၎င်း၏ ကွန်ကရစ်အူတိုင်ကို ဗဟိုပြုလှည့်လှည်နေနိုင်သော၊ အထပ် ၈၀ မြင့်သည့် အဆောက်အအုံတစ်ခု ယူအေအီးနိုင်ငံ ဒူဘိုင်းမြို့တွင် ၂၀၂၀ ပြည့်နှစ်မကုန်မီ ပေါ်ပေါက်လာတော့မည် ဖြစ်ကြောင်း သိရသည်။
ပေပေါင်း ၁၃၇၅ ပေ မြင့်မည့် ယင်း Dynamic Tower သည် ၎င်းတွင်
မှီတင်းနေထိုင်သူများကို သူတို့အခန်းများအား သူတို့စိတ်ကြိုက် လှည့်လည်ခွင့်
ပေးခြင်းဖြင့် ဒူဘိုင်းမြို့၏ ၃၆၀ ဒီဂရီမြင်ကွင်းများကို မြင်ရစေမည် ဖြစ်သည်။
မှီတင်းနေထိုင်သူများက လှည့်လှည်မှုနှုန်းကို ထိန်းချုပ်နိုင်မည် ဖြစ်သည်။
"ဒါက လုပ်ငန်းအတွက်ပဲ ဖြစ်ဖြစ် အပန်းဖြေဖို့အတွက်ပဲ ဖြစ်ဖြစ် ခရီးသွားတွေ
မှီတင်းနေထိုင်သူတွေအတွက် သီးသန့်ဝန်ဆောင်မှုတွေ၊ တမူထူးခြားအဆင့်မြင့်တဲ့ နေထိုင်သွားလာမှု၊ လိုအပ်တဲ့ပံ့ပိုးမှုတွေကို ပေးစွမ်းမှာပါ" ဟု ထိုအဆောက်အအုံကို ဒီဇိုင်းရေးဆွဲသော ဒီဇိုင်းကုမ္ပဏီ Dynamic Architecture က
ထုတ်ပြန်ထားသည်။
အစ္စရေး-အီတလီလူမျိုး ဗိသုကာဗညာရှင် ဒေးဗစ်ဖစ်ရှာက ၎င်းအဆောက်အအုံအတွက် ဒီဇိုင်းများကို ၂၀၀၈ ခုနှစ်ကတည်းက ပြသခဲ့ခြင်းဖြစ်သော်လည်း
စီမံကိန်းအား ထိုစဉ်က ယာယီဆိုင်းငံ့ခဲ့ကာ ကာလအတန်ကြာပြီးနောက်
ပြန်လည်စတင်လာခဲ့ခြင်းဖြစ်ကြောင်း သိရသည်။
"ဒီတီထွင်မှုက အဆောက်အအုံကို တစ်ပုံစံတည်း ရိုးမသွားစေဘဲ
အမြဲတမ်း အသွင်ဆန်းစေမှာပါ။ ကြမ်းခင်းက အရမ်းကို ချောချောမွေ့မွေ့
လှည့်လည်နေမှာဖြစ်တယ်။ အဲ့ဒီလိုလှည့်လည်မှုကြောင့် ဘာသံညာသံမှထွက်မှာ မဟုတ်သလို ခိုင်ခံ့လုံခြုံမှုအတွက်လည်း စိတ်ချရပါတယ်" ဟု ဖစ်ရှာက
ပြောကြားခဲ့သည်။
ရေပြင်ညီတည်ရှိမည့် လေတာဘိုင် ၇၉ ခုက အဆောက်အအုံ၏ အထပ် အလွှာများအကြား လျှပ်စစ်ဓာတ်အားပေးမည်ဖြစ်ပြီး ခေါင်မိုးပေါ်တွင်
photo voltaic panel များ တပ်ဆင်မည်ဖြစ်သဖြင့် ဓာတ်အားခကိုလည်း
နည်းနိုင်သမျှနည်းစေမည် ဖြစ်သည်။
အိမ်ခန်းတစ်ခန်းလျှင် အမေရိကန်ဒေါ်လာ ၄ သန်းမှ သန်း ၄၀ အကြား ရှိမည်ဟု ခန့်မှန်းထားပြီး အဆောက်အအုံဆောက်လုပ်မှု ကုန်ကျစရိတ်သည် ပေါင် သန်း ၃၅၀ ခန့် ရှိမည်ဟု ခန့်မှန်းထားကြောင်း သိရသည်။
ခင်အေးချမ်း မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com
