ရန်ကုန်-ပြည် ရထားလမ်းပိုင်းကို ADB ချေးငွေဖြင့် အဆင့်မြှင့်ရန် ညှိနှိုင်းနေဟုဆို

ရန်ကုန်-ပြည် ရထား လမ်းပိုင်းကို အာရှဖွံ့ဖြိုးရေးဘဏ် (ADB) ချေးငွေ အမေရိကန်ဒေါ် လာ သန်း ၁၂၀ ဖြင့် အဆင့်မြှင့် ပြင်ဆင်ရန် ညှိနှိုင်းနေေ ကြာင်း မြန်မာ့မီးရထား အထွေထွေမန်နေဂျာ (စစ်ဆေးရေး) ဦးဘမြင့် က ပြောသည်။

အဆိုပါ ရထားလမ်းပိုင်းကို အဆင့်မြှင့်တင်ရာတွင် ချေးငွေ ကူညီထောက် ပံ့ပေးနိုင်ရန် ADB က ယခုလပိုင်းအတွင်း လာ ရောက်လေ့လာထားပြီး အေ မရိကန်ဒေါ်လာ သန်း ၁၂၀ ထုတ်ချေးပေးရန် စဉ်းစားနေသည်ဟု မြန်မာ့ မီးရထားစီမံကိန်းဒါရိုက်တာဖြစ်သည့် ဦးဘမြင့်က ပြောသည်။

‘‘၂၀၁၈ မှာ ဆန်းစစ်တာတွေ လုပ်ပြီး ၂၀၁၉ လောက်မှာစမယ်။ လွှတ်တော် တို့ ဘာတို့ သဘောတူ တယ်ဆိုလို့ရှိရင် အဲဒီလောက်မှစ မှာပေါ့’’ဟု ယင်း လမ်းပိုင်းအဆင့် မြှင့်တင်နိုင်မည့်အချိန်ကို၎င်းက ဆိုသည်။ ADB ကပြည် ရထားလမ်းပိုင်း အဆင့်မြှင့်တင်နိုင်ရေး မြန်မာ့ မီးရထားနှင့်ညှိနှိုင်းမှု များ ပြုလုပ်နေပြီး အတည်ပြုလက်မှတ်ရေးထိုးထားသည့်အဆင့်သို့ မရောက် ရှိသေးခြင်းဟု ဦးဘမြင့်က ပြောသည်။

ရန်ကုန်-ပြည် ရထားလမ်း ပိုင်းသည် မြန်မာနိုင်ငံ၏ ပထမ ဆုံးရထားလမ်း ပိုင်းတစ်ခုဖြစ်ပြီး မိုင် ၁၆၀ ကျော်ရှည်လျားကာ ၁၈၈၇ မေလ ၁ ရက်တွင် စတင် ပြေးဆွဲခဲ့သည်။ ယခုအချိန်တွင် အဆိုပါလမ်းပိုင်းမှာ အရည်အသွေးကျ ဆင်းနေခြင်းကြောင့် ရထားစီးနင်းရသည်မှာ သက်သောင့်သက်သာမရှိဟု ခရီးသည်များ၏ ဝေဖန်မှုများရှိနေသည်။

ယင်းရထားလမ်းပိုင်းသည် အစိုးရသစ်လက်ထက်၌ အကြီး စားပြုပြင်ဆင်ရန် ထည့်သွင်းလျာထားသည့် လမ်းပိုင်း ငါးခုအနက် တစ်ခုအပါအ၀င်လည်း ဖြစ် သည်။

မြန်မာ့မီးရထားသည် ရန်ကုန်-မန္တလေးရထားလမ်းပိုင်း၊ မန္တလေး-မြစ်ကြီး နားရထား လမ်းပိုင်း၊ ပဲခူး-မော်လမြိုင် ရထားလမ်းပိုင်း၊ ရန်ကုန်မြို့ပတ် ရ ထားလမ်းပိုင်းနှင့် အဆိုပါပြည်လမ်းပိုင်းတို့ကို အဆင့်မြှင့်တင်ရန်စီမံ ချက် ရေးဆွဲထားခြင်းဖြစ်သည်။

ရန်ကုန်-မန္တလေး ရထား လမ်းကို ဂျပန်နိုင်ငံအကူအညီဖြင့် စတင်ပြုပြင်မှု များ ပြုလုပ်နေပြီး မန္တလေး-မြစ်ကြီးနား လမ်းပိုင်းကို ပြုပြင်ရန် ကိုရီးယားနိုင် ငံ၏ အကူအညီဖြင့် မြေပြင်လေ့လာ ဆန်းစစ်မှုများ ဆောင်ရွက်နေသည် ဟု မြန်မာ့မီးရထားမှ သတင်းရရှိသည်။

Credit: 7DayDaily