ပြည်လမ်း နိုဗိုတယ်ဟိုတယ်တွင် အောင်မြင်စွာကျင်းပခဲ့သည့် iGREEN MEGA EXPO အိမ်ရာအထူးအရောင်းပြပွဲကြီး

မြန်မာနိုင်ငံ၏ နံပါတ်တစ်အိမ်ခြံမြေရောင်းဝယ်ငှား ဝဘ်ဆိုက်ဖြစ်သော iMyanmarHouse.com (အိုင်မြန်မာဟောက်စ်ဒေါ့ကွန်း) မှ ကြီးမှူး၍ AYA Bank နှင့် ချိတ်ဆက်၍ (၁၅)နှစ်အရစ်ကျဖြင့် ဝယ်ယူနိုင်သည့် iGREEN MEGA EXPO အိမ်ရာအထူးအရောင်းပြပွဲကြီးကို ၂ဝ၁၈ ခုနှစ် ၊ ဧပြီလ ၂၈ ရက် နှင့် ၂၉ ရက် (စနေ ၊ တနင်္ဂနွေ) ၂ ရက်များတွင် ရန်ကုန်မြို့ရှိ နိုဗိုတယ်ဟိုတယ်တွင် အောင်မြင်စွာ ကျင်းပပြုလုပ်နိုင်ခဲ့သည်။

အဆိုပါအရောင်းပြပွဲအတွင်း ကျပ်သိန်း (၈ဝဝ) ကျော် မှ စသောဆောက်လုပ်ပြီး နှင့် ဆောက်လုပ်စ ကွန်ဒိုအခန်းများကို ၅% မှ ၂ဝ% အထိအထူးသက်သာခွင့်များ ၊ AYA Home Loan ဖြင့် (၁) နှစ် မှ (၁၅) နှစ် အထိအရစ်ကျပေးချေနိင်သော စနစ်များဖြင့် မြိုင်မြိုင်ဆိုင်ဆိုင် ရောင်းချပေးခဲ့ကြောင်း သိရသည်။

iGREEN MEGA EXPO အိမ်ရာအထူးအရောင်းပြပွဲကြီးတွင် လှိုင် ၊ စမ်းချောင်း ၊ ကမာရွတ် ၊ အင်းစိန် ၊ ရန်ကင်း ၊ သင်္ဃန်းကျွန်း ၊ တာမွေ ၊ ကြည့်မြင်တိုင် ၊ မရမ်းကုန်း ၊ ပုသိမ် စသည့် မြို့နယ် (၁ဝ) မြို့နယ်ရှိ စီမံကိန်း (၁၆) ခုမှ အိမ်ရာများကို ရောင်းချပေးခဲ့ခြင်း ဖြစ်သည်။

iMyanmarHouse.com (အိုင်မြန်မာဟောက်စ်ဒေါ့ကွန်း) ၏ Managing Director ဖြစ်သူ ဦးနေမင်းသူ မှ “ ကျွန်တော်တို့ iMyanmarHouse.com နဲ့ iGREEN တို့ပူးပေါင်းပြီး ၂ဝ၁၅ မှစတင်ပြီး MEGA EXPO ဆိုပြီး နှစ်စဉ်ကျင်းပလေ့ ရှိပါတယ်။ ဒီနှစ်မှာတော့ AYA ဘဏ်ကပါ supporting ပေးပြီး AYA Home Loan အိမ်ရာချေးငွေဖြင့် ရောင်းချပေးတာ ဖြစ်ပါတယ်။ ဒီလို MEGA EXPO တွေမှာ iGREEN ကတည်ဆောက်တဲ့ စီမံကိန်းအားလုံးကိုထည့်သွင်းရောင်းချပေးတာ ဖြစ်လို့ ရွေးချယ်စရာတွေလည်းများတယ်။ အထူးသက်သာတဲ့ ဈေးနှုန်းတွေနဲ့ ရောင်းချဖြစ်ခဲ့ပါတယ် ” ဟု အရောင်းပြပွဲနှင့် ပတ်သက်၍ ပြောကြားသွားခဲ့သည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)