ရန်ကုန်မြို့သစ် စီမံကိန်းအပါအဝင် ရင်းနှီးမြှုပ်နှံမှု အခွင့်အလမ်းများစွာကို ဖိတ်ခေါ်ဆွဲဆောင်မည့်ဖိုရမ် ကျင်းပမည်

ရန်ကုန်တိုင်းဒေသကြီး အစိုးရအဖွဲ့က အကောင်အထည်ဖော်ဆောင်ရွက်မည့် ရန်ကုန်မြို့သစ် စီမံကိန်းအပါအဝင် ရန်ကုန်မြို့၏ ရင်းနှီးမြှုပ်နှံမှုအခွင့်အလမ်းများစွာကို ဖိတ်ခေါ်ဆွဲဆောင်မည့် ရန်ကုန်ရင်းနှီးမြှုပ်နှံမှုဖိုရမ်Yangon Investment Forum 2018 ကို ကျင်းပသွားမည်ဖြစ်ကြောင်း ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းက ပြောသည်။

ရန်ကုန်ဒေသကို မြန်မာနိုင်ငံ၏ ရင်းနှီးမြှုပ်နှံမှုနယ်မြေကြီးတစ်ခုအဖြစ် အကောင် အထည်ဖော်သွားမည်ဖြစ်ပြီး ရန်ကုန်မြို့သစ် စီမံကိန်းအပါအဝင် ရင်းနှီးမြှုပ်နှံနိုင်မည့် အခွင့် အလမ်းများစွာ ပါဝင်မည့်ဖိုရမ်ကို လာမည့် မေ ၉ ရက်တွင် ရန်ကုန်မြို့ နိုဗိုတယ်ဟိုတယ်၌ ကျင်းပသွားမည်ဖြစ်ကြောင်း အဆိုပါ ရင်းနှီးမြှုပ်နှံမှုပွဲတော်နှင့်ပတ်သက်၍ ဧပြီ ၂ဝ ရက်က ရန်ကုန်မြို့ ကုန်သည်များနှင့် စက်မှုလက်မှု လုပ်ငန်းရှင်များအသင်းချုပ်ရုံး၌ ပြုလုပ်ခဲ့သည့် သတင်းစာ ရှင်းလင်းပွဲတွင် ဝန်ကြီးချုပ်က ပြောကြားခဲ့ခြင်းဖြစ်သည်။

''ရန်ကုန်မြို့သစ် စီမံကိန်းပေါ်လာရင် အခွင့်အလမ်းများစွာရှိလာမှာ ဖြစ်ပါတယ်၊ မြို့သစ်စီမံကိန်းဟာ နိုင်ငံခြားရင်းနှီးမြှုပ်နှံမှု အလားအလာ အများကြီးရှိပါတယ်၊ နိုင်ငံခြားရင်းနှီးမြှုပ်နှံမှုတွေ ငွေအလုံးအရင်းနဲ့ မြှုပ်နှံမယ် ဆိုရင် အခွင့်အလမ်းများစွာရှိမှာဖြစ်ပါတယ်၊ ကျွန်တော်တို့ တိုင်းဒေသကြီး ဖွံ့ဖြိုးတိုးတက်ရေးအတွက် ပုဂ္ဂလိကကဏ္ဍဖွံ့ဖြိုးတိုးတက်ရေး၊ နိုင်ငံခြား ရင်းနှီး မြှုပ်နှံမှု ဖိတ်ခေါ်ရေး အဓိကကျပါတယ်၊ ရန်ကုန်ကို မြန်မာနိုင်ငံရဲ့ ရင်းနှီးမြှုပ်နှံ မှု နယ်မြေကြီးတစ်ခုအဖြစ် အကောင်အထည်ဖော်သွားဖို့ရှိပါတယ်၊ ရန်ကုန်မြို့ မှာ ရင်းနှီးမြှုပ်နှံလိုသူတွေကို ရှင်းပြနိုင်ဖို့ ခက်ခဲမှုအနည်းဆုံးနဲ့ လွယ်ကူချောမွေ့ စေဖို့ ဖိတ်ခေါ်ဆောင်ရွက်ဖို့အတွက် ဒီဖိုရမ်ကိုကျင်းပရခြင်းပဲ ဖြစ်ပါတယ်၊ ဒီဖိုရမ်ကနေ အခွင့်အလမ်းကောင်းများစွာ ရလာမယ်လို့ မျှော်လင့်ပါတယ်''ဟု ဝန်ကြီးချုပ်က အဖွင့်အမှာစကားပြောကြားရာတွင် ထည့်သွင်းပြောကြား သည်။

အဆိုပါဖိုရမ်ကို ယခုနှစ်တွင် ပထမဆုံးအကြိမ် ကျင်းပခြင်းဖြစ်ပြီး နှစ်စဉ်ကျင်းပသွားမည်ဖြစ်ကြောင်း သိရသည်။ အဆိုပါဖိုရမ်သို့ ပြည်တွင်း ပြည်ပ လုပ်ငန်းရှင် ၅ဝဝ ခန့် တက်ရောက်ရန် လျာထားပြင်ဆင်ထားကြောင်း သိရသည်။

ယင်းဖိုရမ်ကို ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီက ဦးဆောင်ကျင်းပသွားမည်ဖြစ်ပြီး မြန်မာနိုင်ငံအတွက် အရေးကြီးဆုံး စီးပွားရေး မြို့တော်ကြီးအဖြစ် အကောင်အထည်ဖော်ရန်၊ နိုင်ငံခြားရင်းနှီးမြှုပ်နှံမှုများ ဖိတ်ခေါ်ကာ အခွင့်အလမ်းကောင်းများစွာရှိနေခြင်းကို ထုတ်ဖော်ပြသရန် အတွက် ရန်ကုန်ရင်းနှီးမြှုပ်နှံမှုဖိုရမ် (Yangon Investment Forum 2018) ကို ကျင်းပခြင်းဖြစ်ကြောင်း အဆိုပါသတင်းစာရှင်းလင်းပွဲမှ သိရသည်။


Credit: The Mirror