ကမ္ဘောဒီးယားအိမ်ခြံမြေလုပ်ငန်းအဖွဲ့အစည်းသည် အိမ်ခြံမြေအကျိုးဆောင်များနှင့် ရာပြတ်များအတွက် နိုင်ငံ့ပထမဆုံးသော အမျိုးသားအဆင့် အိမ်ခြံမြေ
သက်မွေးဝမ်းကျောင်းသင်တန်းကျောင်းကို တည်ထောင်ရန် ပြင်ဆင်နေပြီ ဖြစ်ကြောင်း သိရသည်။
ကမ္ဘောဒီးယားရာပြတ်များနှင့် အိမ်ခြံမြေအကျိုးဆောင်များ အသင်း (CVEA) သည် လူ့စွမ်းအားအရင်းအမြစ်များနှင့် ကမ္ဘောဒီးယားဆောက်လုပ်ရေးနှင့်
အိမ်ခြံမြေလုပ်ငန်းကဏ္ဍ အားကောင်း၍ စဉ်ဆက်မပြတ်ဖွံ့ဖြိုးစေရေး ပံ့ပိုးရန် ရည်ရွယ်၍ သင်တန်းကျောင်းတစ်ခုကို ယခုနှစ်မကုန်မီ ဖွင့်လှစ်မည်ဖြစ်ကြောင်း CVEA ဥက္ကဋ္ဌ ကင်ဟန်းက ပြောကြားခဲ့သည်။
သင်ရိုးညွှန်းတမ်းများအား စင်္ကာပူ၊ ထိုင်းနှင့် မလေးရှားတို့ရှိ အလားတူကျောင်းများမှ သင်ရိုးညွှန်းတမ်းများနှင့်အညီ ပြဋ္ဌာန်းမည်ဖြစ်ပြီး ကျောင်း၏ ဆရာဆရာမ
အင်အားတွင် ထက်ဝက်ကို ပြည်ပမှ ငှားရမ်းဖြစ်ကာ ကျန်ထက်ဝက်ကို ပြည်တွင်းပြည်ပအသိအမှတ်ပြုလက်မှတ်ရ နိုင်ငံသားဆရာဆရာများဖြင့် အင်အားဖွဲ့စည်းမည်ဖြစ်ကြောင်း သိရသည်။
အိမ်ခြံမြေအကျိုးဆောင်များအတွက် သင်တန်းများသည် နာရီပေါင်း ၁၅၀ ကြာမြင့်မည်ဖြစ်ကာ ရာပြတ်များအတွက် သင်တန်းများသည် နာရီပေါင်း ၁၈၀
ကြာမြင့်မည်ဖြစ်သည်။
CVEA သည် သင်တန်းကျောင်းတည်ထောင်ရန်အတွက် ငွေကြေးပံ့ပိုးမှုရရှိရန် ကုမ္ပဏီပေါင်း ၂၀ ထက်မနည်းနှင့် ချိတ်ဆက်ထားပြီးဖြစ်သော်လည်း ထပ်မံ
လိုအပ်နေသေးသည်။ "ကျွန်တော်တို့ ဒီကျောင်းကို မလေးရှားနည်းပညာတက္ကသိုလ်၊ ကမ္ဘောဒီးယားစီးပွားရေးနှင့် ဘဏ္ဍာရေးဝန်ကြီးဌာန၊ ကမ္ဘောဒီးယားပညာရေး၊ လူငယ်နှင့် အားကစားဝန်ကြီးဌာနတို့နဲ့ ပူးပေါင်းဖွင့်လှစ်ဖို့ အမေရိကန်ဒေါ်လာ ၂ သိန်းလောက် လိုအပ်ပါတယ်" ဟု ဟန်းက ပြောကြားခဲ့သည်။
ယင်းအစီအစဉ်သည် ကမ္ဘောဒီးယားအိမ်ခြံမြေလုပ်ငန်းကို ကျွမ်းကျင်ပညာရှင်အဝန်းအဝိုင်းဖြစ်စေရန် လုပ်ဆောင်နေဆဲ ကြိုးပမ်းအားထုတ်မှုများအနက်
တစ်စိတ်တစ်ပိုင်းဖြစ်သည်။
ကမ္ဘောဒီးယားတွင် မှတ်ပုံတင်ထားသော အိမ်ခြံမြေအကျိုးဆောင် ၁၅၀ ဦးဝန်းကျင် ရှိသော်လည်း မှတ်ပုံမတင်ဘဲ
လုပ်ငန်းဆောင်ရွက်နေသူက ပိုမိုများပြားကြောင်း Century 21 Fortuna Investment အိမ်ခြံမြေအကျိုးဆောင်ကုမ္ပဏီတာဝန်ရှိသူတစ်ဦးက ပြောကြားခဲ့သည်။
"အဆင့်မြင့်သင်တန်းကျောင်းတစ်ခုတည်ထောင်ခြင်းကြောင့် ကမ္ဘောဒီးယားလူ့စွမ်းအားအရင်းအမြစ်ဖွံ့ဖြိုးတိုးတက်လာကာ အိမ်ခြံမြေလုပ်ငန်းကဏ္ဍလည်း ဖွံ့ဖြိုးတိုးတက်လာမှာဖြစ်ပါတယ်" ဟု ကမ္ဘောဒီးယားစီးပွားရေးနှင့် ဘဏ္ဍာရေးဝန်ကြီဌာနလက်အောက်ရှိ အိမ်ခြံမြေနှင့်အပေါင်ဆိုင်များဌာန ဒုတိယညွှန်ကြားရေးမှူး ချန်နီမိုးလ်က ၎င်းသင်တန်းကျောင်းတည်ထောင်မည့်သတင်းနှင့်ပတ်သက်၍ မှတ်ချက်ပြုပြောကြားခဲ့ကြောင်း သိရသည်။
ခင်အေးချမ်း မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com
