လွန်ခဲ့သော လေးနှစ်ကပြဠာန်းလိုက်သည့် အင်ဂျင်နီယာ ကောင်စီ ဥပဒေ အရ မြန်မာအင်ဂျင်နီယာများသည် ဘွဲ့လက်မှတ်ရှိရုံဖြင့် လုပ်ငန်းလုပ်ကိုင်ခွင့် မရတော့ဘဲ ကောင်စီမှ ထုတ်ပေးသော လိုင်စင်လက်မှတ်ရှိမှသာ လုပ်ကိုင် ခွင့် ရှိမည်ဖြစ်သော်လည်း လက်ရှိအချိန်အထိ ထိုလိုင်စင်ရရှိသူမှာ အင်ဂျင်နီ ယာ ၃,ဝဝဝ ခန့်သာ ရှိသေးကြောင်း ကောင်စီမှ သိရသည်။
အင်ဂျင်နီယာကောင်စီမှ ထုတ်ပေး သော လိုင်စင်ကိုင်ဆောင်ခြင်းမရှိဘဲ လုပ်ငန်းများ လုပ်ကိုင်ပါက အရေးယူခံရမည်ဖြစ်ကြောင်း မြန်မာနိုင်ငံ အင်ဂျင် နီယာကောင်စီဥက္ကဠဟောင်း ဦးဝင်းမြင့်က ရှင်းပြသည်။
တခြားတစ်ဖက်တွင်မူ ပြီးခဲ့သည့် ၂ဝ၁၆ ခုနှစ်ဆန်းပိုင်းက ယင်းပြဠာန်းချက် စတင်အသက်ဝင်စဉ်တွင် အင်ဂျင်နီယာအသိုင်းအဝိုင်းက ဝိုင်းဝန်းဝေဖန်မှုများ ရှိခဲ့ပြီး ကနဦးတွင် ကောင်စီမှ လိုင်စင်ရရှိရန် လာရောက်လျှောက်ထားသည့် ဦးရေလည်း လွန်စွာနည်းပါးခဲ့သည်။
သို့သော် ယခုနှစ်တွင်မူ လျှောက်ထားသူ သုံးဆခန့်ပိုမိုများပြား လာပြီဖြစ် သည် ဟု မြန်မာနိုင်ငံ အင်ဂျင်နီယာအသင်း၏ ဒုဥက္ကဠ ဦးလင်းက ပြောသည်။
ကောင်စီထံမှ လိုင်စင်လျှောက်ထားသူသည် စာမေးပွဲများ ပြန်လည် ဖြေဆို ရပြီး၊ ပညာရပ်ဆိုင်ရာ ဆွေးနွေးပွဲများလည်း တက်ရောက်ရသဖြင့် အချိန်ပေး ရသည်ကို အင်ဂျင်နီယာများက မလိုလားကြခြင်းဖြစ်သလို၊ ယခင်က မြို့တော် စည်ပင်ကလည်း လိုင်စင်ထုတ်ပေးသဖြင့် နှစ်ခါပြန် လိုင်စင်လျှောက်ထားရ သည်ကိုလည်း သူတို့က ဝေဖန်ခဲ့ကြသည်။
ယခုအခါ မြို့တော်စည်ပင်က လိုင်စင် ထုတ်မပေးတော့ဘဲ ကောင်စီကသာ လိုင်စင်ထုတ်ပေးတော့သည်။
ထိုသို့ထုတ်ပေးရာတွင်လည်း အင်ဂျင်နီယာများ၏ လုပ်သက်နှင့် အဆင့် အ တန်းများကို ခွဲခြားကာ တည်ဆောက်နိုင်သော အဆောက်အအုံအမျိုးအစား များကိုလည်း ခွဲခြားပေးသွားမည်ဖြစ်ကြောင်း ဦးလင်းက ရှင်းပြသည်။
ထို့ပြင် ကောင်းကျိုးအနေဖြင့် ကောင်စီမှ အင်ဂျင်နီယာများကို ပေးအပ်သော အသိအမှတ်ပြုလက်မှတ်များကို အာဆီယံနိုင်ငံများအပါအဝင် နိုင်ငံပေါင်း ၅ဝ ပါဝင်သော The Federation of Engineering Institutes of Asia and the Pacific (FEIAP) မှလည်း အသိအမှတ်ပြု လက်ခံပေးသွားမည်ဖြစ်ကြောင်းေ ကာင်စီမှ သိရသည်။
မြန်မာနိုင်ငံတွင် အင်ဂျင်နီယာ မည်မျှရှိသည်ကို တရားဝင် ကိန်းဂဏန်း အတိ အကျကို မသိရသော်လည်း အင်ဂျင်နီယာအသိုင်းအဝိုင်းက တစ်နိုင်ငံလုံးတွင် စုစုပေါင်းအင်ဂျင်နီယာတစ်သိန်းကျော်ရှိသည်ဟုဆိုထားရာ လက်ရှိတွင် သုံး ရာခိုင်နှုန်းခန့်သာ ကောင်စီထံမှလက်မှတ်ရရှိထားခြင်းဖြစ်သည်။
ရန်ကုန်နည်းပညာတက္ကသိုလ်မှ ဓာတုဗေဒအင်ဂျင်နီယာအထူးပြုဖြင့် မဟာ ဘွဲ့ရရှိပြီးသူ မခြူးခြူးမေနိုင်က ''တက္ကသိုလ်မှာ အင်ဂျင်နီယာနဲ့ပတ်သက် တာတွေ အားလုံးလေ့လာပြီးဖြစ်ပေမဲ့ လိုင်စင်ရအောင် တချို့ဟောပြော ပွဲတွေ ပြန်တက်ရတာ အချိန်ကုန်လို့ သိပ်တော့သဘောမကျပါဘူး''ဟု ပြော သည်။
သို့သော်လည်း ''ဒါပေမဲ့ ကောင်စီကလည်း လိုင်စင်ထုတ်ပေးဖို့ စာရွက်စာ တမ်းတွေ လိုအပ်ချက်တွေ၊ ကုန်ကျစရိတ်တွေ အများကြီးလျှော့ပေါ့ပြီး ဆောင် ရွက်ပေးနေတော့ ကောင်စီကနေ အသိအမှတ်ပြုလိုင်စင် ထုတ်ရလွယ်လို့ လိုင်စင်တော့ လျှောက်ထားပါတယ်''ဟု သူက ဆက်ပြောသည်။
လိုင်စင်အမျိုးအစားအလိုက် လက်မှတ်ရသူဦးရေအား အတိအကျဆိုရပါမူ ယခုလအထိ အာဆီယံပဋိညာဉ်ခံ အင်ဂျင်နီယာပညာရှင်လက်မှတ်ရသူ ၃ဝ၁ ဦး၊ မှတ်ပုံတင် အင်ဂျင်နီယာပညာရှင်လက်မှတ်ရသူ ၆၆၅ ဦး၊ မှတ်ပုံတင် ကန့်သတ် အင်ဂျင်နီယာ ပညာရှင်လက်မှတ်ရသူ ၁ဝ ဦး၊ မှတ်ပုံတင်အကြီး တန်း အင်ဂျင်နီယာလက်မှတ်ရသူ ၁,၉၂၇ ဦးနှင့် ကုမ္ပဏီအဆင့်သတ်မှတ် ချက် အသိအမှတ်ပြုလက်မှတ်ရသူ ၅၁ ဦး ရှိပြီဖြစ်ကြောင်း ကောင်စီ၏ ထုတ်ပြန်ချက်အရ သိရသည်။
Credit: Myanmar Time
