မင်္ဂလာဈေးကို နိုဝင်ဘာ ၁ ရက်တွင် စတင်ဆောက်မည်

မီးဘေးသင့်ခဲ့သည့် မင်္ဂလာဈေးကို နိုဝင်ဘာလ ၁ ရက်တွင် စတင်တည်ဆောက်သွားမည် ဖြစ်ကြောင်း ရန်ကုန်မြို့တော် စည်ပင်သာယာရေးကော်မတီထံမှ သိရသည်။

အဆိုပါဈေးဆောက်ရန် မြေသားစမ်းသပ်မှုများ ဆောင်ရွက်ပြီးစီးပြီ ဖြစ်ကာ တည်ဆောက်မည့် ကုမ္ပဏီကို မကြာခင်ရက်ပိုင်းအတွင်း တင်ဒါခေါ်သွားမည် ဖြစ်ကြောင်း မင်္ဂလာတောင်ညွှန့်မြို့နယ်၊ တိုင်းဒေသကြီး လွှတ်တော်ကိုယ်စားလှယ် ဦးလှဌေးက ပြောကြားသည်။

“ဆိုင်ခန်းအားလုံးက အရင်ရှိခဲ့တဲ့ အလွှာအတိုင်း အခန်းအတိုင်း အားလုံး ပြန်ရမယ်။ မင်္ဂလာဈေးဆောက်မယ့် ဝင်းထဲမှာရှိတဲ့ စည်ပင်ဘဏ်ကိုလည်း ကျောက်တံတားမြို့နယ်က လက်ရှိစည်ပင်ဘဏ်ရဲ့အပေါ်ထပ်ကို ရွှေ့ဖို့လုပ်နေတယ်” ဟု ၎င်းက ဆိုသည်။

မင်္ဂလာဈေးကို ကားပါကင်နှစ်ထပ် အပါအဝင် ၁၅ ထပ်အမြင့် တည်ဆောက်ကာ မြေညီထပ်မှ စတုတ္ထအထပ်ထိ ဆိုင်ခန်းများကို နေရာချထားပေးမည် ဖြစ်ပြီး ကျန်ရှိသည့် အထပ်များကို ကုမ္ပဏီရုံးခန်း၊ အရောင်းပြခန်းများ ဖွင့်လှစ်မည်ဖြစ်ကြောင်းနှင့် နှစ်နှစ်ခွဲအတွင်း ပြီးစီးအောင် တည်ဆောက်သွားမည် ဖြစ်ကြောင်း ရန်ကုန်မြို့တော် စည်ပင်သာယာရေး ကော်မတီထံမှ သိရသည်။

ယခု အသစ်ပြန်လည်တည်ဆောက်မည့် အထပ်မြင့် ၁၅ ထပ် တည်ဆောက်မည့် မင်္ဂလာဈေးကို ရန်ကုန်မြို့တော် စည်ပင်သာယာရေးကော်မတီ ဘတ်ဂျက်ဖြင့် တည်ဆောက်မည် ဖြစ်ကြောင်း ရန်ကုန်မြို့တော် စည်ပင်သာယာရေးကော်မတီမှ အကြီးတန်း အရာရှိတစ်ဦးက ပြောကြားသည်။

မင်္ဂလာဈေးကို ပြန်လည်တည်ဆောက်ရန် အဆောက်အအုံဒီဇိုင်းအတွက် တင်ဒါခေါ်ယူခဲ့ရာ လာရောက်တင်ပြသည့် ကုမ္ပဏီ ၁၃ ခုမှ Amenity Design Group ကို ယခုနှစ် မေလ ၁၃ ရက်က ရွေးချယ်ခဲ့ပြီး မင်္ဂလာဈေးသစ်ကို မီးဘေးကာကွယ်ရေး နိုင်ငံတကာ နည်းစနစ်များဖြင့် ငြှိမ်းသတ်နိုင်မည့်အပြင် ဓာတ်လှေကားများဖြင့် လေဝင်လေထွက်ကောင်းသည့် ဒီဇိုင်းပုံစံ တည်ဆောက်သွားမည် ဖြစ်သည်။

မီးလောင်ပျက်စီးခဲ့သည့် မင်္ဂလာဈေးမှာ ယခုအခါ တစ်နှစ်နှင့် ရှစ်လကျော် ကြာခဲ့ပြီး တည်ဆောက်ချိန်မှာ နှစ်နှစ်ခွဲခန့် ကြာမြင့်ခြင်းကြောင့် အခက်အခဲများ ရှိကြောင်း မင်္ဂလာဈေးသူဈေးသား အချို့ထံမှ သိရသည်။

မီးဘေးသင့်ခဲ့သည့် မင်္ဂလာဈေးတွင် ဈေးဆိုင်ခန်းပေါင်း လေးထောင်ကျော်ရှိပြီး ဈေးသစ်ပြန်တည်ဆောက်ပြီးပါက ဈေးဆိုင်ခန်းပိုင်ရှင်တွေကို မူလရောင်းချသည့် နေရာတွင် မူလပိုင်သည့် နေရာ၊ အထပ်၊ အခန်းအတိုင်း နေရာပြန်လည်ချထားပေးမည် ဖြစ်သည်။

Credit: The Voice