ထားဝယ်အထူးစီးပွားရေးဇုန် ထိုင်းကစတင်လိုသော်လည်း မြန်မာနှင့်ဂျပန်က မဟာစီမံကိန်းရေးဆွဲမပြီး၍ စောင့်ဆိုင်းနေရဟုဆို

ကြန့်ကြာနေသည့် ထားဝယ်အထူးစီးပွားရေးဇုန်ကို ထိုင်း ကစတင်အကောင်အထည်ဖော် လိုသော်လည်း မြန်မာနှင့် ဂျပန်နိုင်ငံတို့က ထားဝယ်ဒေသဖွံ့ဖြိုး ရေးမဟာစီမံကိန်းရေးဆွဲမှုမပြီး ဆုံးသေး၍ စောင့်ဆိုင်းနေရသည် ဟု ထိုင်းအမျိုးသားစီးပွားရေးနှင့် လူမှုရေးဖွံ့ဖြိုးရေးဘုတ်အဖွဲ့ အထွေထွေအတွင်းရေးမှူး Pora-metee Vimolsiri ကပြောသည်။

လာမည့်ဧပြီတွင် ပြုလုပ် မည့် မြန်မာ၊ ထိုင်း၊ ဂျပန်သုံးပွင့် ဆိုင်ဆွေးနွေးပွဲမတိုင်မီအထိ အ ဆိုပါအထူးစီးပွားရေးဇုန်သည် တစ်စုံတစ်ရာတိုးတက်လာမည် မဟုတ်ကြောင်း အထက်ပါပုဂ္ဂိုလ် က ဘန်ကောက်ပို့စ်သတင်းစာသို့ ပြောသည်။

ထားဝယ်ဒေသဖွံ့ဖြိုးရေး မဟာစီမံကိန်း၏ အစိတ်အပိုင်း ဖြစ်သည့် ထားဝယ်အထူးစီးပွား ရေးဇုန်ဖွံ့ဖြိုးရေးစီမံချက်ကို ဂျပန် အပြည်ပြည်ဆိုင်ရာပူးပေါင်း ဆောင်ရွက်ရေးအေဂျင်စီ (JICA)က ရေးဆွဲပေးနေသည်။ ထိုစီမံကိန်းရေးဆွဲမှုအချိန်တစ်နှစ်ကြာ ခဲ့ပြီးလာမည့်မေလတွင်ပြီးဆုံး မည်ဖြစ်ကြောင်း ထားဝယ်အထူး စီးပွားရေးဇုန်စီမံခန့်ခွဲမှုကော်မတီ ဒုတိယဥက္ကဋ္ဌ ဒေါက်တာမြင့်ဆန်း က ပြောသည်။

ထိုစီမံကိန်းကို မြန်မာ-ထိုင်း အဆင့်မြင့်ပူးတွဲကော်မတီ က ခွင့်ပြုရန်လိုအပ်ပြီး၎င်းကော်မ တီက ခွင့်ပြုချက်မရမချင်း စီမံကိန်းတစ်စုံတစ်ရာအကောင်အ ထည်ဖော်နိုင်မည် မဟုတ် ကြောင်း Porametee Vimolsiri ကပြောသည်။

ထိုင်းကုမ္ပဏီ အီတာလျံ-ထိုင်းက ထိုင်းနယ်စပ်အထူးစီးပွား ဇုန်သို့သွားသည့် ၈၂ မိုင်ရှိသော လမ်းကို အကောင်အထည်ဖော်ရန် ထိုင်းအစိုးရကဘတ် ၄ ဒသမ ၅ ဘီလီယံ(ကန်ဒေါ်လာ ၁၃၃ သန်း) ထုတ်ချေးရန် ၂၀၁၅တွင်စီစဉ်ထားသည်။ ထိုစီမံကိန်းကို မြန်မာအစိုးရက ပြန်လည်သုံး သပ်နေခြင်းကြောင့်ကြန့်ကြာနေ ခြင်းဖြစ်သည်။ အတိုးနှုန်း သုည ဒသမ ၁ ရာခိုင်နှုန်းဖြစ်သည်။

ထားဝယ်အထူးစီးပွားရေး ဇုန်ကို အပိုင်း(က)နှင့်(ခ)ဟူ၍ နှစ်ပိုင်းခွဲကာ အကောင်အထည် ဖော်ပြီး အပိုင်း(က)ကို အီတာလျံ -ထိုင်းကုမ္ပဏီက မြေယာဖော် ထုတ်မည်ဟု စီမံကိန်းနှင့် ဘဏ္ဍာ ရေးဝန်ကြီးဌာန ဒုတိယ၀န်ကြီး ဦးဆက်အောင်ကပြောသည်။ အ ပိုင်း(ခ)စီမံကိန်းကို နိုင်ငံတကာ တင်ဒါခေါ်ယူမည်ဟု ၎င်းကဆက် လက်ပြောသည်။ အပိုင်း(က)တွင် စီမံကိန်းအသေးစားများပါ ၀င်ပြီး အပိုင်း(ခ)တွင် စီမံကိန်း အကြီးစားများပါဝင်မည်ဟု ဦး ဆက်အောင်ကပြောသည်။

အဆိုပါအထူးစီးပွားရေးဇုန် နှင့်ပတ်သက်ပြီး JICA (မြန်မာ) အကြီးအကဲ မစ္စတာမစယုကီကာ ရာစ၀ါက ‘‘(စီမံကိန်းက)ရလာတဲ့ သုံးသပ်ချက်ပေါ်မူတည်ပြီး မြန် မာနိုင်ငံအစိုးရကနေ ဘယ်လိုဆုံး ဖြတ်မလဲဆိုတာမူတည်ပြီး ပါဝင် သွားမယ်’’ ဟု ပြောသည်။

အဆိုပါ စီမံကိန်းလုပ်ကိုင် ရန် ၂၀၀၈ တွင် မြန်မာ-ထိုင်းနှစ်နိုင်ငံအစိုးရ ချင်းလက်မှတ်ထိုးပြီး ထိုင်းနိုင်ငံ အီတာလျံထိုင်းကုမ္ပဏီ နှင့် ပြည်တွင်းမှ မက်စ်(မြန်မာ)ကုမ္ပဏီတို့ စတင်လုပ်ကိုင်သည်။ သို့သော် မက်စ်(မြန်မာ)ကုမ္ပဏီက စီမံကိန်းတွင် မပါဝင်တော့ပေ။ ၂၀၁၃ တွင် ဘဏ္ဍာရေးအခက်အ ခဲကြောင့် စီမံကိန်းရပ်ဆိုင်းခဲ့ သည်။

၂၀၁၅ ဇူလိုင်တွင် စီမံကိန်း ပြန်လည်စတင်ရန် မြန်မာ-ထိုင်း -ဂျပန်သုံးနိုင်ငံအစိုးရချင်းဆွေး နွေးပြီး ဂျပန်အစိုးရက အဆိုပါ စီးပွားရေးဇုန်အပါအ၀င်ထားဝယ် ဒေသဖွံ့ဖြိုးရေးကန်ဒေါ်လာသန်း ၈၀၀ ကျော်ထုတ်ချေးရန်သဘော တူခဲ့သည်။

ထားဝယ်အထူးစီးပွားရေးဇုန်သည် စတုန်ရန်းမိုင် ၁၀၀ ခန့် ကျယ်ဝန်းသောသီလ၀ါအထူးစီး ပွားရေးဇုန်ထက် ၁၀ ဆခန့် ကြီးသည်။ ယင်းစီမံကိန်းအကောင်အ ထည်ပေါ်လာပါက အရှေ့တောင်အာရှတွင် အကြီးဆုံးစက်မှုဇုန် တစ်ခုဖြစ်လာမည်ဖြစ်သည်။

Credit: 7Daydaily