ဘီလာရုစ်နိုင်ငံ၏ ကြောက်စရာအကောင်းဆုံးအိမ်

အရှေ့ဥရောပရှိ စတာလင်ခေတ်ဗိသုကာလက်ရာများရှိခြင်းဖြင့် ကျော်ကြားသောကုန်းတွင်းပိတ်နိုင်ငံ ဘီလာရုစ်တွင် မြို့တော်မင့်စ်မှ ငါးကီလိုမီတာကွာဝေးသောရာတွမ်ကာမြို့လေးတွင် လူအများအား အထူးသဖြင့် ညအခါ၌ အရှေ့မှဖြတ်လျှောက်ချင်စိတ် မရှိစေရန်၊ ရှောင်ကွင်းသွားကြစေရန် ငွေကြေးကုန်ကျခံဆောက်လုပ်ထားသော ကြောက်မက်ဖွယ် အိမ်တစ်အိမ်ရှိသည်။

လူလက်တံများ ထိုးထွက်နေသော ကျောက်သားနံရံခြံစည်းရိုး၊ မကောင်ဆိုးဝါးရုပ်များဖြင့်အလှဆင်ထားသည့်အမိုး၊အပြင်ဘက်မှ
လမ်းမြင်နေရသည့်ခြံဝန်းထဲမှလူအရိုးခေါင်းတောင်တို့ဖြင့်၎င်းသည်ဘီလာ
ရုစ်နိုင်ငံ၏ခြောက်ခြားစရာ အကောင်းဆုံးအိမ်အဖြစ် ကျော်ကြားလာသည်။

ယင်းအိမ်၏ ကြောက်စရာကောင်းသော ဒီဇိုင်းကြောင့် ညအခါတွင် အရှေ့သို့ဖြတ်လျှောက်သောကလေးများသာမကအရွယ်ရောက်ပြီးသား
လူများကိုပင်ထိတ်လန့်စေကြောင်း ပတ်ဝန်းကျင်၌နေထိုင်သူအချို့က ဒေသခံအာဏာပိုင်များအား တိုင်တန်းမှုများ ပြုလုပ်ခဲ့သော်လည်း ယခုတိုင်တော့ အာဏာပိုင်များကတစ်စုံတစ်ရာ မပြုလုပ်သေးပေ။

"ကျွန်မ အဲ့ဒီအိမ်ကို ကျွန်မအလုပ်က လုပ်ဖော်ကိုင်ဖက်တွေကို ပြဖို့ ဓာတ်ပုံရိုက်ခဲ့သေးတယ်။ အလုပ်တောင်မရောက်လိုက်ပါဘူး။ အဲ့ဒီကျက်သရေမရှိတဲ့ပုံတွေကိုကျွန်မဖုန်းထဲ မရှိစေချင်တာနဲ့ ရိုက်ပြီးမကြာဘူး၊ ပြန်ဖျက်လိုက်တယ်" ဟု ရာတွမ်ကာမြို့တွင် နေထိုင်သူ မာရီယာ နီကိုလက်ဗ်နာက TUT.by. မီဒီယာသို့ပြောကြားခဲ့သည်။

"အဝေးကနေကြည့်ရင်တော့ အဲ့ဒီအိမ်က လှပါတယ်။ ကျွန်မအဘွားကဆိုအဲ့ဒီအိမ်ကို ပုံပြင်ထဲက ရဲတိုက်တစ်ခုနဲ့တောင် ခိုင်းနှိုင်းခဲ့ပါတယ်။ ဒါပေမဲ့တကယ့်ကတယ် အဲ့ဒီအိမ်နားရောက်တော့ ကျောက်သားနံရံခြံစည်းရိုး ထဲကနေလက်တွေ ထွက်နေတာရယ် အိမ်ခေါင်မိုးပေါ်က မကောင်းဆိုးဝါးတွေရယ် ကိုတွေ့လိုက်ရတော့
ကျွန်မတို့ အရမ်းလန့်သွားကြတယ်။ အခုဆို အဲ့ဒီအိမ်ရှေ့ကနေကျွန်မတို့ ဖြတ်မလျှောက်တော့ဘူး။ ညဆို အဲ့ဒီမကောင်းဆိုးဝါးသတ္တုရုပ်တွေကနေ
အလင်းပြန်ပြီး ပိုကြောက်ဖို့ကောင်းတာမို့ လူကြီးတွေအတွက်တောင် အဲ့ဒီအိမ်ကကြောက်ဖို့ကောင်းပါတယ်" ဟုလည်း သူက ပြောကြားခဲ့
သည်။

၎င်းအိမ်၏ နံဘေးရှိ အိမ်တွင် နေထိုင်သူတစ်ဦးကလည်း "မြင်ကွင်းကကြောက်စရာဗျ။ အမိုးတွေမှာ ထောင်ထားတဲ့ သရဲရုပ်တွေ၊ အရိုးခေါင်းတောင်၊မြင်ရတာ ကြက်သီးထစရာပါ။ သရဲရုပ်တစ်ရုပ်ကဆို ကျွန်တော့်အခန်းပြတင်းကိုတည့်တည့်နေကြည့်နေတာ။ ညညအဲ့ဒီဘက်
ကို ကြည့်မိရင်စိတ်မသက်မသာဖြစ်ရပါတယ်" ဟု ပြောကြားခဲ့သည်။

ယင်းအိမ်ပိုင်ရှင်သည် သာမန်စီးပွားရေးလုပ်ငန်းရှင်တစ်ဦးသာ ဖြစ်ကြောင်းအိမ်နီးချင်းများက ပြောကြားခဲ့သည်။ သူသည် လွန်ခဲ့သည့် ဆယ်နှစ်ခန့်က၎င်းမြေကွက်ကို စတင်ဝယ်ယူခဲ့ပြီး အဆောက်အအုံအား ဆောက်လုပ်စတပိုင်းတစထားထားခဲ့ရာမှ ပြီးခဲ့သည့်နှစ်နှစ်ကမှ ပြန်လည်စတင်ဆောက်လုပ်ခဲ့ခြင်းဖြစ်သည်။ယခုအခါ တည်ဆောက်မှု
အားလုံးအလုံးစုံပြီးစီးလုနီးဖြစ်နေပြီဖြစ်သဖြင့်ထို့သို့ကြောက်မက်
ဖွယ်မြင်ကွင်းရုပ်လုံးစတင်ပေါ်လာခြင်းဖြစ်သည်။

ဆောက်လုပ်ပြင်ဆင်မှု အားလုံးပြီးစီးသွားပါက နောက်ထပ်ကြောက်မက်ဖွယ်ရာများဖြည့်တင်းဦးမည်လားနှင့် ပတ်သက်၍ အိမ်နီးချင်းများက လန့်နေကြကြောင်းသိရသည်။

ခင်အေးချမ်း မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com