ရန်ကုန်တိုင်းဒေသကြီး အစိုးရအဖွဲ့က ခရီးသည်တင်ယာဉ်လိုင်းတွင် အသုံးပြုမည့် ငွေပေးချေကတ်စနစ် လုပ်ကိုင်ခွင့်ရရှိသည့် ကုမ္ပဏီနှင့် ယခုလကုန်တွင် နားလည်မှုစာချွန်လွှာ (MoU) ရေးထိုးမည်ဖြစ်ကြောင်း ယင်းအစိုးရအဖွဲ့ထံမှ သိရသည်။
လက်ရှိတွင် နောက်ဆုံးအဆင့် တင်ဒါအောင်မြင်ထားသည့် Anypayment Service ကုမ္ပဏီနှင့် Asia Starmar Transport Intelligent ကုမ္ပဏီနှစ်ခုထဲမှ တစ်ခုကို ရွေးချယ်သွားမည်ဖြစ်ကြောင်း ရန်ကုန်တိုင်းဒေသကြီး အစိုးရအဖွဲ့ ကရင်တိုင်းရင်းသားရေးရာဝန်ကြီး ဒေါ်နော်ပန်းသဉ္ဇာမျိုးက ပြောကြားသည်။
“ပဏာမတင်ဒါအောင်ထားတဲ့ ကုမ္ပဏီကို တင်ဒါပယ်ဖျက်လိုက်တဲ့ ကိစ္စကတော့ တင်ဒါတင်သွင်းတုန်းက ကုမ္ပဏီခြောက်ခုနဲ့ ပူးပေါင်းဆောင်ရွက်မယ်။ ၁၀၀ ရာခိုင်နှုန်း နိုင်ငံခြားရင်းနှီးမြှုပ်နှံမှုပေါ့လေ။ လက်မှတ်ထိုးတဲ့အခါကျတော့ နာမည်ကျော် Acer ကုမ္ပဏီက အဲဒီအဖွဲ့ထဲကနေ နုတ်ထွက်သွားတယ်။ ဒါကြောင့် တင်ဒါစည်းမျဉ်းစည်းကမ်းနဲ့မညီလို့ စိစစ်ရေးအဖွဲ့က ပယ်ဖျက်လိုက်တာပါ”ဟု ၎င်းက ရှင်းပြသည်။
Yangon Payment Services (YPS) ငွေပေးချေကတ်စနစ်အတွက် ၂၀၁၇ ခုနှစ် ဒီဇင်ဘာလ ၂၉ ရက်က ဆန်ခါတင်ရွေးချယ်ခံရသော ကုမ္ပဏီသုံးခုကို ထုတ်ပြန်ခဲ့ပြီး ၂၀၁၈ ခုနှစ် ဇန်နဝါရီလ ၁၀ ရက်က Excel KC Myanmar ကုမ္ပဏီကို ရန်ကုန်တိုင်းဒေသကြီး အစိုးရအဖွဲ့၊ YPS တင်ဒါစိစစ်ကြီးကြပ်ရေးအဖွဲ့က ပဏာမတင်ဒါအောင်မြင်သည့် ကုမ္ပဏီအဖြစ် ရွေးချယ်ခဲ့ခြင်းဖြစ်သည်။
တင်ဒါပဏာမ အောင်မြင်ထားသော Excel KC Myanmar ကုမ္ပဏီနှင့် စာချုပ်စာတမ်း ညှိနှိုင်းမှုဆောင်ရွက်ရာတွင် တင်ဒါတင်သွင်းစဉ်က အဆိုပြုခဲ့သောအခြေအနေ၊ လုပ်ငန်းစဉ်များနှင့် ကိုက်ညီမှုမရှိသည်ကို တွေ့ရှိရသဖြင့် တင်ဒါပဏာမ ရွေးချယ်အောင်မြင်ထားမှုကို ဧပြီလ ၂၀ ရက်နေ့က ပယ်ဖျက်လိုက်ကြောင်း YPS တင်ဒါစိစစ်ကြီးကြပ်ရေးအဖွဲ့ သတင်းထုတ်ပြန်ချက်အရ သိရသည်။
YPS ငွေပေးချေကတ်စနစ်အတွက် တင်ဒါရွေးချယ်ပြီးချိန်မှစတင်၍ သုံးလအတွင်း အကောင်အထည်ဖော် ဆောင်ရွက်မည်ဖြစ်ကြောင်း ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်းက ပြောကြားထားသည်။
Credit: The Voice
![[သတို့သား ရောင်းရန်ရှိသည်] အိန္ဒိယနိုင်ငံ ဘီဟာပြည်နယ်က သတို့သား ဝယ်လို့ရတဲ့ ထူးထူးဆန်းဆန်း ဈေးတစ်ခုအကြောင်း](https://imh-images-prod.s3.ap-southeast-1.amazonaws.com/pictures/news/dr5b5kh/1147810-0856211001748324693-02.png)
