တရုတ်အိမ်ခြံမြေ၀ယ်လက်များအကြား သြစတြေးလျတွင် မဲလ်ဘုန်း ဗိုလ်စွဲဆဲ

မဲလ်ဘုန်းမြို့သည် သြစတြေးလျတွင် တရုတ်ဝယ်လက်များအတွက်
လူနေအိမ်ခြံမြေ၀ယ်ယူမှု၌ မြို့တော်ဆစ်ဒနီကို သာလွန်၍ ရေပန်းအစားဆုံးမြို့
အဖြစ် အခိုင်အမာရပ်တည်ဆဲ ဖြစ်ကြောင်း ဈေးကွက်သုတေသနသစ်တစ်ရပ်က
ဖော်ပြခဲ့သည်။

မဲလ်ဘုန်းတွင် နိုင်ငံခြားဝယ်လက်များအတွက် အခွန်နှင့် စည်းမျဉ်းများ
တိုးမြှင့်လာမှုနှင့် တရုတ်တွင် ပြည်ပသို့ငွေကြေးစီးဆင်းမှုအား ဖိနှိပ်နေမှုနှင့်
ရင်ဆိုင်လာရသည့်အကြားက တရုတ်ဝယ်လက်များသည် မဲလ်ဘုန်းအိမ်ခြံမြေကို
အာရုံစိုက်နေကြခြင်း ဖြစ်သည်။

ကမ္ဘာ့နေထိုင်ချင်စရာအကောင်းဆုံးမြို့အဖြစ် ကျယ်ကျယ်ပြန့်ပြန့်ဗိုလ်စွဲထားသည့်
မဲလ်ဘုန်းသို့ ပြည်တွင်းပြည်ပအိမ်ခြံမြေ၀ယ်လက်များ အာရုံစိုက်လာကြကြောင်း
ကမ္ဘာ့အိမ်ခြံမြေအကျိုးဆောင်များက ပြောကြသည်။

တရုတ်အိမ်ခြံမြေ၀က်ဘ်ဆိုက်ဒ် Juwai.com တွင် ယခုနှစ် ပထမ ၇ လအတွင်း
သြစတြေးလျလူနေအိမ်ခြံမြေနှင့်ပတ်သက်၍ စုံစမ်းမေးမြန်းမှုစုစုပေါင်း၏ ရာခိုင်နှုန်း
၄၀ ကျော်သည် မဲလ်ဘုန်းမြို့အိမ်ခြံမြေအကြောင်း ဖြစ်ကြောင်း သိရသည်။

ယင်းသည် ယမန်နှစ်ထိုကာလကထက် ၃၅ ဒသမ ၆ ရာခိုင်နှုန်း မြင့်တက်လာခဲ့ခြင်း
ဖြစ်သည်။ မြို့တော်ဆစ်ဒနီကိုမူ ယခုနှစ်တွင် မေးမြန်းမှု ၁၇ ဒသမ ၅ ရာခိုင်နှုန်း
သာ ရှိခဲ့ပြီး ယမန်နှစ်ကထက် အနည်းငယ်သာ မြင့်တက်ခဲ့သည်။

မဲလ်ဘုန်းတွင် ၀ယ်လိုအားသည် ၂၀၁၆ ခုနှစ် ပထမနှစ်ဝက်နှင့် ယှဉ်လျှင် ၂၀၁၇
ခုနှစ် ပထမနှစ်ဝက်တွင် ၁၃ ဒသမ ၃ ရာခိုင်နှုန်း မြင့်တက်ခဲ့ကြောင်း Juwai.com
၏ သြစတြေးလျခေါင်းဆောင် ဂျိန်းလူက ပြောကြားခဲ့သည်။

သြစတြေးလျသည် တရုတ်ထက်စာလျင် အမျိုးအစားတူအိမ်ခြံမြေဈေးနှုန်း၌
ပိုမိုကောင်းမွန်သော တန်ဖိုးကို ပေးကြောင်း၊ ဘ၀နေထိုင်မှုဟန်ပန်နှင့်
ပညာရေးဝယ်လက်များအပေါ် သြစတြေးလျအခွန်က
သက်ရောက်မှုအနည်းငယ်သာ ရှိကြောင်းလည်း မစ္စလူက ပြောကြားခဲ့ကြောင်း
သိရသည်။

ခင်အေးချမ်း မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com