကို ပြည်ပတင်ပို့ရန် နှင့် ပြည်ပမှ တင်သွင်းရန် ပြည်တွင်းရွှေလုပ်ငန်းရှင်များက စီစဉ်နေကြောင်း ပြည်တွင်းရွှေလုပ်ငန်းရှင်များက ပြောသည်။
လက်ရှိအစိုးရသည် ရွှေတင် သွင်း၊ တင်ပို့ခြင်းကို ဇန်နဝါရီ ၂၂ ရက်တွင် စတင်ခွင့်ပြုခဲ့ပြီးနောက် အိမ်နီချင်း နိုင်ငံများသို့ စမ်းသပ် တင်ပို့ခြင်း၊ တင်သွင်းခြင်းပြုလုပ် ရန် စီစဉ်နေကြောင်း ရွှေလုပ်ငန်း ရှင်းများက ပြောသည်။
‘‘အစမ်းပို့ကြည့်မယ်၊ သွင်း ကြည့်မယ်။ ဒီမှာ အခက်အခဲတွေ ရှိရင် အစိုးရကို တင်ပြပြီး လိုအပ် တာတွေ ပြင်ဆင်ခိုင်းမယ်’’ ဟု မြန်မာနိုင်ငံ ရွှေလုပ်ငန်းရှင်များ အသင်းအတွင်းရေးမှူး ဦးအုန်း မြိုင်က ပြောသည်။
စမ်းသပ်လုပ်ဆောင်ရာတွင် ဟောင်ကောင်နှင့် စင်ကာပူနိုင်ငံ များကို ပထမဦးစားပေးဆောင် ရွက်နေသည်ဟု ၎င်းကပြောသည်။
ရွှေတင်ပို့ခြင်း၊ တင်သွင်း ခြင်းကို ပြည်ပနိုင်ငံများတွင် လေ့ လာနေဆဲဖြစ်ပြီး မြန်မာနိုင်ငံ ရွှေ လုပ်ငန်းရှင်များအသင်း၊ ရန်ကုန် နှင့် မန္တလေးရှိ အသင်းများနှင့် လည်း ညှိနှိုင်းနေဆဲဖြစ်သည်ဟု အောင်သမာဓိရွှေဆိုင်ပိုင်ရှင် ဦး အောင်ဆန်းဝင်းက ပြောသည်။
ရွှေတင်ပို့၊ တင်သွင်းရန် အစိုးရ၏ ရွှေဈေးကွက်စောင့် ကြည့်အကဲဖြတ် ထိန်းညှိရေးကော်မတီ ဖွဲ့စည်းထားပြီးဖြစ်ကြောင်း ၎င်းကဆက်လက်ပြော သည်။
အဆိုပါကော်မတီသည် ရွှေတင်သွင်းခြင်း၊ တင်ပို့ခြင်းဆိုင်ရာ ရွှေဈေးကွက်ကို ထိန်းညှိပေးရန်၊ ဝယ်လိုအား၊ ရောင်းလိုအား ချိန်ညှိရန်နှင့် တင်ပို့ခြင်း၊ တင်သွင်း ပမာဏ၊ စံချိန်၊ ဈေးနှုန်းနှင့် တန်ဖိုး သတ်မှတ်ရန် ဖြစ်သည်။
ရွှေတင်ပို့၊ တင်သွင်းရန် နည်းဥပဒေများ၊ ပြင်ဆင်ရန် ကျန်ရှိနေပြီး လက်ရှိအချိန်အထိ တရားဝင်လုပ်ဆောင်နိုင်ခြင်း မရှိသေး ကြောင်း ရန်ကုန်တိုင်းရွှေလုပ်ငန်း ရှင်များအသင်း အတွင်းရေးမှူး ဦးဝင်းမြင့်က ပြောသည်။
နိုင်ငံတော်သယံဇာတထွက် ကုန်ရွှေသတ္တုကို တရားဝင် တင် ပို့ခွင့်၊ တရားဝင်အခွန်အခရရှိစေ ရန်နှင့် ရွှေဈေးကွက် တရားဝင် ဖြစ်စေရန် မြန်မာနိုင်ငံသားလုပ် ငန်းရှင်များအား တင်ပို့ခြင်း၊ တင် သွင်းခြင်းကို ဇန်နဝါရီ ၂၂ ရက်၌ အစိုးရက စတင်ခွင့်ပြုခဲ့သည်။
ရွှေတင်ပို့ခြင်း၊ တင်သွင်း ခြင်းတွင် စံချိန်မီရွှေတုံး၊ ရွှေခဲ၊ရွှေ ဒင်္ဂါးများနှင့် လက်ဝတ်ရတနာ၊ ၁၅ ပဲ၊ ၁၆ ပဲရည် ရွှေတုံးများလည်း ပါဝင်သည်။
Credit: 7Daydaily
