အကြွေးဆပ်ရန် ကမ္ဘာတစ်ဝန်းရှိ အိမ်ခြံမြေများစွာ ရောင်းထုတ်လျက်ရှိသော တရုတ်အခြေစိုက် HNA Group က တရုတ်ပြည်မကြီးရှိ ကန်ဒေါ်လာ ၁ ဒသမ ၁ ဘီလီယံတန်ကြေးရှိ အိမ်ခြံမြေ ၈ ခုကို ကွမ်ကျိုးအခြေစိုက်ကုမ္ပဏီသို့ ရောင်းချ

အကြွေးဆပ်ရန် ကမ္ဘာတစ်ဝန်းရှိ အိမ်ခြံမြေများစွာ ရောင်းထုတ်လျက်ရှိသော တရုတ်အခြေစိုက် HNA Group သည် ယခု ၂၀၁၈ အစပိုင်းကတည်းက ပြည်ပရှိ အိမ်ခြံမြေနှင့် ဟိုတယ်ပေါင်း ဒေါ်လာ ၅ ဒသမ ၅ ဘီလီယံဖိုးကို ရောင်းထုတ်လျက်ရှိရာ ယခုအခါတွင်လည်း တရုတ်ပြည်မကြီးရှိ ကန်ဒေါ်လာ ၁ ဒသမ ၁ ဘီလီယံတန်ကြေးရှိ အိမ်ခြံမြေ ၈ ခုကို ကွမ်ကျိုးအခြေစိုက်ကုမ္ပဏီသို့ ရောင်းချလိုက်ပြန်ကြောင်း ရှန်ဟိုင်းအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။

HNA Group နှင့် စပ်လျဉ်းသည့် သတင်းများကို ယခင်ကလည်း iMyanmarHouse.com ဝက်ဘ်ဆိုက်ကြီးတွင် ရေးသားဖော်ပြခဲ့ဖူးရာ ပြန်လည်ဖတ်ရှုလိုပါက (၁) https://www.imyanmarhouse.com/news/read/709661 (၂) https://www.imyanmarhouse.com/news/read/700554 (၃) https://www.imyanmarhouse.com/news/read/693994 (၄) https://www.imyanmarhouse.com/news/read/528976 အင်တာနက်လင့်ခ်များတွင် ဖတ်ရှုနိုင်ပါသည်။

ကမ္ဘာတစ်ဝန်းရှိ အိမ်ခြံမြေများ ရောင်းချခဲ့ပြီးဖြစ်သော်လည်း ကြွေးမြီများ ပြန်လည်ပေးဆပ်ရန် ကျန်ရှိသေးသောကြောင့် ရှန်ဟိုင်း၊ ပေကျင်းနှင့် အခြားမြို့ကြီးများတွင်ရှိသော အိမ်ခြံမြေများကို ဆက်လက်ရောင်းချခဲ့ရခြင်းလည်း ဖြစ်သည်။

ယခုလအတွင်းတွင် HNA Group သည် ကြွေးမြီ ကန်ဒေါ်လာ ၁၀၀ ဘီလီယံခန့် ပေးဆပ်ရန်ရှိသောကြောင့် ၎င်းပိုင်အိမ်ခြံမြေများကို Guangzhou R&F နှင့် Sunac China တို့ထံ ရောင်းချခဲ့ခြင်း ဖြစ်သည်။

HNA Group သည် စုစုပေါင်းအားဖြင့် ကန်ဒေါ်လာ ၂ ဒသမ ၂ ဘီလီယံ တန်ကြေးရှိ ပြည်မကြီး ကူးသန်းရောင်းဝယ်ရေး၊ စက်မှုနှင့် လူနေအိမ်ခြံမြေများကို ရောင်းထုတ်လျက်ရှိနေသည်။

Guangzhou R&F နှင့် Sunac China တို့ထံ ရောင်းချခဲ့သည်များအပြင် ပေကျင်းနှင့် ရှန်ဟိုင်းတို့ရှိ ယွမ်ငွေ ၁၄ ဘီလီယံ (ကန်ဒေါ်လာ ၂ ဒသမ ၂ ဘီလီယံ) တန်ကြေးရှိ ရုံးနှင့် ဟိုတယ်အဆောက်အအုံ ၉ ခုကိုလည်း ရောင်းချလျက်ရှိသည်ဟု ဆိုသည်။

HNA Group က အရောင်းဈေးကွက်တင်ထားဆဲ အဆောက်အအုံများမှာ ရှန်ဟိုင်းမြို့၊ လျူကျားစွေအရပ်၊ ပူမင်လမ်းရှိ အထပ် ၆၀ မြင့် Shanghai HNA Tower ၊ ရှန်ဟိုင်းရှိ အခန်းပေါင်း ၃၇၀ ပါဝင်သော Shanghai Pudong ဟိုတယ်၊ ရှန်ဟိုင်း ယန်စီ နိုင်ငံတကာ အင်တာပရိုက်စ် ပလာဇာ၊ စတုရန်းမီတာပေါင်း ၁၁၂၀၀၀ ကျယ်ဝန်းသည့် business park စီမံကိန်းတို့ ပါဝင်လေသည်။

ကူးသန်းရောင်းဝယ်ရေးဆိုင်ရာ အိမ်ခြံမြေအချက်အလက်များ ထုတ်ပြန်သည့် Real Capital Analytics မှ အချက်အလက်များအရ HNA Group သည် လက်ရှိအားဖြင့် တရုတ်ပြည်မကြီးတွင် ကန်ဒေါ်လာ ၅ ဒသမ ၅ ဘီလီယံတန်ကြေးရှိ အိမ်ခြံမြေအဆောက်အအုံ ၂၈ ခု ပိုင်ဆိုင်ထားသည်။

ပေကျင်းရှိ အဆောက်အအုံ ၁၁ ခုမှာ ကန်ဒေါ်လာ ၂ ဒသမ ၈ ဘီလီယံတန်ကြေးရှိပြီး ကွမ်ကျိုး၊ ချုံကင်း၊ ထျန်ကျင်းနှင့် ချင်ဒေါင်းတို့တွင်လည်း အိမ်ခြံမြေများစွာ ပိုင်ဆိုင်ထားသေးသည်။

ဟောင်ကောင်တွင် ရုံးခန်းနေရာများ ဈေးနှုန်းခေါင်ခိုက်လျက်ရှိချိန်တွင် HNA Group သည် ဟောင်ကောင်ရှိ Admiralty’s Lippo Centre ကို ဈေးကွက်ပေါက်ဈေးအောက် ၂၀ ရာခိုင်နှုန်းလျှော့ချကာ ရောင်းချသွားခဲ့သည်။

ယင်းအဆောက်အအုံကို ဟောင်ကောင်ဒေါ်လာ သန်း ၄၀ (ကန်ဒေါ်လာ ၅ ဒသမ ၁ သန်း) [တစ်စတုရန်းပေလျှင် ဟောင်ကောင်ဒေါ်လာ ၂၈၀၀၀-ကန်ဒေါ်လာ ၃၅၆၉] ဖြင့် ရောင်းချခဲ့ခြင်းဖြစ်သည်။

Admiralty’s Lippo Centre ကို ဝယ်ယူခဲ့သည့် ဝယ်လက်မှာ ဟောင်ကောင် လုပ်ငန်းရှင် ဂျက်ဖရီ လျူဝေလွန်းဖြစ်ပြီး ဟောင်ကောင်၏ နာမည်ကျော် လျူမိသားစုဝင်တစ်ဦး ဖြစ်သည်။
HNA Group Co., Ltd သည် တရုတ်ပြည် ဟိုင်နန်ကျွန်း၊ Haikou တွင် အခြေစိုက်သည့် လုပ်ငန်းစုံကုမ္ပဏီကြီးဖြစ်သည်။

၂၀၀၀ ပြည့်နှစ်တွင် တည်ထောင်ခဲ့ပြီး လေကြောင်း၊ အိမ်ခြံမြေ၊ ဘဏ္ဍာရေး၊ ကမ္ဘာလှည့်ခရီးသွားအပြင် အခြားလုပ်ငန်းနယ်ပယ် များစွာတွင် လုပ်ငန်းများ လုပ်ကိုင်လျက်ရှိသည့်ကုမ္ပဏီကြီးဖြစ်သည်။

ပြီးခဲ့သော ၂၀၁၇ ခုနှစ်အတွင်း Fortune Global 500 စာရင်းတွင် ဖော်ပြခြင်းခံခဲ့ရသည့် ကမ္ဘာ့အဆင့်ဝင်ကုမ္ပဏီကြီးတစ်ခုဖြစ်ပြီး ကမ္ဘာပေါ်တွင် ရင်းနှီးမြှုပ်နှံမှုအလွန်များပြားသည့် ကုမ္ပဏီများ၌ တစ်ခုအပါအဝင် ဖြစ်လေသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)