ရန်ကုန်မြို့သစ်စီမံကိန်း ပြန်လည်စတင်လျှင် ပါဝင်ခွင့်ပြုရန် ဦးမောင်ဝိတ် တောင်းဆို

ရန်ကုန်မြို့သစ်စီမံကိန်း ပြန်လည် စတင်မည်ဆိုပါက ပါဝင်ခွင့်ပေးရန် ရန်ကုန်တိုင်း ဝန်ကြီးချုပ် ဦးဖြိုးမင်းသိန်းထံ တောင်းဆိုထားကြောင်း SAE PAING ဖွံ့ဖြိုးရေးလီမိတက်ဥက္ကဋ္ဌ ဦးမောင်ဝိတ်က ပြောသည်။

ဆောက်လုပ်ရေး လုပ်ငန်း များ လုပ်ကိုင်နေပြီး ၂၀၁၅ တွင် ရန်ကုန်မြို့သစ်စီမံကိန်း အ ကောင်အထည်ဖော်ရာ၌ ပါဝင် ခွင့်ရရှိသဖြင့် စီမံကိန်းအတွက် ဒီဇိုင်းရေးဆွဲခ၊ အာမခံကြေး အတွက် အတိုးနှုန်း ကုန်ကျစရိတ် များရှိ၍ စီမံကိန်း ပြန်စချိန်တွင် ပါဝင်ခွင့်ရလိုသည်ဟု ဦးမောင် ဝိတ်က ဆိုသည်။

‘‘စရင် တင်ဒါခေါ်မယ်ထင် တယ်။ တင်ဒါခေါ်ရင် ကျွန်တော် တို့သွားပြိုင်မှာပေါ့။ ဝင်ပြိုင်တဲ့ အခါကျရင် ကျွန်တော်တို့ ဒီဟာ တွေလုပ်ခဲ့တာကို ပင်ပင်ပန်းပန်း လုပ်ခဲ့တာကို နည်းနည်းလေး ထည့်စဉ်းစားပေးပါ ’’ဟု ဦးမောင် ဝိတ်က ဆိုသည်။

ရန်ကုန်အနောက်ပိုင်းကြည့်မြင်တိုင် တစ်ဖက်ကမ်းရှိ ရန်ကုန်မြို့သစ် စီမံကိန်းကို ယခုနှစ်၌ စတင် အကောင်အထည်ဖော်မည်ဟု မတ်လ ၂၀ ရက်က ကျင်းပသည့် (၄)ကြိမ်မြောက် Myanmar Infrastructure Summit ဖွင့်ပွဲအခမ်းအနားတွင် ရန်ကုန်တိုင်းဝန်ကြီးချုပ် ဦးဖြိုး မင်းသိန်းက ပြောကြားသည်။

ကြည့်မြင်တိုင် အနောက် ဘက်ကမ်းရှိ မြေဧက ၂၀,၀၀၀ ခန့်တွင် မြို့ပြဖွံ့ဖြိုးတိုးတက်ရေး စီမံကိန်း အကောင်အထည်ဖော်ရန် ရန်ကုန်မြို့သစ် ဖွံ့ဖြိုးရေးကုမ္ပဏီလီမိတက်ကို ဖွဲ့စည်းထူထောင်မည်ဖြစ်သည်။

အလုပ်အကိုင် အခွင့်အလမ်းနှစ်သန်းခန့် ဖော်ထုတ်ပေး မည့် အထက်ပါစီမံကိန်းအတွက် ရန်ကုန်မြို့သစ် ဖွံ့ဖြိုးရေး ကုမ္ပဏီ လီမိတက် (NYDC-New Yan gon Development Company လီမိတက်) ဖွဲ့စည်းထူထောင်ခြင်း ကို မတ်လ ၃၁ ရက်တွင် ပြုလုပ်မည်ဖြစ်သည်။

Credit: 7Daydaily